طفله بعمر الستين

p30

  شذكره بيه

اتصلت على احمد شغله مره مرتين ايشغله
اخر شي دزلي رساله 

- ضلي سولفي واني اعرف شنو شغلي وياج ..

رجعت دزيتله رساله 

- ممكن ترد ع الاتصال ؟

دكيت جان ايجاوب 

-ويامن جنتي تحجين؟؟؟ 

- جنت احجي ويه صديقتي

- هااااا ياصديقه هاي انوب اني ما ادري عندج صديقات 

-لا عندي صديقتي وتصير كرايبنه 

- هاااااا ايييي كلتي اوك اذا متصدك تعال هذا تليفوني

وموجود وقت المكالمه هم مراح امسحه وانت اتصل وشوف شنو راح يطلعلك ...

- لا ميحتاج

- احمد انت شبيك شنو ماعندك ثقه بيه الصبح خابرت سويتلك عركه
وهسه هم اذا ماعندك ثقه عادي كلمن يروح بطريقه مدام احنه بعدنه ممتزوجين

- انتي شدتحجين منو كلج اني ماعندي ثقه بيج بس اني اريد اعرف ويامن تحجين وشوكت تطلعين 

انتي راح تصيرين مرتي ومسؤله مني 

- هاااااا وين جان هذا الكلام من زمان
شو هسه جاي تحجي جنت بس تجي تقلد وتروح ولا تخابر ولا تسال
انت مخليتني اسولفلك عن حياتي ولا اطيتني مجال اعرفك واعرف شخصيتك هسه فجأه
جاي تحاسبني بس على شنو تحاسبني احمد رجاء اذا انت مرايدني ومتحبني ياريت تقرر صح وتعوفني وتشوف وحده تناسبك

- اكوووول انتي شجلبتي عوفني وعوفني شنو شو بس تردين حجه عبالك 

- لا اني ماريد حجه بس تصرفاتك جبرتني احجي هيج واني جنت منتظره الوقت المناسب حتى احجي فياريت تفكر وتشوف مصلحتك اذا مرايدني كلي ليش ادمر حياتي وبعدين نتعاوف

- لا لتفكرين هيج اني اريدج ومتمسك بيج بعد لتحجين هذا الكلام واني راح اتغير وياج وراح اتشوفين هذا الشي بيه

من كال هيج حسيت الدنيا كلهه

افترت بيه ودخت اوووووف يا كلبي راح اتصير عليه دوامه بين رضا واحمد
احمد بقى يعتذر مني 

-اني اسف وانشالله اخليج اسعد بنيه بالكون وانتي احلى شي صار بحياتي بس الظروف بعدتني عنج لتضوجين مني اوك 

- اوك احمد شكرا الك

- ولو تدللين واسف خاف ضوجتج الصبح بس من غيرتي عليج 

- لاعادي

-يله مع السلامه بعدين اتصل بيج 

- اوك الف سلامه 

بيني وبين نفسي ليش تأخرت
احمد ليش لو من البدايه هيج وحباب كعدت وبقيت ابجي شمرت التليفون وكعدت حتى رضا مرجعت اتصلت عليه
نزلت جوه وطلعت حركتي بالشغل بقيت اشتغل الى ان صار الظهر مخليت
شي منظفته وامي تكلي كعدي كتلهه لا خلي انظف بس هي حست
اكو شي اني من انظف هواي معناهه ضايجه لو حسبه ابالي
بعدين اجه بابا الظهر وصبينا الغده صادق متغده كال عوفوني
انام اعرف شنو بكلب صادق بس ماريد احجي ويا هسه خلي يهده
يوم يومين واحاجي سوده عليه حبيبي اول حب الك حطمك هيج اتمنى
امسح شكو شي مو حلو من حياتك بس 

الحياه تجارب وكل تجربه مؤلمه تخلق انسان اقوى تخلق انسان جديد يكدر يتحمل اكثر واكثر ويواجه صعوبات الحياه

ابويه كاعد جان يكول 

- اريد احجي وياكم بموضوع .

- كول ابو محمد 

- كول بابا

اني اخذت رآأيكم قبل فتره بفكره الزواج واني ماعندي شي الحمدالله والبيت جبير ويوسع وانشالله هالشهر اتزوج

امي سكتت بس كالت

- براحتك الي يريحك سوي

- اي بابا ومنو هاي الي راح تزوجهه ؟؟؟

- مفاجأه الكم بيوم الزواج تعرفوهه واكيد راح اتحبوهه

- اي بابا ليش مراح تخطب ولا راح اتوسي شي

- اني ان شاء الله كلهن بنفس اليوم الخطوبه وعقد وزواج

- هاااا بيهه الخير

امي 

- بس اني عندي شرط

- كولي ام محمد

- انت اخذهه بيت وحد واتزوجهه ماريد زوجتك تكعد هنا بيتي.

- ان شاء الله ام محمد بس هالفتره اول شهرين او 3 واطلعها
بيت وحد لان فلوسي كلهه ذابها
ع شغل وانتي تعرفين مجرد مسئله وقت واطلعها
بيت وحد وميصير خاطرج اله طيب

ابويه حيل تغير من كال اريد اتزوج وقررت حتى

صار يعاملني حلو ويحن على امي ويتسوك ويوميه جايبلنه حاجه وكال بعد وبعد من اتزوج ادللكم دلال بس امي مجانت مقتنعه بهالشي وخايفه

اني صرت ماعرف شسوي يعني ابويه راح يتزوج هاي شلون هاي جاي تلعب

على ابويه ولعبت على اخويه شلون ابعدهه عن طريق ابويه وهو
ابويه اصلا ميعرف بسوالفهه زين يجوز ابويه مراح يتزوجها