من دخلت للبيت امي كالت
- راح اروح البيت جدج عماتج جايات
اروح اسلم عليهن خاف يسأل
ابوج عليه كوليله ابيت جدو
- ماشي يمه
نزل صادق من طلعت امي
- ها كبد وين راحت امي؟
-راحت البيت جدو
ماشي دخل صادق سبح وبدل وكشخ وكعد بالحديقه وره شويه
اندك الباب كام صادق فتح الباب طلعت هنوده جايه دا اطلعله
جان اشوف صادق حضنه وكعدو بالحديقه حديقتنه كله
اشجار يعني محد يكدر يباوع عليه من السطح
بقو تقريبا ربع ساعه كاعدين يسولفون واني اباوع عليهم من وره البرده مال مطبخ بقى
صادق يحضن بيها
ويبوسهه وهي هم ما مستغربه وره شويه اجه صادق وجهه كله حمره اني سويت نفسي اشتغل مادري منو اجه
- زهورررر زهوره حبيبتي
- ها صادق عيوني
- زهوره اجت عليج هند تريد اتشوفج
- ممممم صادق شنو هاي وجهك احمر هههههههههههه
- انجبي وروحي يم البنيه ههههه اوك
رحت كعدت يم هند شويه جان يجي ابويه - - - هاشنو هنوده عدنه ؟
شلونج عمو حبيبتي بابا شلونه ماما شلونها
شو هاي بقت تتموع
-اي عمو زينين ايسلمون عليك
باوعت عليها
- يله هنوده حبيبتي اني اروح
ابويه
- لا عمو ضلي اتعشي ويانه
- لا عموووووو تسلم ان شاء الله ع جايات
وراحت هند بصراحه ما ارتاحيت الحركاتهه هاي شبيهه هاي شتريد من عدنه اوووووف المن اباوع المشاكلي لو اباوع الهاي الملعبه.
.
.
.
.
.اجت امي من بيت جدي ضايجه وطالعه روحهه
- ها يمه شبيج ؟
- يمه هذني عماتج ميكعدن راحه
- ليش شكو هم ضوجنج ليش رحتي ليش ما اخذتيني وياج
- لا حبيبتي بس هنه يدرن بابوج يريد يتزوج ومكيفات واول مطبيت تلكني هله بام محمد سمعنه ابو محمد يريد يتزوج شنو العروسه راح تكعديها يمكم لو بيت وحد
حتى ماعرف شجاوبهن هذني شفتي بله ابوج مخلالي كرامه كدام العالم وين ميروح يكول
مريضه ومريضه وممداريتني هذه كله الي سويته علموده وصبرت ويا العمر كله وتالي يكول ممدرايتني هاي جزاتي
- يمه لتضوجين الله كريم
- حبيبتي زهوره بله اني طبني مرض بس انتي شلون من راح تزوجين ماعندج اب بي خير باجر عكبه رجلج يغلط يتعارك وياج منو يوكفلج وابوج هاي سوالفه التعبانه
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
