My Poems

Umasa at Nagpaasa

Sa pag-ibig minsan tayo ay naguguluhan
Sino ba ang dapat sisihin kapag tayo'y nasasaktan?
Tayo ba na umasa o sila ba na nagpaasa?
Malalaman mo dito kapag iyong binasa.

Simulan natin kung paano tayo umasa
Umasa na sana mahal ka din nya
Na sana parehas kayo ng nadarama
At sa huli ay para sa isa't isa.

Sundan natin ng pinaasa
Pinaasa dahil may iba na pala sya
Akala mo kayo na talaga
Pero sa huli ay hindi pala.

Umasa ka na mahal ka nya
Pero pinaasa ka dahil may iba na sya
Umasa ka na akala mo kayo na
Pero pinaasa ka dahil laruan ka lang nya.

Maraming nagsasabi na ang umasa ang dapat sisihin
Sa lahat ng mga sakit at pasanin
Mga umasa ang dapat tanggalin
Ng tao sa mundo ay manahimik din.

Ang sabi naman ng iba nagpaasa ang dapat tanggalin
Upang mga umasa ay mawala din
Maging masaya sa pag-ibig ng kanilang susundin
At di na mahirapan sa kanilang pipiliin.

Umasa at Nagpaasa
Parehas na may sala
Hindi na dapat magsisihan
Sa ganitong kaganapan.

Walang mali kung ikaw ay umasa
Hindi rin mali ang magpaasa
Pumili ng taong para sayo
At hindi na umabot pa sa ganito.