Big or Small lias are lias

Part 30

......
في الفسحه طلعنا للملعب نفطر فيه
و قالت : هانا تكفيين خليني اشرح لك تكفين بسوي لك الي تبين
رفعت حاجبي و قلت : الي ابي
هزت راسها با ايه
ابتسمت بمكر قلت : طيب اجل معد تتهزين بالي يصير بيني و بين كريس
ضحكت و قالت : اوكي وعد
بعدها قالت لي ان اصلا ما لاحظ جونغهيون كريس لان ما كان واضح شكله يعني الوضع امان بينا
و قالت عن الموقف الي صار بينها و بين جونغهيون و بالتفاصيل
قلت : اوف يا الدنيا كيف جمعتيني مع صديقه منحرفه مثلها اااه ياا خلي التفاصيل لك فيونا ما ابي اسمعها
ضحكت وهي تقول : انا ما قلت لك الا اني ابيك تقولين لي الي صار  بالتفاصيل
قلت : انتي اصلا شاهده على كل شي
قالت : حتى ولو  ابيك تقولين لي
تنهدت و قلت و انا اتذكر امس : في البدايه صراحةً كنت منحرجة من قربه لي فا كنت اصلا ما اناظر الا في رقبته بعدها قال اني اذا جيت ارقص مع اي احد لازم اناظره في عيونه و ...
قاطعتني فيونا و هي تناظرني و بحالميه و تنهدت و هي تقول : ااه يا الدنيا
ناظرتها ببرود و قلت : فيونا بتسمعيني ولا تراني بسكت
قالت وهي تكمل بحالميه : لا لا ما اقدر افوت قصة الحب هاذي
تنهدت و كملت لها الين الي هي شهدت عليه و وقفت هنا
حطت يدينها على وجهها و وقفت و صارت تدور مع نفسها
ضحكت بتوتر و انا اشيل اكلي و امشي
و اقول : ما اعرفها ما اعرفها
و لحقتني وهي تحط يدها على كتفي
قلت : فيونا ...اوه لحظه جونغهيوون
ناديت جونغهيون كنت ابيه يضايق فيونا شوي
التفت علينا لما شافنا ابتسم و اشر لنا و وقف عندنا
قلت : هاذي فيونا خذها ملكك الحين انا طفشت منها بااي
و مشيت بسرعه و انا اضحك ودخلت جوا
كان طول اليوم و انا احاول اني اتجنب كريس في الممرات
و اذا شفته اروح عكس كنت منحرجه من الي صار امس
و ما ادري كيف بواجهه مره ثانيه
الين الحين و واخيرا رجعت اشتغل في كوفي مره ثانيه
اشتقت لشغلي، صح انه متعب لكن كنت استمتع فيه
و خصوص العم جون
...:هاه جت اليوم هانا
كان العم جون ينظف نظارته فا مكان يشوفني بوضوح
ابتسمت و قلت : الطلب المعتاد عم جون
لبس نظارته و قال : هانااا!!
