هااااا تحجين ويه صديقتج وهاي يا صديقه تخابرج ورا ال 12
اني اسمع وتاكدت انو ابويه يحجي ويه هند بس ردت اتاكد بعد اكثر واكثر
بس مو وكتها خلي اكمل امتحاناتي ويصير خير
ثاني يوم صادف يوم احد وكلت الامي راح يجون بيت احمد يجيبون
غراض مال جهاز اليوم امه واخته واحمد يريد يجي يسلم على ابويه امي بيها
الخير حبيبتي الله يوفقهم انشالله
اني بهذا اليوم رحت الام الصالون اليمنه و سوتلي وجهي سوتلي كم خصله صفر بشعري كلش حلوه الخصل طلعت
صعدت فوك طلعت فستان
بيجي ردن وبي دلعه بس مو كلش جبيره والفستان طويل وضيق
بس كلش حلو وخليت مكياج خفيف وعطر قوي
من اجوي استقبلتهم بقو صافنين عليه هو وامه واخته اني اتفضلي خاله حبيبتي اتفضل احمد اتفضلي
عيوني على اخته جانو شايلين علاكتين قديمات وحده منهن مزروفه
كعدو وطلع ابويه سلم على احمد وام احمد كعد شويه وكام ابويه وهمه
خلو العلاليك يمي
جان يكولون عود شوفي الملابس واذا احتاجيتي بعد شي كولي
كتلهم شكرا متقصرون
اخت احمد تباوع عليه مممم
اكولج هاي شنو الفستان مالتج موديله كولش قديم طبعا همزين
كلتي الاحمد انتو جيبو الجهاز لان صدك محلو ذوقج بالبس.
ممم والله حبي اني البس الشي الحلو عليه مو اله على الموديل ومدام عجبني البسه
عاد هيه انلصمت محجت شي بعد بقو كاعدين جان يفوت صادق سلم عليهم وكعد يمي عاد صادق حس بيه ضايجه جان يكلي شطالعه كمر انيالك احمد عليها
دير بالك على اختي ترى
هاي روحي من الدنيا واني اباوع على صادق وبكلبي فدوه اروحلك بعد اختك خل تموت بغيرتها
هاي الحيه هههههه
احمد من وره خشمه انشالله بعدها
كامو وترخصو من طلعو بس ردت اعرف شجايبين جهاز بله فتحت
العلاليك واشوف الملابس نصهن مستعملات ونصهن وصخات
وتراكسودات رايحات من الغسل صدك جذب شنو دا اجدي منهم هذوله ومن امي شافت الملابس كلتلي رجعيهن
بالعلاليك ومن تزوجين رجعيهن الحماتج احنه مو بعازتهن
شديت العلاليك وخليتهن بغرفتي على صفحه يعني ابسط الحقوق مجابوها الي بيها
خير وابنهم مان عليه ويحجي بالترتيب والفيكات امداكم اي والله
ثاني يوم بدت امتحاناتي جان اول امتحان اسلاميه من استلمت الدفتر ورقه الاسئله بقيت اضحك على الاسئله من كد ما سهله وانوب بيهن فروع ترك وبي سؤال
كامل ترك جنت اتمنى اجاوبهن كلهن وجاوبتهن كلهن جنت استمتع بالاجابه بعدين من كملت الاجابه على الاسئله كلهن بقيت اشوف السؤال
الي بي ترك اكتب ترك على الفرع وطلعت من الامتحان شفت جوان تنتضرني هاااا حب بشري شلون جاوبتي
كالت والله وسط وانتي مردت اكله
كلش زينه كتله مثلج هم وسط
شفتهه مخبوصه شبيج جوان كالت راح يجي حبيبي احمد نطلع اني ويا نتغده ونفتر ويوصلني للبيت مممم
متخافين تطلعين ويا ؟
لا ليش اخاف بالعكس هو
يحبني
اوك حب اني راح ارجع ديري بالج على نفسج جان الجو صيف وكلش حاااار
عاد قبل ما اوصل البيت شفت رضا واكف بالفي ممم
توترت اني بس سلمت عليه هلو رضا شنوشو واكف هنا ؟؟
هلو زهور اي دا اشوفج شلونج بالامتحان
والله الحمدالله انت شلونك بالامتحانات مالتك ؟
الحمدالله
.زهور ردت اسئلج خابرتي البنيه ؟
بصراحه رضا اتصلت مره وحده والتليفون مغلق والرقم ضيعته
. اهااااا اووك شكرا الج
ممم اوك.يلا من رخصتج اروح اني .
اوك مع السلامه .ماعرف ليش من جنت اشوفه احس تجيني طاقه وافرح رجعت للبيت بشرت
امي جاوبت كلش زين وفرحانه كلش وامي تدعيلي انشالله تكمل الامتحانات وتحصلين الي تردي
مرت الايام مال امتحانات واني كل الدروس مجاوبه بيهن كلش زين اخر يوم جان امتحان الاحياء وجوان اجلت الامتحان كتلهه ليش كالت راح اطلع ويه احمد واني اصلا مو زينه بهاي الماده .
لج جوان تعاي امتحني وعوفي احمد ميفيدج من ترسبين .
لا حبي راح اطلع بي باي
اني دخلت امتحنت وجاوبت كلش زين وطلعت للبيت طايره من الفرح خلصت امتحانات وبقته
انتضر بس النتائج هاهيه خلص الهوايه بقه القليل يارب سهل
رجعت للبيت نضفت البيت كوووله وسويت كل الاكلات وشغلت التلفزيون طلعت اغنيه مال اطفال جنت كلش احبها
هاي الاغنيه من جنت اسمعها
احس نفسي رجعت طفله واحس الدنيه حلوه من اسمعها
اجت امي هااا عصفوره اليوم تخبلين معنوياتج عاليه
ايييي يمه كمت لزمت ايدها
وبقيت اركص وياها واجه صادق دخل بقى يضحك عليه ويركص ويايه هههه ويهز جتف عود ويه الاغنيه
من اجه ابويه نصيت التلفزيون
وكعدنه عقال عاد امي كالت
اليوم عمتج الكبيره راح تجي هي وبناته البيتنه
ممم شعجب تجي اول تالي اكيد وراها شي هههه يله بالمرصاد اني وصادق
عاد اجت عمتي هي وبناته
جان تكول احنه راح انسافر الاربيل وتريد تاخذ بته الي بعمري هم
صف سادس علمي كالت انروح انغيرلهه جو لان هسه كملت امتحانات
وو انتي زهور كتلهه والله عمه اني كاعده بالبيت لان النتائج كالو
بعد سبوعين وو بعد النتائج الله كريم .
عمتي متجرات اتضوج امي تدري اني اردها
اكووول زهور شكد مفكره
اطلعين معدل يعني تنجحين لو لا؟
والله عمه التساهيل بيد الله ابويه جان كاعد واستغليت الفرصه حتى احجي
اكول بابا اذا نجحت تخليني اداوم جامعه؟.
بكيف رجلج بعد هو يقرر
بس قابل شراح اطلعين طبيه خوما طبيه!!
عمتي ضحكت لا ما اتوقع
بنتك اطلع طبيه اتوقع مستواها اطلع تربيه بالزايد اني بنتي اطلع لو
طبيه لو هندسه
بابا اي بتكم شاطره
اني كتلهم الله كريم انشالله خير
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
