بعد الاتصال الي صار بيني وبين رضا
حسيت نفسي راح اموت من الفرح بس بنفس الوقت اكو شي بكلبي
فشي ميخليني افرح انو اني حجيت ويه رضا يعني اني
متأكده... كلش انو سعادتي راح اتصير ويا رضا
بس القدر لازم... ياخذ مكانه ولازم الحلو ميكمل
كعدت بليل ساعات افكر شلون وشراح احجي ويه رضا واني متأكده
انو هوه راح يكلي احبج
ومتأكدة انو هو راح يصارحني بحبه من اصفن وافكر بعقل اكول ياريت ميكلي احبج حتى
ما اتعلق بي ياريت ميصارحني بشعوره لان راح يخليني اعيش بدوامه
ويخليني بين نارين وبعدين ارجع احن وافكر بكلام الحب واكول شراح يكلي
معقوله راح ايكلي احبج وشنو اجاوبه اذا كلي هاي الكلمه ما اتوقع راح
اكدر اسمعهه منه
اوووف رضا شسويت بيه بس يله اني قويه واعرف شلون اتصرف من كد التفكير نمت ومادري
بنفسي اله كعدت الصبح واني مخروعه كبل طلعت التليفون اشوف
خاف رضا متصل عليه واني مادري باوعت بالتليفون ملكيت غير بس احمد متصل ساعه 9 الصبح
رجعت اتصلت عليه
- هلووو احمد متصل عليه واني جنت نايمه اسفه محسيت !
- عادي شلونج؟
- زينه الحمدالله انت شلونك؟
- الحمدالله .
- اي شكو ماكو ؟
- والله ماكو شي انتي اسويتي مسويتي ع تقديم ؟
- اني قدمت الفايل مالتي ومليت الاستماره وديتهه.
- هااااااا وليش مكلتيلي حضره جنابج شو انتي تتصرفين من كيفج وترحين وتجين بكيفج!!!
اني هنا كعدت وعدلت كعدتي وصحيت من النوم
-اكوووول شنو تتصرفين بكيفج ليش هو انت تخابر ؟ تسأل؟ شنو تتصرفين بكيفج شنو قصدك اني كله ويه امي وبعلم ابويه اطلع
-ايييي بس اني رجلج واي خطوه تخطيهه اتكوليلي افتهمتي مو شفتيني عايفج براحتج
- هاااااا وشلون
- عايفني براحتي يعني شفتني يوميه طالعه وطابه لو شفتني مكضيتهه بالسوك لو شنو ها اني مو طفله ولا ماعرف اتصرف حتى تحاجيني هيج
طبعا اني جنت متحمله عليه حيل بحيث من حجه ويايه هيج عبالك
واحد فتحلي متنفس حته احجي
جان ايكلي
-منا ورايح اي طلعه اي تصرف تجين تكوليلي قبل متسوي زين
-اوك تدلل .
- مع السلامه
- الله وياك
كبر شكد غثيث هاي المغثه
من الصبح الواحد يكلوله صباح الخير هذه مخابر حته يتعارك خررررب حظي
رجعت اتمددت جان ايدك الكبد ههههههههه
اول مره اتصل اني
مجاوبت كلت خلي شويه اثكل ثاني مره يالله جاوبت
- صباااااح الخير زهور .
- صباح النور
- اسف خاف كعدتج من النوم
- لا عادي اني اصلا هسه دا اكوم
..ميدري قبل خمس دقايق جنت اتعارك وصوتي يلعلع مثل الدلاله خررررب
-زهور
- نعم
-البارحه نمتي؟
-بصراحه ساعه 5 الفجر نمت
-ليش؟
- ماعرف بقيت كاعده
- تفكرين؟
- اي افكر
- بشنو ؟
- ماعرف!!!!!
- زهور اني هم منمت البارحه
-ليش؟
-ماعرف
-ههههههههههه
- ليش اضحكين؟
- مادري
- ههههههههههههه
-شبيك؟
- مادري زهور البارحه ماعرف ليش حسيت نفسي فرحان تحديدا ساعه 11 ونص بليل
- مممممم شنو السبب؟
- زهور متعرفين ليش؟
-لا ماعرف ليش !!!!
- زهوووور اني مخابرج علمود هذا السبب ...شنو السبب يعني؟؟؟
كافي تغشمين نفسج وانتي تعرفين كل الزين شنو الي بداخلي
- بصراحه ماعرف شنو الي بداخلك
- زهور اني بعد ما اتحمل راح احجي
- اووووك احجي
بهاي الاثناء دا اباوع ع ساعه مال تليفون والكه احمد متصل عليه 6 مرات ولاكي انتظاررر خرررب
- رضا رضا قبل لتحجي هذا احمد داك عليه ولاكي انتظار اشوفه شيريد وارجع اخابرك
- اوك براحتج
خرررب هذه شبي احمد اليوم
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
