وفعليا رجعو معاي البيت لكن كل يوم انا بتشاكل مع لمياء وسحر مافاهمه حاجه العلاقه بيني وبين اختي كانت متوتره شديد وفي يوم زعلت مني ورجعت بيت خالتي تاني
قالت لي لما تنفذ وعدك بعداك انا اختك
البيت بقي لي فاضي حتي حياتي بقت مسيخه وانا مستمر مع ناس معاويه ....في شغلهم وقرفهم ........
بعد تفكير عميق قلت اصلح الوضع مع اخواتي لانو لو ضاعو مني قروش الدنيا كلها ما بترجعهم استرجلت و مشيت لمعاوية وكلمتو برغبتي في الانسحاب .... وانو يعفيني من
الشغلانه دي طبعا مفتكر انو الموضوع ساهل وبسيط
بس صدمني لما ضحك بصوت عالي وقال لي " هو دخول الحمام زي خروجو!!!! "
بس انا وعدتو اني ما حأتعرض ليهم ولا
حا أزيهم ومافي زول حيعرف حاجه
معاويه : ايوه يعني مفترض انا اصدقك ,,,,,
انا وعودك اعمل بيها شنو بنصحك بلها واشرب مويتها ....... لانك غالي علي
حأعتبر نفسي ما سمعت حاجه وبكره عندك مهمة ......
كده عرفت الجواب طلعت منو وانا محبط
لاقاني بره ادم واحد شغال معانا
قال لي انا سمعت اي حاجه يامؤمن قرارك ده حيدفعك حياتك ...
واحنا البتهور معانا يتعور طوالي ......ومعاويه ده ما اظن يخليك في حالك لانك بقيت خطر علينا ..
من الوقت داك بقيت متوقع انو في اي لحظه احتمال يقتالوني ... واموت .....حياتي كلها بقت جحيم في جحيم وبقيت ما قادر اواصل معاهم في مهماتهم رجعت لاخواتي ..... والشقه خليتها لانو اكبر
خساره ممكن تحل بي اني اخسر سحر ولمياء رجعت ليهم وكسبتهم من جديد واستحملت راجل خالتي بس الخوف مسيطر علي حياتي تماما .... علي الاقل لو حصلت لي حاجه اموت جنب اخواتي .................
في مره من المرات اتصل علي ادم قال عاوزني في موضوع و اتلاقينا بس بعديها انا ما فهمت اي حاجه
و لقيت الشرطه ماسكاني ..... من غير ما اعرف حتي التهمه شنو
لا ما كده وبس كمان لمن حصلت علي مركز الشرطه اخدوني علي المعمل الجنائي
وعملو لي تحليل دم والله كنت محتار مافهمت شئ الا لمن الضابط قال لصحبو
" عينو قويه وطلع متعاطي يعني ماحيازه بس"
والله قلبي قرب يطلع لاني المخدرات البتكلمو عنها دي شكلها كيف انا ما عارفو
القانون اخد مجراه بس ظلم ومع الاسف كل الادله ضدي ..... حيازه وتعاطي المخدرات ,,,,,,,,,,
