Big or Small lias are lias

Part 37

كنت اوقف لثواني القط انفاسي و اصيح  الين ما شفت جذع الشجره الي على الارض
و طحت و استسلمت على الارض و انا اصيح
ما كنت ابدا مهتما بالالم الجسدي الي
كان هو الاساس احس فيه
بداله كنت احس بقلبي الي كان يعورني من كل شي
تكورت على نفسي و انا اصيح
كان جسمي يرجف من الصياح من البرد من الالم من كل شي
فتحت عيوني لما حسيت بقطرات المطر تضرب علي
تنهدت و قمت من على الارض و انا امسح دموعي و مشيت
و انا اسحب رجلي المجروحه بعد ما طحت
ما كنت مهتمه بالوقت الى لما و مدري كيف حتى و صلت لشارع
ناظرت السماء و كان الليل الحين و الله اعلم من متى و انا امشي او اركض و المطر مستمر
وقفت عند شجره قريبه من الشارع تحميني من المطر
طلعت جوالي و انا امسح دموعي الي اختلطت مع قطرات المطر
من حسن حظي كان باقي شوي من الشحن
ارسلت بسرعه رساله للعم جون
( اتمنى انك ما تسألني ليه انا في مثل هذا المكان )
و ارسلت له  لوكيشن المكان الي انا فيه
كان مالي الحين الا العم جون
جلست على الارض و حضنت نفسي
بعد تقريبا ساعه كامله وقفت سياره قدامي نزل منها بسرعه العم جون
وقفت بصعوبه من الارض
قال بروعه : هاناا ليش انتي بهاذي الحاله
الشي الي ما كنت ملاحظته غير الالم الي في رجلي و ظهري و راسي الي ينبض كانت رقبتي الي كانت تنزف
بس قبل ما اتكلم حتى حسيت و كأن شي اسود غطى عيوني
و وقتها عرفت انه اغمى علي
...
مرت ثلاث ايام و في بيت العم جون من قمت و انا في الغرفه و ما طلعت ابداً منها لمحت بأن الباب انفتح و شفت فيونا
رجع وجهي يتعبر و همست بصوت مبحوح : فيونا
جيت بوقف بروح لها لكن جرني سلك المغذي الي في يدي عشاني كنت رافضه اني اكل شي
جت لي هي بسرعه و اجبرتني اني ارجع اقعد على السرير
و حضنتها بقوه و اصيح
حاولت تهديني لكن ما سألت وش فيني لان لو انها سألت بانهار اكثر
في النهايه
قامت تصيح معاي على حالتي الي صرت عليها
شافت كيف رجلي الملفوفه و بعض الجروح الي في وجهي
و غير اللصقه الكبيره الي على رقبتي
بعد ما هدينا شوي و شافتني نايمه و على وجهي بعض الدموع
تنهدت فيونا بحزن كان ودها تشيل همي كله بس مافي بيدها شي  ، لحفتني و قامت من السرير و طلعت
شافت العم جون و قال : قالت لك شي
هزت راسها ب لا
و تنحنحت تعدل صوتها : من دخلت وهي تصيح لكن بحاول
هز راسه لها وهو يتنهد و مشى 
لكن بسرعه تكلمت فيونا و قالت : سيد جون الغيت الاجراءات حقت هانا للسفره ؟
لف عليها و قال : لا لسا
قالت : هي كم باقي عليها
قال : هي اصلا بعد بكره
هزت راسها و قالت : كويس ! لا تلغي اي شي ياليت تحجز لي معاكم لان ما اقدر اترك هانا و هي بهاذي الحاله
ابتسم لفيونا و قال : ولا يهمك اذا احتجتوا لاي شي عطوني خبر
ابتسمت له فيونا كرد
و رجعت فيونا بعدها على غرفتي
......
