بعدني جنت كاعده جان يكولون ماكو دروس لان اكو اجتماع
اني ضجت لان بس اريد الدوام يخلص لان ماعندي صديقه اسولف وياها فبقيت كاعده وحدي اجت بنيه لابسه كله اسود مثلي اسمها جوان سلمت علي وكعدنه بقت تسالني انتي شسمج ووين بيتكم واني اجاوبها بعدين عرفت ان هي طالبه جديده كتلها
- ليش لابسه اسود
كالت
- خطيبي توفى ولابسه اسود عليه
وهي هم سألتني كتلها اني اخوتي 3توفو و2 منعرف شي عنهم وبقينه نبجي اني وياها
وره شويه اجت بنيه جان اصيحهه جوان تعالي ويحجن ويباوعن علي بعدين جوان راحت اني هم كلت حقها تروح قابل اني مثل ذني البنات ومن رجعت للبيت لكيت رضا وسامر عدنه بالبيت وسامر كالب خلقته ورضا سلم علي
- ها ولج شلونج بالمدرسه
-زينه وحتى درجاتي زينه
اجه ابويه من شفته طلعت بسرعه وصبيتلهم غده وكعدو يتغدون واني بالي يم جوان ليش راحت ليش راح ابقى بدون صديقه
طبعا ابويه راح نام وصادق هم وامي يم رضا وسامر اجتي عمتي يمه وهو كام بحجة يشرب مي واجه للمطبخ
- ليش رفضتيني اني ادري بيج تحبين رضا بس احذرج منه ترى رضا ميباوع عليج وعنده الف وحده يخابرهه
اني ضحكت وكتله
- اولا عيب عليك هيج تكول شنو شفتني ورضا مثل اخوي مو عبالك كل اثنين يحجون معناها عدهم شي شوي كبر عقلك
وثانيا اني ما فاكر بالزواج ف ياريت تسكت ومتفتح الموضوع
- اوك اني راح انتظرج من تفكرين بالزواج عود اخطبج
- اي عود بعد 20 سنه
- صدك شو قليل اني عبالي 100 سنه شكو بيهه
وراح وطلع من المطبخ واني صافنه شحجي ويا هذا شلون اخلي يطلع من حياتي رحت وديت الجاي واني ضايجه من رضا
مااعرف ايجوز من وره كلام سامر خليت الجاي وطلعت جان اسمع رضا يكول لامي
- خاله بنتج زهور شكد فقيره وخوش بنيه بحياتي مشفت هيج ادب واخلاق عاشت ايدكم على هاي التربيه
- رحمة الله والديك يمه ويحفظك ان شاء الله ونفرح بيك ونشوفك احسن دكتور
طبعا صار عندي طموح اصير دكتوره ليش بس رضا اني هم اشد حيلي واصير دكتوره
كعدت بالغرفه بيني وبين نفسي افكر اني جان طموحي مجرد اكمل دراسه واتعين علمود اساعد امي وره مشفت رضا صار عندي طموح اصير دكتوره وطبعا صممت اذب نفسي على الدراسه وما خلي شي يوكف بطريقي
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
