من رجعت البيت جنت بس ابجي اتمنى لو مجايه للدنيا اني ليش مو مثل البنات اني شبيه تغطيت بالبطانيه ونمت
اجه اخويه محمد
- زهووور كومي غسلي ملابسي
محمد جان يشتغل عماله بالقصور الرئاسية
لان من وصل صف ثالث متوسط ابويه بطله من المدرسه ايكله انت رجال شسوي بالدراسه اطلع اشتغل
محمد جان حنين عليه هواي بس هوه ممتواجد بالبيت هواي وحته من يجي ابويه ومحمد موجود ميحجي ويايه محمد لان يخاف من ابويه
غسلت ملابس محمد وجيت كعدت لكيت محمد لاف رجله بوصله كتله
- محمد شبيهه رجلك
كلي
- زهوره دخل بيهه بسمار
كتله
- اي لتروح لشغل لحد مطيب رجلك
كال
- اي هوه هم هيج
اجه ابويه من سمعت الصوت مال سياره صعدت للغرفه
اجت امي اسمعها تلكت ابويه غسلت رجليه
وصبتله غده
ابويه صاح محمد
- هاي ليش راجع من وكت اليوم
محمد
- والله دخل بسمار برجلي وماكدر اوكف بالشغل
ابويه يكله
-انته مو رجال شنو بسمار باجر تبدل وتروح افتهمت
محمد
- صار بويه
امي حجت ويه ابويه كالتله
- اريد احجي وياك بموضوع
-اتفضلي
- عيوني ابو محمد احنه ميصير انضل هنا بيت اهلك واحنه الله مفضل علينه وعدنه فلوس ليش منعزل بيت وحد
اول مره ابويه يوافق امي كلهه
- اي اعرف اكو بيت راح اشتري ونطلع
امي مشالتها الفرحة بوقتها مصدكت راح تخلص من عماتي وضلمهن
باليل ابويه حجه العماتي انو راح يطلع من البيت وهوه لاكي بيت هنه اي ع الخير
بس طلع ابويه بقن يحجن
- هاي ام السحوره راح تاخذه وتطلع بي بيت وحد شتريد بعد عدهه سبع ولد وابنها يشتغل
الله ليوفقها
هذا الحجي كدامي بس ماكدر احجي ولا اجاوبهم
رحت الغرفتنه بس ما كلت الامي ع الحجي
ثاني يوم اباوع من الشباك واشوف عمتي لابسه عباءته وطالعه من الصبح
انوب كعد اخويه محمد ولبس ملابسه وراح طلع الشغل
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
