صادق بقى... كل ميرجع من الدوام ياخذ اصدقائه ويروح يكملون البناء مال المره اسمها (ام قصي)
وهم ما طولو يكمن 10 ايام وخلصوها وهم ودينالهم زوالي ..وصوبه.. وفراش وكلشي... جهزناهم وحده من ...النسوان جوارينه ...تبرعت اله. بمكينه وبقت يوميه تروحله
تعلمها خياطه احسن والجهال رجعتهم للمدارس
طبعا من
شفت حاله هاي المره اتحسنت حسيت اني سويت انجاز كولش...
عظيم وحيل فرحت انو ساعدت انسانه وموكفت على
هذا الحد فكرت بس اكمل امتحانات امر عليهه حتى اذا تعرف بعد عوائل تعبانه ادلينه عليهم جان كل قراراتي
متوقفه على الامتحانات
...ابويه بليل كاعد هو وامي جان ايكله
-خابرت على هذا السكط احمد خطيب زهور
امي
- اييي شكتله؟
كتله
- وين شو ماكو لا تجي لا تسلم كال والله اني
مشغول بالشغل ودا ابني غرفه
-.كتله شنو الغرفه صارلك سنه تبني بيها؟
شطلعت هاي الغرفه
شو هذا يجاوبني بكل صلافه
والله عمي اني دوام ومشاغل
..وما الحك والغرفه اله اني اوكف على راس العمال ياله يبنوها...
يعني لان ماريدهم يشتغلون بكيفهم وبعدين انتو شكو مستعجلين ع زواج
الناس خطوبتهم اطول سنتين واكثر شو بس انتو مستعجلين!
- والله وليدي اني ماعندي بنيه هلكد اطول خطوبتها كدامك مهله شهرين اذا مكملت ما الك مره عندي
اني كاعده بغرفتي.. واسمع مفرق عندي الكلام لان اصلا اني ما احبه ..الاحمد ولا اطيقه بس.. جان همي
شلون.. راح اواجه ابويه بس اكيد اذا طلعت معدل زين وطلعتلي جامعه
زينه ابويه يخليني اكمل دراسه....
ساعه 12 اتصل احمد !!!!!!!!
- شلونج زهور؟
- الحمدالله انت شلونك
- الحمدالله. كول احمد!!!!
- ماكو شي بس ابوج.
اليوم اتصل شنو اهلج بس يردون يخلصون منج هاي مره انتي كلتي ابويه ميقبل خطوبه اطول واليوم ابوج يخابر.
- بله سؤال انت تقبل اختك اطول خطوبتها هلكد؟؟
- اييي عادي اقبل قابل اختي مسويه شي غلط اذا...
مخطوبه كدام العالم محد يكدر ايحاجيهه
- اي بس اني اهلي ماعدهم هيج شي اكثر خطوبه اطول عدنه بالعائله شهرين .
- اوك اني ابوج انطاني شهرين مهله عود حظري نفسج .
- على شنو ؟
- تردين انطيج فلوس الملابس انتي تشترين
لو اخلي اختي الزغيره اجيبلج ؟
- بكيفك بلي ايعجبك.
- اني اكول اختي اجيبلج ملابس لان انتي ذوقج مو كلش حلو !
- اوك مو مشكله براحتك
- اوك باجر انشالله بليل ايمرون ويجيبولج الغراض واني اجي اسلم على ابوج
- اوك انشالله خير.
- يلا مع السلامه.
- الله وياك
من سديت التليفون حيل ضجت حسيت روحي طلعت بس كلت لازم
شخصيتي تكون قويه واذا تزوجت شخص ما احبه*****
نامو كلهم وبقيت اني كاعده وطلعت الرساله الي كتبتها
الرضا قبل فتره وبقيت اقرا بيها
واتمنى
انطيها كعدت وبقيت افكر بي هووواي بعدين طلعت اريد اشرب مي دا انزل واسمع صادق يسولف بالتليفون ويه هند
- حبيبتي مشتاقلج شوكت نزوج واجيبج يمي يمكن انتي....
احلى شي صار بحياتي احبج حيل اتمنى انتي يمي هسه واباوع بعيونج
هههههه اني حسيت بالجفاف العاطفي ..
الي بداخلي ونزلت ع سريع للمطبخ واني كلبي يدك حييييل اوووف
لو عندي حبيب يحجي ويايه هيج يمكن اموت اذا اسمع كلمه احبج واني
سرحانه بخيالي جان افز بسم الله الرحمن الرحيم شغلت الضوء
واشوف ابويه كاعد بالمطبخ ولازم الموبايل وضايج
-مممم هلو بابا
- هلو
- محتاج شي بابا ؟
- لا
- اوك
شربت مي وصعدت بس شو ابويه موعلى بعضه شبي؟
بقيت كاعده بليل جان اسمع ابويه يحجي
-وين ليش اتصل عليج تليفونج
هذا مجاوبين وذاك الرقم مشغول ؟؟؟؟؟
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
