عاد عمتي بقت تحجيلي على هذه الولد الي يريد يتقدملي واهله خوش ناس ومن هالكلام
وهي تحجي واني اصلا بس اريدها تكوم من يمي لان قطعت عليه سلسله افكار كلش طويله المهم امي صاحت على عمتي نجلاء
واني رحت صعدت يم اخويه صادق بقيت اسولفله طبعا صادق احسه مو بس اخ احسه صديق هم مجنت استحي من احجي ويا ف احجيله كلشي
كتله
- شلون شسوي هذوله راح يجون الجمعه واذا انخطبت هاهيه بعد ومنو كال همه راح يخلوني اكمل دراسه
صادق باوع عليه كلي
-انتي غبيه؟
كتله
- لا !
كلي
- بابا من يجون راح يكولون شنو شروطج وانتي لتصيرين غبيه وتستحين كولي شرطي اكمل دراسه والباقي بكيفكم اني مو بحاجه ذهب ولا شي بس اريد اكمل دراستي
بقى
صادق ايعلم بيه حجي وكلي
-لصيرين ضعيفه بكلامج اني اكلج لان الرجال من يشوف مره ضعيفه راح يسيطر عليه ويمشي كلمته عليه ف انصحج انو من يجون سيطري على نفسج واحجي واذا معجبهم بعد احسن
اتفقنه اني وصادق على الكلام وطلعت متفائله ورحت بغرفتي بقيت كاعده صافنه كلت سبحان الله ابسط حلم عد اي بنيه انو تكمل دراسته واني هذا الحلم اصعب شي عندي
بنفس اليوم اجت ام يوسف هي وياها
بتها طبعا بتها ايه من الجمال ومامحجبه فاتحه شعرها اسود طويل كلش ولبسهه هم كلش حلو
المهم امي صاحتني حتى اسلم عليهم من طلعت من غرفتي لكيت صادق واكف ع درج ويباوع عليهم كتله
- ها صادق
جان يكلي
- شنو هالملاك الي طب بيتنه بقيت اضحك اني كتله دير بالك ليشوفوك ههههه اخويه طلع زاحف
المهم نزلت سلمت عليهم وقدمتلهم جاي عاد امي كالت البت ام يوسف بنتي راح يجون يخطبوها
يوم الجمعه بلكي تعلميه شلون ترتب نفسه وشتلبس لان اني ماعرف بلبس والموديلات هسه ولا هي
تعرف ولا طالعه سوك
البنيه خطيه كالت
- بعيني اني الخميس اجي واجيب ملابس وهي شنو اليعجبه خلي تلبس واني هم اسويله وجهه وشعرها ولو هيه بنتج حلوه اصلا بدون ترتيبات
اني كاعده بس صافنه على البنيه وعلى لبسهه واضافرها معتنيه بنفسها كلش كلش حقه اخويه صادق يوكف ويصفن عليهه
جان يسئلوني
- شنو شعورج
امبين انتي ضايجه شو ؟
كتلهم
- لا والله عادي مابيه شي
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
