.
- بس يله عادي مو مشكله وشكرا لان اجيتي كلتيلي ورحمه الله والديج وما قصرتي مع السلامه
- زهووور اوكفي عليج الله خوما ضجتي مني
- لا حبي لتخافين مضجت بس ياريت تمسحين رقمي ومتتصلين بيه بعد لان ميشرفني احجي ويه وحده مثلج باي
رجعت للبيت جنت منهاره منا سالفه ابويه الي يريد يجيب وحده ....... ومنا صادق الي منهار من وره هاي الحقيره ومنا امي اوووووووووووف كلهه التمت عليه وما تهنيت بنجاحي
بس صفنت اني ما احطم نفسي على واحد ميستاهل مثل احمد اني اعرف شلون اتصرف
خابرت
- احمد الووووو
- هلوووو حبيبتي
- لتكلي حبيبتي
- خير يا ستار شكو
- عيني اني ماريدك واريد افسخ خطوبتي منك
- شنو اتخبلتي انتي شنو تفسخين هي لعب
- كول النفسك انت مصادق صديقتي وفلانه وفلانه شتريدني ابقى وياك شنو مخبله لو ناقصني ايد لو رجل
- هاااااا من طلعتي معدل كمتي تفيكين الله يرحم ايام زمان اهلج بس يردون يزوجج
اني انصدمت بيني وبين نفسي شنو اهلج بس يردون يزوجوج بقى هو
يكمل كلامه
- اي اهلج بس يردون يزوجوج ويخلصون منج موزين قبلت بيج اني عمتج نجلاء توسلت بامي حتى اجي اخطبج
- اكلك هذا الحجي روح احجي للحايط واذا تكول عمتج نجلاء كالت ف عمتي نجلاء محد يعترف بكلامهه ويله لتلزك زايد
- هاااااا ماشي اني اخابر ابوج واشوف شنو رأيه بكلامج
- رووووح شسوي سوي
خررررررب هذا راح يخابر ابويه واني منا البارحه صارت عركه راح تعلك اليوم والله
بقيت كاعده بالغرفه انتضر شوكت ابويه يصيحني وكل ميدك تليفونه اني افز من مكاني
.
.
.
.حتى لا نزلت ولا اكلت
عاد بقيت افكر افكر الى ان اجه رضا على بالي وخابرته
- الووو هلو رضا
- هلو زهور شلونج!!!
- الحمدالله انت شلونك
- الحمدالله شعجب اتصلتي اول تالي؟؟؟؟
- رضا اني بمشكله والله راح اتخبل
- شكووو زهور احجيلي
- رضا بصراحه احمد عنده علاقات هوايه ومن ضمنهم صديقتي وهي
اليوم اجت واعترفتلي وحتى شوفتني الرسائل رضا والله تعبت ومنا ابويه يريد يتزوج وحده مو زينه ويجيبهه البيتنه ماعرف شنو الحل فدوه ساعدني اني احجي ويا وابجي
- زهور اهدي ماكو اسهل منهه بس اهدي اني هسه راح اعوف دوامي وشغلي واجي احجي ويه ابوج واقنعه
- شتقنعه اذا تكله احمد عنده علاقه هسه يكلك من حقه
- لا زهور اني اعرف ابوج واعرف مين يضوج بس اصبري ساعه بالزايد واني يمكم هسه اخابر ابوج اكله عندي موضوع وياك
صدك وره ساعه اجه رضا وكعدو هو وبابه بالحديقه واني رحت للاستقبال حتى اسمع شيحجون
هستوه رضا ديحجي جان يتصل احمد يريد يجي
ابويه كله تعال هله بيك
عاد رضا
- عمي بصراحه الموضوع يخص زهور وخطيبهه
- شبيهم ؟؟؟
- عمو انته عندك بس هاي البنيه وانت ونعم الاب مامطلع بنتك ولا احد يعرف بنيتك اني مو كرايبكم لو ما العزيمه ما اشوفهه ولا اعرفهه وانت ربيت بنتك وابنك نعم التربيه والناس كلهه تحلف براسهم وتحمد باخلاقهم
- رحمه الله والديك ابني بس كلي شنو الموضوع شنو زهور غلطانه بشي؟؟
- لاعمو بنتك محشومه من الغلط بسسس بصراحه عمو ذوله بيت احمد ميوالموكم وناس حسهم طالع واخواته ماكو واحد ميعرفهن لبسهن لشوفه بالشارع ميبقى واحد ميسلم عليهن اخلاقهن زفت واخوهن ماعنده غيره مخليهن يطبن ويطلعن لا حسيب ولا رقيب
واحمد خطيب زهور جماعتي يعرفو حشاش ويشرب كحول وكبسله وكلشي انسان منحط وبنتك من راح تزوج هيج واحد راح تصير حجايه على سمعتكم
.
.
.
.
عاد ابويه كله
- والله اني اشوفه مو طبيعي بس متوقعته هيج
- لاعمو وحتى هذا تصوير اله اني جبته من صديقي لان يعرفه وصديقه كلش
ابويه شاف التصويركله
- هذا هوالتصوير لتمسحه وهسه هوجاي واني اعرف شلون احاجي
وره شويه اجه احمد كال لابويه
- عمي بنتك تخابرني تريد تفسخ الخطوبه شنو هي نجحت وكامت ادور فسخ خطوبه هاي اله عدهه شي وتريد تفسخ
ابويه
- اسكت لاااااااا اكوم املص راسك من جسمك افتهمت واحنه منريدكم ومنريد اناسبكم ويله بعد لتعتب باب البيت وعود دز امك خلي ام محمد تتفاهم وياهه ويله اطلع منا
- هااااا يعني تطردني هاي عليهه فصول
- امشي لك وانت ميلك عشيره يله ولي
طلع احمد واني اله شويه انزل وابوس رضا صدك خلصت من هذا الزباله واخيرا
بس بقت هند شلون راح اخلص منها
.
-------------------------------------------------------------------------------------------------------
توقعاتكم للنهايه بعد 4بارتات
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
