Forbidden Love

Chapter 6

ARA P.O.V

Parang gusto ko nalang tumakbo palabas. Napayuko ako, mas masakit pala to kaysa sa makita ko sina ate Mia at Kuya na naglalambingan. Pagtingin ko ulit sa kanila ay sakto namang napatingin din siya sa direksiyon namin. Halatang nagulat siya nang makita kami, bigla siyang napatayo kaya napasubsob sa sahig ang babae.

"Aray."

Ngiwi ni Pinky na parang siya ang nahulog at nag-swimming sa sahig ng walang tubig. Tumalikod na ako.

"Oh Ara, saan ka pupunta?"

"Akyat lang po muna ako sandali."

Sabi ko at wala ng likod-lingon na lumabas na ako. Pasakay na ako ng elevator nang madinig kong tinatawag ako ni Kuya.

"Ara!"

Pero mabilis na akong pumasok at pinindot pasara ang elevator, nakita ko pa siyang tumatakbo pero di na niya ako naabutan. I hate him. Nagmamadali na akong pumasok ng kwarto namin. Kakaupo ko lang nang mag-ring ang phone ko, si Kuya ang tumatawag. Buksan ko daw ang pinto, panay na din ang doorbell niya sa pinto. Hinayaan ko nalang siya, di ko din sinagot ang phone ko. Panay ang ring ng phone ko kaya tinanggalan ko nalang ng battery. Bahala siya sa buhay niya.

Humiga na ako, sabi naman kasing wag ng bumaba eh. Hayan tuloy, nakita ko yung bagay na ayokong makita.

KINAUMAGAHAN

" Ara una na kami sa baba ha?" sabi ni Pinky. Di sila halatang hang-over ah.

Tumango lang ako. Tumayo na din ako at naghanda para maligo.

"Goodmorning Kuya Jeff."

"Morning. Bababa na kayo?"

"Opo. Pero si Ara nasa loob pa."

" Sige. Kumain na kayo dun."

"Opo."

Di ko siya nilingon nang pumasok na siya. Kumuha lang ako ng damit ko, lumapit siya sa akin at hinawakan ako sa braso.

"Baby.."

Mahina niyang anas. Tinanggal ko ang kamay niya at kumuha ng towel, sumunod pa din siya.

"Ara kausapin mo naman ako. Sorry na kagabi, sobrang lasing lang talaga ako at medyo napa-enjoy kaming masyado ng mga Kuya mo."

Di ako umimik, papasok na sana ako ng banyo nang hawakan niya ako sa braso.

"Ara naman! Nagpapaliwanag na ako oh, yung babaeng yun, wala lang yun. Basta lang yun lumapit sa akin at sumayaw-sayaw. Pero wala yun. Di ko nga alam ang pangalan nya eh."

Galit kong binawi ang braso ko sabay bagsak ng pinto ng banyo. Naligo na ako, akala ko ay umalis na din siya pero paglabas ko ng banyo nasa kama ko siya at naka-upo. Agad siyang tumayo at kinulit na naman ako. Di ko pa din siya kinibo. Panay ang hawak niya sa akin pero panay din ang tabig ko sa kamay niya.

"Baby.. sorry na. Di na mauulit."

Nagsusuklay na ako ng buhok ko nang yakapin niya ako mula sa likuran.

"Sorry na ha? kahit tanungin pa natin ang babaeng yun, hindi talaga kami magkakilala. Sorry na, kausapin mo na ako please?"

"Di naman kasi yung point Kuya eh! Di mo pala alam ang pangalan niya eh bakit hinayaan mo siyang umupo sa kandungan mo?! You even touched her! Akala mo ba di ko nakita na hinahawak-hawakan mo siya?!"

Natameme siya sa pagsigaw ko. kinalas ko ang mga braso niya na nakapulupot sa akin.

"Siguro kapag nasa misyon ka nagpapakasawa ka sa mga babae ano?! Iba-iba pang nationality! Bwesit ka!"