طفله بعمر الستين

p25

- يمه شلون ما اخاف اريد اعرف شكد معدلي يارب شلون مداتحمل

بهذاك الوقت كلش قليل عدهم نت بل بيت
اكثر شي مقاهي مال الانترنت راح يشوف النتيجه ....
من راح صادق وعبالك الثواني الي اتمر عليه سنين والوقت احسه ميمشي
يمشي ومن التوتر حتى وجهي صار اصفر وامي كل شويه اجيب
مي وتغسل وجهي

- يمه لتخافين شبيج هي نتيجه

- يمه شلون ما اخاف اني مصيري على هاي النتيجه اني متاكده من نجاحي
بس يبقه المعدل يحدد مصيري ..

-حبيبتي الله كريم

- يمه اريد ارفع راسج كدام العالم اريد ايكولن بت ام محمد طلعت دكتوره
اريدج تتباهين بيه ...

امي مرادت عود تكسر بخاطري كالت

- يمه حبيبتي لتفكرين هيج فكري من كل النواحي حتى متنصدمين

- ماما لا افكر وانشالله ارفع راسج

بعدها
سمعت باب البيت ركضت لكيته ابويه مو صادق ممممم اوووف شوكت يجي صادق دخل ابويه للبيت كال
لامي

-شبيج مخبوصه

- مو اليوم نستلم نتيجه زهور راح صادق يجيبها من ابو النت

- هاااا ديله صبي عشا قابل شتريد اطلع هيه!

امي صبت عشا الابويه واني عيني ع الباب جان يفوت صادق هوه ورضا هااا هذا شجابه رضا !!!!

ركضت ع صادق شو هذا كالب وجهه ومحجه ويايه واني حتى نسيت اسلم على رضا

دخل صادق المطبخ واني امشي ورا جان ايكول لامي

- هاي بنتج الخبصتينه بيها خل تكمل وخل تكمل دراسه هي هاي

- شكو شطلعت

وابويه يباوع على صادق

- شطلعت؟؟؟

جان يكول

- شطلعت يعني شطلعت وصادق يحجي وعصبي

رحت عليه

- عفيه صادق شكو وكعت كلبي

باوع عليه

- سكتي عبالي راح اتنجحين ومكيف رايح اجيبلج النتيجه هي هاي نتيجتج

اني كعدت بالكاع وبقيت ابجي
جان صادق ايشيلني وبقى
يفر بيه ويضحك

-ولج دكتووووره عليمن تبجييين اضحكي ولج ماحب اشوفج تبجين

وصادق شالني وبقة يهلهل كللللوش حبيبتي دكتوره ورضا يضحك وامي تضحك واني

- ولك صادق نزلني عليك الله نزلني ..

-مانزلج اله تبوسيني بسته نزلني عيني بتكم نجحت والعالم حسدوني على اختي

- صدك صادق بس احجي شكد معدلي؟

- شكد تتوقعين معدلج ؟

-مممم 95

- لا98

وامي بقت تهلهل واني اضحك يعني راح اصير دكتوره
بقينه تقريبا. نص ساعه ..نضحك وفرحانين حتى. ابويه من الصدمه. بقى
يضحك ويانه جان يصيحني ابويه ويبوسني

- حبيبتي مبروك

اوووول مره بحياته يبوسني ابويه حسيت نفسي اسعد انسانه بالعالم بهذا الخبر

وبعد ماعندي شي اخاف منه حتى
ابويه كام يحبني وراح يتباهه بيه كدام العالم بعد ورضا

-الف مبروك زهور شايفه كل الخير

- شكرا دكتور رضا .

-تدللين دكتوره زهور بس بعد وراج دراسه بالجامعه .

-ان شاء الله كل الخير بس خى اشوفها للجامعه

امي وصت كيك وجكليت بنفس اليوم وزعنا ع العالم حيل فرحانه ومااوصف فرحتي

الخبر وصل بيت جدو وعرفو واجت عمتي نجلاء بس من عماتي باركتلي والباقيات غلسن

خابرت على احمد خطيبي كتله جان جوابه بس مبروك وحسيته اصلا مو فرحانلي
وره يومين خابرتني
جوان
كالت اني طلعت بالكيمياء و مأجلة الاحياء ومعدلهه 70
كتلها
- حبيبتي شدي حيلج بذني المادتين حتى يصعد معدلج

- ان شاء الله حبي والف مبروك عليج

-تسلمين قلبي