ابتسمت و قلت : كيفك في غيابي هاه ؟
ابتسم ابتسامه واسعه و قال : مب بخير كل ما جيت لازم اقول طلبي محد يتذكره الا انتي
هزيت راسي له و ضحكت
قال : عسى ما شر ليه خذتي اجازه؟
تنهدت و قلت : سالفه طويله عم جون بس هي اجازه مرضيه
قال: غريبه انتي لو على وشك و تموتين داومتي لا من المدرسه ولا من شغلك
ضحكت و انا اتذكر كريس
قال : اكيد هذاك استاذك كريس هاه
لامعت عيوني لما ذكر اسمه و تورد وجهي
ابتسم و قال : اووه فيه اشياء كثيير صايره
ابتسمت و انا اعطيه طلبه : كل خير عم جون
هز راسه لي و قال : يلا اشوفك بكره
اشرت له بمعنى مع السلامه و بديت اخذ الطلبات الثانيه
الين و اخيرا فضا الكوفي و بعدها بديت امسح الارض والطاولات و اشيل القراطيس الطايحه و ارجع الكراسي بمكانها و غيره من اشياء . تنسدت على الجدار و خذت نفس و انا امسح العرق الي على جبينيو ابتسمت بفخر و قلت : و اخيرا خلصنا كيم هانا
دخلت غرفة الموظفين و غيرت ملابسي و خذت شنطتي الصغيره
و طلعت من الكوفي بعد ما سكرت اللمبات و قفلته و بديت امشي كانت الشوارع هاديه مافيها اي حركه و مع انوارها كانت مرعبه نوعا ما و هذا الشي خلاني اسرع بخطواتي لما شفت مجموعة رجال سكرانين الي مريت من عندهم باسرع ماعندي
بس  مسكني و سحبني باتجاه خلني اضرب بصدره
شوي و تسللت لخشمي ريحة الكحول
بلعت ريقي بصعوبه و دفيته و وطيت على رجله باقوى ما عندي
و ركضت لمحت اصدقائه الثلاثه لحقوني
رحت دخلت من المباني زي كل مره
و ركضت مع الدرج الي شفت فيه هذاك الذيب
رقيت على الحافه و نطيت  على الحدايد الي كانت تربط بين درج و درج الي تحته الين لما وصلت على الارض بسلام و ركضت بدون ما اشوف وراي فجاه في احد مسكني من يدي
التفت بالشهقه و روعه التقيت بعيون عسليه الي صارت تحسسني بالامان في الفتره الاخيره لمح كريس الدموع في عيوني بس تفاجاه لما حضنته بقوه فجاه وقف لثواني و حضني يشعرني بامان اكثر وهو يحس بحسمي الي يرحف بخوف ربت على كتفي و انا كنت دافنه وجهي بحضنه و محاوطه يديني على ظهره . حسيت فيه لما باس راسي و سند دقنه على راسي وهو الى الان يربت على كتفي غمض عيونه لثواني يستمع لانفاسي الي بدت تهدا و شوي بعدت عنه و مسحت باقي دموعي بسرعه و زينت غرتي الي كانت تخفي عيوني همست : شكرا
هز راسه لي كرد لي بعدها ربت على كتفي بمعنى يلا
مشيت وهو كان قدامي يفرق بيني و بينه يمكن خطوتين
لمحت حركه في الظلام
سرعت خطواتي و مسكت طرف تي شيرته من ورا ابتسم على مدى لطافتي وقف فك يدي من تي شيرته و عقد اصابعه بين اصابعي و مشى و لا قدر يخفي ابتسامته اما انا حسيت بالفراشات ببطني و انا احس بيده الدافيه ماسكه يدي
ابتسمت بخجل و نزلت راسي و مشيت جمبه موازيه لخطواته
بعد ما وصلت لباب شقتي تركت يده و فتحت الباب
و رجعت التفت له و قلت : شكرا مره ثانيه
قال : لا تشكريني لان بيصير كل يوم انا الي بوديك و انا الي برجعك
تنهدت لان عارفه لو تكلمت  بقول لا تقولين لي ماله داعي هزيت راسي له و بعدها دخلت مسك الباب قبل ما اسكره
رفعت راسي باستغراب
و ناظرني بمكر و قال :  ليه كنتي تتهربين مني اليوم
بديت احس بوجهي شوي شوي يحمر و قلت بتردد :ا.انا ما كنت اتهرب منك ؟احم اصلا وش اتهرب منه
قال وهو يتسند على الباب و طمن لي: لا تكذبين علي كيم هانا
قرب مني و باس شفتي العليا بنعومه و تركها ببطى و ناظرني
و قال : و هذا جزاء لكذبك علي ولا تعدينها مره ثانيه الا اذا
ناظر شفايفي و ابتسم ابتسامه جانبيه و بعدها تركني و مشى
سكرت الباب بسرعه و احس بقلبي شوي و يطلع من مكانه
طلعت مني ضحكة صغيره ما اقدر استنى لما اشوف ردة فعل فيونا لما تدري عن كل الي صار