طبعا اسراء ابوها
مطلك امها وابوها عايفها وامسافر خارج العراق وهي
باقيه عايشه يم بيت جدها اني كل ما ادخل حمام تجي تحاول تدخل اخر شي كلت خلي احجي وياه
واشوفه شتريد
كمت اني سويت نفسي اريد ادخل الحمام وهي هم كامت ورايه من عاد اني لزمتها من ايدها
بره هي بقت تصيح
- عوفيني عوفيني
جان يجي عمها كال
شكو اني عفت ايدها وهي راحت دخلت جوه
اني بقيت افكر اشلون شسوي هاي شتريد مني
المهم كلت خل اطلعها من بالي
شو هاي بقت اتباوع عليه بنضرات تخوف
كمت طلعت بره واجت ورأيه كتلها
- مراح الزمج ولا اسويلج شي بس كوليلي انتي شتردين مني احجيلي
جان اتكلي
- مابيه شي
كتله
-لعد ليش كل ما افوت الحمام تردين تباوعين
وبقيت كاعده حايره المن اكول على هاي الادبسز امي مريضه سوده عليه وعماتي ما احجي وياهن شلون ياربي
عاد كمت كل ما اروح الحمام لو شي اخذ واحد من الجهال ويايه حته هيه متجي
عاد فكت ياخه مني بس كامت اتباوع عليه من بعيد واني هم خلصتها بس اقره واتمنه ارجع البغداد
بعدها اسراء كامت تتحارش بسامر
كل شويه ورايحه يمه سامر اجيبلك مي سامر اساعدك اكعدك وكل ما يصبون اكل هيه تروح تكعد تريد اتوكل سامر
وعمتي نجلاء ماتت من الغيره
طبعا سامر جان يستعطف على اسراء لان هو عباله هيه طفله زغيره وماعدها ام واب ميعرف سوالفها الشيطانيه
وعمتي نجلاء ماتت من غيرته عاد كامت كل ما اسراء تريد تروح يم سامر عمتي متخليه
عاد وراها من ضاكت الدنيه باسراء اجت اخذت الكتب مالتي وذبتهن بالشط واني ادور ع الكتب ماكو جان تجي كلتلي اني ذبيت كتبج بالشط رحت ركضت ع الشط
وهي اجت ورايه جان تدفعني بالشط واني ما اعرف اسبح غركت بالشط واجه جدو طلعني من الشط.....
من صحيت كلت الجدو هاي اسراء دفعتني وراح جدو كال العمامه وعمامه لزموها ضربوها وبقو يغلطون عليها
ويصيحون عليها ....
بصراحه هم انقهرت عليه..
لان ماعدهه لا ام تعلمه... ع الصحيح ولا.. اب هم
ف شفتها هيه متعرف الصح من الغلط بقو عمامه.
يعتذون طبعا ابويه اصلا ميهتملي من زمان بس ابويه وره متوفو اخوتي حيل تغير كام يخاف على صادق وبس يريد يعرف اخبار حسن وحسين
ومن اني وكعت بالشط اول مره بحياته يكلي شلون صرتي يمكن حس بالندم ويمكن غير شي
بقينه يوم كامل ماكو شي لا قصف ولا شي بس سمعنه صوت سامر يصيح وطلعت اسراء من الغرفه تركض كامو عمامه وكام ابويه
أنت تقرأ
طفله بعمر الستين
General Fictionالشيء الذي كانت تريده الشيء الذي رغبت به بشده قد نراه نحن امرا سهلا وليس بذلك التعقيد فكلنا قادرون عليه هي اعتبرته حلماً صعب الوصول بسبب والدها كل ما ارادته ان تنهي دراستها لتخرج من جبروت والدها الظالم ، الذي حطمها وفقدت بسببه اثنين من اخوانها واحد...
