أنت تقرأ

طفله بعمر الستين

General Fiction

الشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...

#عاطفيه #عراقي #عراقيه #قصص #معاناة

p15

2.5K 149 3 
                                    

                                              
- اختك اتكلي اخوية ممرتاح وياج وشنو انتي مخربطه 

                          
- اي صحيح اني مماخذ راحتي وياج لا نطلع وحدنه ولا نكعد وحدنه وحتى اذا كعدت ابيتكم تجي امج تكعد يمنه شنو ميصير هيج 

                          
- والله نزوج وانضل وحدنه اني وياك طول العمر وما اعتقد احد راح يمنعنه 

                          
- ايكلي اي وانتي مفديوم شفتج لابستلي شي حلو

                          
 وبقى
يخربط بالحجي كتله

                          
- اوك شكرا 

                          
طبعا محجيت اي شي الامي رحت دخلت غرفه صادق لكيته يسولف بالتليفون ويه هند صاحبته من طبيت قاطعهه وكلهه شويه واخابرج 
كعدت يم صادق وحجيتله كلشي كلي

                          
- خل ايولي شنو هذا اروح اطيح حضه

                          
 كتله

                          
- لا خويه معايزين مشاكل خلي اشوف نهايته شنو.....

                          
رحت للدوام عادي وسولفت لجوان الي صار ويايه اني واحمد كلتلي اكلج شي بس متزعلين كتله
- كولي 

                          
- صدك لبسج مخربط ومحلو

                          
 - والله ادري بس ابويه مو حجيتلج عنه... وهو... كلش متعصب 

                          
- انتي هسه مخطوبه.... وكاطعه مهر... سيد ما اتوقع يحاسبج وانتي هسه كبرتي 

                          
المهم رجعت ...للبيت اخذت فلوس...
من امي ومن اخويه صادق ورحنه اني وهند للسوك اشتريت كومه ملابس حلوات وقياسهن
مناسب الي حتى صدريه حلو اشتريت اول مره اشتري صدريه حلوه بقيت انتضر شوكت يجي ثاني يوم حتى البسها
.. 
من رحت ثاني يوم للدوام جوان بقت صافنه 

                          
-عزززه لج زهور شنو هاي تخبلين وجسمج حلو صدك البس جان ظالمج

                          
 بعدين كعدنه اني وجوان بقت تسولفلي انو هي
مسويه علاقه ويه واحد وتحبه وع اساس هوه هم يحبها....
بقينه نحجي من خلال الحجي كالت اسمه احمد 
وبقت تحجي تعرفت عليه ع نت هي عدهه حاسبه حتى ما اذكر شنو اسمه البرنامج وكالت هو يحبني وقبل فتره طلعنه اني كتلهه 

                          
-متخافين ايخطفج لو يسويلج شي

                          
  لا حباب هو وميسويلي شي بالعكس يحبني هو

                          
طبعا مستوايه كلش زين بالمدرسه ودرجاتي كله عاليه والمدرسات كلهن ايمدحن بيه

                          
 احنه كاعدين بالصف جان نسمع صوت انفجار هز المدرسه والجام كله تكسر علينه والبنات كلهن يصيحن طبعا اني محسيت على نفسي انو اني مجرحه بس اريد اطلع اروح للبيت اشوف خوما صاير شي واريد اطلع والمعلمات مجلبات بيه كلبي موتني على امي لان تطلع الراس الشارع يوميه الصبح اجيب مخضر وره مهده الوضع شويه طلعت ركض رحت ع البيت ملكيت احد رحت اركض بالشارع مثل المخبله بس لا امي صار عليهه شي عاد شفت امي كوه تمشي تريد تروح المدرسه رحت حضنته وبقيت ابوس بيهه جان تكلي

                          
- يمه من سمعت صوت الانفجار عبالي صار بيج شي وحتى من الهبطه ماكدر امشي

                          
بعدهه رحنه المضمد وسوالي الجروح بجسمي ورجعنه البيت
وانشوف الناس تلطم بالشارع وكل بيت بي عزا وكل بيت بي
احد ميت هواي ناس ابرياء ومالهم ذنب راحو بالانفجار بعدين تبين....
انو بيت كله متفجرات وبسبب الحراره مفجور ومحد يدري انو هذا البيت بي مواد متفجره 
بقينه بالبيت اسبوع كامل اطوهه عطله بمدرستنه وطبعا خطيبي مكلف نفسه وكلي حمدالله ع سلامه وره يومين ياله خابر وكلي 

                          
-سمعت صاير انفجار 

                          
- اي 

                          
- حمدالله ع السلامه 
 
- الله يسلمك 

                          
خطيه رضا اول مسمع بالانفجار خابر امي واجه جايب طلي وذبحو بالباب على سلامتي 
بعدها باسبوع داومت وشفت جوان وبقينه نسولف ع الانفجار ونبجي ع العالم الي راحو بالانفجار جان رجال فقير يم المدرسه يبيع جرك خطيه مات بالانفجار وعده جهال ومره ذوله منو يعيشهم قررنه اني ونجلاء انروح على مرته نقدمله مساعده اني اخذت فلوس من امي واخذتلهه مسواك وجوان هم سوت نفس الشي رحنه للمكان مال مره الرجال لكيناهم كاعدين بخيمه اسمه خيمه ويادوب لامه جهالهه
المره من دخلنه عبالك عدها
عيد بوسناهه واخذنه من خاطرها
واطيناها والفلوس والمسواك كنالهه كل متجينه فرصه انمرلج وانتي لتشيلين هم خطيه المره بكد مجانت شايله هم من شافت المسواك طارت من الفرح والجهال ميتين جوع يردون حتى لو خبزه يابسه ياكلوها اني من الموقف كوه حبست ادموعي وبيني وبين نفسي اكول الحمدالله والشكر اني عايشه ابيت واتغطه وانام لعد ذوله شنو حياتهم وشلون عايشين شلون اينامون بالبرد

                          
صار عندي مو بس طموح اكمل دراسه صار عندي طموح....
اشتغل واوصل للناس الفقره حتى... اساعدهم خاصه
هاي المره كسرت كلبي وعدها
اطفال شلون راح اتعيشهم بقيت بس افكر شلون اساعدهم رحت حجيت ويه امي ع حاله المره كالت 

                          
- اخذيني خل اشوفهه

                          
 رحنه اني وامي شافتهه شبعت قهر هم امي شالت هل قاسمه الله وخلته بيدها
ومن طلعنه امي بقت تبجي عليهم شلون عايشين هيج سوده عليه رجعنه للبيت لكيت ابويه كاعد ولازم سبحه بيده ويفر بيهه اول مدخلنه سلمنه اني دا اصعد جان ايكلي

                          
- تعالي

                          
رحت عليه واني بكلبي اكول ياستار شكو وامي هم صاح عليه 

                          
-كول ابو محمد 

                          
جان ايكول

                          
- والله اني اريد اتزوج واني اريدلي مره اداريني

اني بقيت صافنه عليه وهو
يحجي

                          
- اني مليت اني اريدلي وحده زغيره اريد وحده تخلفلي جهال وانتي تعرفين الولد راحو الله يرحمهم وحسن وحسين مخلينه مكان مدورنا وانتي عمرج بعد ميساعد تخلفين 

                          
امي كلتله

                          
- عندك زهور وصادق 
صادق يريد يزوج وهو 
يخلف ويترس البيت جهال اذا انت تريد جهال
طفله بعمر الستينحيث تعيش القصص. اكتشف الآن