بقى سامر يعتذر لان ما اجه بالعزيمه كال عندي شغل ومكدرت
افرغ نفسي واجي
بقى هو كاعد ويه ابويه وبقى يسولفله ع شغل انو هو دخل شريك
ويجيب بضاعه مستورده من الصين والله فتحهه
بوجهه
- عمي بلكي تشوفلي بيت هنا يمكم اريد اكعد هنا بغداد
ابويه
- تدلل ان شاء الله
باوع عليه
-ايييي زهور شوكت زواجج ؟
- والله بعد الله كريم هسه اني حايره بالتقديم مال جامعه
- اهاااا بيها الخير .يله من رخصتكم اروح اسلم ع الجماعه واروح
-الله وياك مع السلامه
طبعا كلت عمتي نجلاء يمكن بس تشوفه تتخبل هههههههه
التهيت اني بالتنظيف وكل شويه اباوع الاستماره مال تقديم وعلى الكتاب الي
وياهه وبي الصور مال كليات من اشوفهن اطير من الفرح وامي هم طايره من الفرح
بعد ما اتغدينه وكملنه اجت اندك الباب صادق فتح الباب طلعت هند
جايه
-ممم هلو هند شلونج .
- هلو حبي
ودخلت شو هاي من دخلت بقت تباوع ع البيت وعلى امي طلع ابويه سلم عليه
شو هاي بقت تتموع بسلامها
كبر شكد كرهتها
صادق سوده عليه سرحان بيها ميعرفه
شنو هي كامت راحت دا احجي ويه صادق جان يجي رضا هم كعدنه
اني ويا وصادق سوالي الاستماره ملاها وكلي
-توديها المدرسه علمود يطلع قبولج واذا تردين ينزلن القبولات بالنت قبل ميوصلن المدرسه اني اشوفه الج
- اوك تسلم
بقى يباوع عليه اني حيل خجلت واستحيت حسيت حتى مكدرت ارفع راسي واباوع عليه من الخجل
رحت الغرفتي وكلبي يدك ع سريع وايديه ترجف اووووف!!!!!!!!! شراح اسوي اني عاد سمعته وسلم على اهلي
وطلع اني ماعرف بقيت افكر ليش هيج من يجي رضا يصير بيه زين
شلون اذا تزوجت واني بعدني افكربيه
هذا اكبر حرام ميصير هيج اني لازم بعد اطلعه من بالي واذا اجه بعد حتى
ما انزل واسلم عليه شلي بهاي السالفه مين طلعلي هذا
بس وره شويه حنيت اله وبقيت افكر بي اخذت الاستماره وشميتها بيها العطر مالته وهو
لزمهه بايده صح جان دنيا ظهر بس حضنت الاستماره ونمت مادري بنفسي اله اجه صادق كعدني
- زهوووره حبيبتي كومي
- شنو صادق اكو شي؟
-اي زهور اني راس الشهر استلم السلفه مالتي وهاهيه قررت اخطب
- صدك حبيبي واخيرا
-اي زهور اريد اخطب هنوده كافي صارلنه هواي على علاقه اني وياها
وهي خوش بنيه ومشفت عليهه شي موزين ابد
هنااا اني سكتت
- مممم والله صادق بكيفك
- شنو زهور شبيج شو مفرحانه جنج!!!!
- صادق بصراحه هند متفيدك
- ليش شبيهه شايفه عليهه شي ؟
- صادق احسها مو راحه والله اني اي بنيه تخطب اكيف بس هند لا والله مو راحه
- اوك هيه مو راحة كليلي شلون عرفتي شفتيه تحجي ويه احد لو شنو؟؟؟
- بصراحه اي بس ما متأكده 100%
- مممم شلون عرفتي احجيلي
- راح احجي بس صادق اتصرف بعقل ولتسوي مشكله لان راح تفضحها وتفضحنه
- اوك بس احجي ويامن شفتيهه
- صادق هند مسويه علاقه ويه بابا
- شنوووووو؟؟؟تخبلتي انتي شجاب هند على بابا شنو هي ابويه وين هند وين بعدين هي.
شابه تباوع على ابويه شبيج هند انتي غلطانه لالا متوقعتج هيج تسيئين الظن!!!
- اوك قبل فتره انت جنت تحجي وياها
بالغرفه وبابا كاعد بالمطبخ يدك ع ارقامها واحد متجاوب عليه والثاني مشغول ومن انت سديته منها
هي خابرت بابا من رقمه الثاني وكلتله دا احجي ويه صديقتي
-وشمدريج بابا يحجي وياها يجوز صدفه!
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
