طفله بعمر الستين

p32

.اجت امي من السوك جان اتخابرهه عمتي نجلاء كالت راح اجيكم 

امي

 - كل الهله بيج

 اجت عمتي كالت على بت عمتي الجبيره 

- طالعه بدرسين ومعدلهه كلش ضعيف يعني يادوب 60 ويردوهه تجي يم زهور 

علمود ادرسهه بلكي بهاي المادتين تنجح وترفع معدلهه 

امي كالت

- صدك جذب خل تجي هله بيهه شوكت متجي 

عمتي نجلاء

- اكلج ام محمد اني رحت الوحده بغداد جديده اسوي عمل وكتلها

اسوي عمل تفتح قسمتي واطيتهه اسم سامر وامه وحتى طلبت صورته ف هو

ذاك اليوم من اجه اخذتله صوره بدون ميدري وسحبت الصوره يم المصور وديتها للمره ايكلج هاي المره شغلهه كلش قوي

- صدك جذب نجلاء هاي عود انتي واعيه شلج بهاي السالفه خيه
عوفيهه خل تولي ترى لا رجل يجي بالسحوره ولا طفل بالنذوره ...

-ام محمد شبيج مشائمه كولي ياالله هسه بس خل يزوجني مو والله متت

- والله يا نجلاء بكيفج انتي واعيه وتعرفين تتصرفين

صارت ساعه 5 العصر واني لازمه التليفون انتضر رضا يتصل

جان يدك التليفون

- الووووو هلو رضا 

- هلو زهور شلونج

- اني الحمدالله 

- اسف خاف اليوم كتلج بعدين اتصل بس جنت مشغول

- لاعادي

- زهور

- نعم

- زهور انتي عذبتيني

- اني ليش؟
طبعا من رضا يحجي احس كلامه كله احاسيس ومشاعر حقيقيه
مو مثل كلام احمد مجرد كلام مصطنع او كلام وهمي ماعرف
شنو سببه المهم نرجع للمكالمه

- زهور مستعده تسمعين كلامي لو لا

- اي مستعده

- اوك .....زهور بصراحه اني اول يوم شفتج بي انعجبت بيج

- ليش؟

- ماعرف حسيتج مختلفه عن البنات ثقتج بنفسج وكلشي 

اول يوم من شفتج اتوقعته مجرد اعجاب ويروح بعدهه كمت اتردد

عليكم واشوفج زاد اعجابي بيج اكثر واكثر ومن امج كلتلي بلكي تقريهه

كيفت وفرحت وجنت من اقريج ما احس بالوقت بالعكس استمتع

كلش بعدين حسيت نفسي ماكدر اذا ما شوفج ماكدر امنع نفسي جنتي بالنسبه الي مثل الدوه الي ينطو للمريض

جنت راسم انو انتي اتصيرين الي جنت امفكر اخطبج بس تكملين السادس ومصارحتج ولا حجيت

بموضوعج علمود متلتهين عن الدراسه لان اعرف البنيه من تحب راح تتكاسل بدراستهه
هو

رضا يحجي بس احسه ديطلع روحي من جسمي بكلامه ودموعي
تنزل بدون وعي وبدون ما احس وهو
يحس بيه من ابجي بس بقى يكمل بكلامه

ما اعظم وجودك بداخلي وحبك لي

فصوتك ياخذني الى عالم مزهر

- زهور اني حيل تعلقت بيج جانت صدمتي من سمعت راح تنخطبين

اني مادري اهلج يقبلون ينطوج اذا واحد يتقدملج صدكيني مجنت متوقع كل ظني انو انتي عمرج بعده

زغير ومراح ينطوج اله تكملين السادس اقل شي زهور اني والله ا..............

- شنو رضا انت شنو احجي؟؟؟؟