Viperous Love

Weird

CHAPTER 8

Weird

6:30 am

Bwiset naman. Eh halos hindi ako nakatulog dahil sa kaiisip kung anong sinabi ni Ken. Kakailanganin ko pa naman ng maraming pahinga dahil 3 days nalang contest na namin.

Haaaaaaaaaaaaaaaay. Hindi ko pa naman makuha yung sa Science. Ang hirap hirap naman kasi. Oo nga pala! Dapat magpaturo nalang ako kay Paul.

Naligo na ako kaagad tapos bumaba na ko. Pagdating ko sa baba kumakain na si Paul, pero hindi siya nakauniform? Hindi ba siya papasok?

"Ok lang ba kung hindi kita mahatid ngayon?" Tanong niya sakin pagkaupo ko.

"Hah?  Bakit? Hindi ka ba papasok?" Kumuha ako ng sandwich tapos milk.

"Mamaya pa ako papasok eh. May practice kami sa Basketball." Oo nga pala. Malapit na din tournament nila sa Basketball.

"Ah sige. Ayos lang..." Pagkatapos ko kumain umalis na din agad ako. 

Trip ko maglakad ngayon kasi maaga pa naman. Sana lang hindi ako malate. 

Pumasok nanaman tuloy saisip ko yung nangyari kahapon. Alam ko talagang may sinabi si Ken. Kaya lang ayaw ko namang maging assumera. Baka mali lang pagkaintindi ko.

Dahil tuloy dun sa nangyari muntik pa kaming magaway ni Paul. Kung sakaling nagaway kami yun ang magiging first fight namin.

Bwiset naman kasi. Dapat di na ko tumingin sa side mirror eh. Edi sana hindi ako nagiisip ng ganito.

Aisssh! Mababaliw ako kakaisip. Wag mo na nga yan isipin Hannah. Focus ka sa review niyo. Wag na wag kang papatalo dun sa Ke----

"Ano ba! Gusto mo bang mamatay ah!? Tumingin ka nga sa dinadaanan mo!" OMG! Sa sobrang gulat ko napakapit ako sa braso niya. Muntik na akong mahagip nung motor. 

"So-- sorry... Hindi ko nakita eh" Hays. Papahamakin ko pa siya nito eh.

"Kung tumitingin ka sana sa dinadaanan mo at hindi kung ano anong iniisip mo edi hindi yun mangyayari!" Eh teka? Bakit ba siya yung galit? Hindi naman siya yung mababanga ah.