قمت على فيونا وهي تهزني
قلت و صوت فيه نوم : يااا خليني انوم
فتحت عيوني و كنت متأكده الحين هي تصارخ
يوم شافتني فتحت بعدت عن السرير و تكتفت
وهي تناظرني قالت : يلا قومي خذي لك شاور من متى و انتي بذا الملابس هاه
تنهدت و رجعت غمضت عيوني لكن فجاه دفتني بقوه
خلتني اقوم و اقعد و اقول بتذمر : اوف ياا فيونا طيب خلاص قمت
شفتها قعدت جمبي و سحبت يدي و شالت اللزاق الي على ابرة المغذي و شالتها و قالت : ما اتوقع انك بتحتاجينها لان انا بنفسي بأكلك غصب
تنهدت و شفتها حطت لي ملابس جديده على رجليني
و قالت وهي تأشر على الحمام : بتقومين تتروشين ولا انا اسبحك
قلت بتذمر : وش جايك انتي اليوم ماكله شي انتي
وقفت و خذت الملابس و بديت انطط عشان ما ادوس على رجلي الى لما وصلت للحمام و سكرت الباب
حطيت الملابس جمب الغساله و ناظرت نفسي على المرايا
شفت كيف عيوني منتفخه و حمراء من الصياح
و واضح الارهاق على كل جسمي و ملامح وجهي الشاحبه
تنهدت و انا احس بموجه ثانيه من الصياح رجعت لي
فكيت اللصقه الكبيره الي كانت على رقبتي
و نزلت دموعي و انا اشوف كل شي صار رجع يدور في مخي
حسيت بجسمي يرجف لما تذكرت
مسحت دموعي و شلت باقي اللزاقات الي كانت على جروحي الصغيره
و بعدها فصخت ملابسي و شفت في كيس بلاستك فاضي
خذته و غطيت فيه رجلي عشان ما يجي شي للمشد الي كنت لابسته على رجلي
شغلت المويه و وقفت تحتها و انا استند على الجدار عشان اوازن نفسي حسيت بدموعي الي اختلطت مع المويه
حطيت يدي على فمي اخفي شهقاتي خايفه  تكون عاليه و تسمعها فيونا
بعد دقايق بديت البس ملابسي و نشفت شعري
و بعدها طلعت من الحمام و شفتها جالسه تستناني
لما شافتني عرفت اني كنت اصيح تنهدت هي
و وقفت و قررت انها ما تقول اي شي عنه يذكرني فيه
صح انه تبي تعرف وش صار لي و كانت متأكده
انه بيني و بين كريس لكن مب مثل انها تبي ترجعني مثل اول و احسن خصوصا اني بسوي العمليه قريب و ما ينفع اسويها و حالتي كذا وقفت وهي تبتسم لي : اوكي الحين الشي الثاني لازم نروح السوق
بنشتري كل شي جديد من ملابس شنط كل شي
جلست على طرف السرير و انا اقول : و ليه كل هذا
قالت : لان هذا اخر يوم لك في كوريا و احنا ما جهزنا اي شي
قلت و انا اشيل الفوطه الي كانت على راسي : معدني مسويه العمليه
توسعت عيون فيونا : نععععم لا لا لا بتسوينها يعني بتسوينها
تنهدت و قلت : فيونا انا ما اتوقع ..
تكتفت وهي تناظرني و كنها بتسطرني
و ماقدر اخفي عنكم اني خفت شوي منها لان و للاول مره اشوفها كذا
تنحنحت و قلت : يعني احم تشوفني اقدر امشي
انقلبت ١٨٠ درجه و ابتسمت بحماس وهي تقول :عشان كذا جبت هاذي
طلعت من الدولاب عكازات
ناظرتها و قلت : تمزحين معاي صح
قالت : لا طبعا يلا لو سمحتي خذيها عشان بننزل تحت نفطر بعدها بنطلع و نبدا برنامجنا بسرعه
وقفت و خذتها من يدها و انا اتنهد
و بديت امشي و حمدت ربي ان بيت العم جون فيه اصنصير ولا كان مدري وش بسوي
اول ما طلعت دخلوا الخدم ينظفون غرفتي و يرتبونها
نزلت تحت بالاصنصير و شفت عند الباب استقبلني واحد من الخدم
قال : تفضلي معاي انسه هانا
هزيت راسي له و انا امشي وراه
كنت توني اتأمل البيت كان بالاحرى انه قصر لانه كان مره كبير
و كلاسيك مره و يعطي طابع مالكه بالضبط
دخلني غرفة الاكل و شفت العم جون قاعد يفطر و يقرا جريده و جمبه على اليسار فيونا الي كانت تكتب شي في جوالها
اول ما شافني ابتسم و نزل الجريده و قال بحنيه : صباح الخير
رفعت راسها فيونا و ابتسمت لي
هزيت راسي له و انا ابتسم ابتسامه صغيره : صباح النور
سحب الخادم الي كان معاي
الكرسي عشاني و جلست عليه و خذ مني العكازات
شكرته بهمس وهو هز راسه كرد علي و عليه ابتسامه
العم جون : هانا تعرفي على يونقوك هو يعتبر اليد اليمين لي عشان كذا راح يكون معاك بكل مكان حتى لو فيونا كانت معاك يعني بمعنى اخر راح يكون ظلك وين ما تروحين
قلت بهدوء  : ماله داعي كل هذا عم جون تعرف اني اقدر اعتمد على نفسي و انت تعرف انك ساعدتني بما فيه الكفايه
نزل قهوته الي كان بيده و قال : انا عارف انا اصلا ما سويت كل هذا الا اني اعتبرك بنتي ولا ما تبين تصيرين بنتي من البدايه
طلعت مني ضحكه و قلت : ما قلت هذا الكلام عم جون
ابتسمت فيونا لما واخيرا سمعت ضحكه بسيطه مني
تنهدت و هي تشوفنا بحالميه و قالت : لو اصلا بتقولون لي انك نتي مب بنته بتجيني صدمه و بعيدا عن كل هذا
قربت مني وهي تناظر يونقوك الي كان واقف على الطرف
و قالت : ما تقدرين تفوتين واحد وسيم مثل هذا هاا يعني تقبلي
توسعت عيوني و قلت : فيوونا اعقلي
اعتلت صوت ضحكات فيونا في كل الغرفه
مختلطه مع بعض من ضحكات العم جون
لمحت يونقوك ابتسامته الجانبيه دليل على انه سمع فيونا
و تنهدت و انا احك رقبتي باحراج
لكن مسرع ما انتهت هاذي اللحظه لما رجع الجو الكئيب يحاوطني
و انا افكر بكريس
ناظروا بعض فيونا و العم جون و تنهدو