Big or Small lias are lias

Part 7

....
كنت توني طالعه من حصة الاستاذ لوهان لحقني وهو ينادي باسمي
و نبهتني فيونا انه كان يناديني
قلت : خلاص خذي معاك كتبي و بقابلك في الفصل
هزت راسها و راحت
رحت عنده و قال : هانا معليش خذي هاذي الاوراق و وديها لكريس
بتلقينه في غرفة تشومين الغرفه القريبة من غرفة المدير
قلت : بس بتأخر على حصتي عند استاذ سوهو
قال وهو يربت على كتفي : لا تخافين بعطيه خبر
هزيت راسي له و ابتسمت و خذت الاوراق و رحت لغرفة الاستاذ تشومين
دقيت الباب و انتظرت لثواني و بعدها دخلت
شفت نفس كلام الاستاذ لوهان كان الاستاذ تشومين ما كان موجود
و شفت الاستاذ كريس معطيني ظهره وهو جالس على الكنبة
جيت بتكلم بس سكت لما شفته نايم
كنت حاضنه الورق بين يديني
و انا اناظر ملامحه الهاديه كانت حواجبه مرتخيه و ما كان فيه عيون بارده ولا وجه فيه ملامح العصبيه و كانت مرتيخه و بعض خصلات شعره طايحه على عيونه
عادةً يكون شعره مرفوع من قدام كانت زايده من وسامته
فجاه فتح عيونه بهدوء التقت عيوني بعيونه لثواني لا صارت دقايق
الى لما تنحنت لما حسيت بجسمي ارتفعت حرارته
و ناظرت الجهه الثانيه و انا اقول : احم هاذي اوراق من الاستاذ لوهان طلبني اسلمها لك
حطيت الاوراق قدامه على الطاولة المستطيله
قال : قالك وش عنه ؟
قلت : لا ما اعرف محتواها
خذ الورقه بين يدينه و ناظرها ثواني بعدها ناظرني
و قال : المهم انا ابيك بعد الدوام تجين غرفتي
رفعت حواجبي باستغراب و قلت : ليه ؟
و كالعاده نظرة البرود من عيونه و قال بصلابه : بدون ليه !
قلت : بس انا..
قاطعني وهو يرجع يتسند على الكنبة و يقول : بدون اي سؤال اتمنى حضورك انسه هانا
تنهدت و انحنيت له و طلعت من الغرفة بسرعه
تسندت على الباب
و انا حاطه يدي على قلبي الي كانت متسارعه دقاته
ضربت خدي بخفه كم من مره
و مشيت و انا اهمس لنفسي : ليه انا كذا
التفت لما حسيت باحد واقف جمبي و قلت : هاه؟؟
وشفت الاستاذ تاو  وهو يقول : انتي بخير ؟
تنحنت و قلت : لا احم اقصد ايه انا بخير شكرا لك
هز راسه لي و قال : كريس موجود هنا
قلت :ايه
طلعت ابتسامه غريبه على وجهه و بعدها هز راسه
انحنيت له و مشيت بسرعه لفصلي اول ما دخلت انحنيت لسوهو و وهو هز راسه بمعنى وصلني خبر اول ما جلست تذكرت الاستاذ تاو و ابتسمت في داخلي يذكرني بشكل الباندا
  ....
جلسنا ذا المره في الملعب و احنا نفطر و قالت : بما ان بكره بيبدا الوكيند وش بتسوين ؟
هزيت كتوفي و قلت : انا اشتغل بدوام جزئي فا اتوقع بقضيه كذا
رفعت حواجبها بصدمه و قالت :بس
هزيت راسي و قالت : يعني ما عندي شي اسويه يمكن افتح كراتين في شقتي لان لسا في كثير منها ما بعد فتحتها
قالت : لحظة انتي تعيشين بالحالك ؟ يعني انتي تعتمدين على نفسك؟
عشان كذا تشتغلين
قلت : ايه
قالت : طيب بسألك سؤال اذا بيزعجك تقدرين ما تردين
هزيت راسي لها
قالت : يعني ما تحسين بالوحده في شقة بالحالك ؟
ضميت رجلي لحضني و قلت : اكيد احس
قالت : طيب ما تخافين ؟
قلت : يعني بعض الاحيان مب دايم
قالت : يعني اقصد انك بنت و بعمر صغير و غير كذا انتي يعني جميله
يعني حتى انك ما لاحظتي نظرات الشباب هنا اذا مريتي
رفعت حواجبي ولا واحد بالميه حسيت فيهم يعني ما كنت مهتمه
هزت راسها وقالت : زي ما توقعت
......