لميـــــاء بقت قاعده براها وبتبكي
قالت تنتطـــــر لحدي ما يرجع براهو
بس مرت ساعتين وما منو خبر وتلفونو قافل
شيكو رجع ليها***
حكت ليهو بالحاصل
شيكو : انا اسف يا لمياء اذا سببت ليك مشاكل او اي احراج وانا عندي استعداد الاقي اخوك واطلب منو العفــــو والسماح بس ما تضايقي روحك
لمياء : تلاقيهو! !! مؤمن غضبان منك لو لاقيتو ممكن يشرب من دمك. ان شاءالله بعد يروق تعال اتفاهم معاهو انا هسي ما عارفه مكانو. وين وهو لما يزعل ممكن يبيت بـــره البيت عادي
شيكو : طيب خليها للزمن كلو بتصلح تعرفي نفسي اشوفك طولت منك من يوم مروان شاكلني تاني ما شوفتك
لمياء : الله غالب المشكله انو مافي زول قادر يفهمك ومافي زول قادر يشوف الانا شايفاهو مروان متعصب ومؤمن كمان متعصب
شيكو : طيب مصيــــر الخلافات دي تتحل
انا كنت عاوزك في موضوع وانا فكرت الف مره قبل ما اتصل عليك
لمياء: موضوع شنو? ?!
شيكو : عاوز اقوليك انا بحبــــك وشديد كمان واخترتك شريكه لي وام لعيالي
لمياء : شيكو انا
وقبل تتم كلامها قاطعا : هووس ولا كلمه
عاوزك تفكري واخدي راحتك واي كان قرارك انا بتقبلو يلا تصبحي علي خير وابقي طمنيني وخلي بالك من روحك
❀❀❀❀❀❀❀❀❀❀❀❀❀❀
►►►►►►►►►►►►►►►►►
بالنسبـــه لمروان
مــــروان لما رجع بيتهم لقي مهاد مستاءه شديد " بسم الله يا بت مالك!!! حالك من قبيل ما عاجبني بس قلت اخليك براحتك
مهاد : مافي حاجه بس متضايقه شويه نفسياتي ما تمام
مروان حاول يخفف عنها : بكون من المرضي النفسيين العندك ديل
مهاد : بالعكس شغلي ده المتنفس الوحيد
مروان حاول يغير الموضوع باي طريقه " متنفس مع منفسنين
مهاد : ما تقول عليهم كده ياخ ثقيل ده
مروان :
"بالمناسبه مصطفي اتصل علي قبل فتره وكان بسٲل عنك وكان لسان حالو بقول لي ما في امل نــرجع ♡
مهاد : مصطفي هو بالله كيف?
شايفاهو رسل لي في الواتس بس ما رديت عليهو ما عاوزه اديهو امـــل رجعه
مروان : الله يهديك يا مهاد ما عارفك انتي عاوزه شنو نفسي اشوفك عــروس واشوفك لابسه الابيض ومبسوطه
مهــــاد : الابيض الا كان تشوف كفني مروان انا بعــد الطيب مستحيل تاني افكر في راجل
مروان : ده شنو ده يا بت بعد طول العمر مالك قال بقيتي ثقيله كـــده
الطيب الله يــــرحمو ويغفـــــر ليهو
فجٲه رن التلفون ☎ المتصله لمياء ✆↯↯↯
مروان لميا۽ مالها ياربي قبل كم ساعه كنت معاهم
☏ الـــو لميا۽ كيفك
لمياء : الحمدلله
مروان : صوتك ما عاجبني في شنــــو!
لمياء. : مٌؤمن طلع من البيت زعلان مني ولسه ما رجع وتلفونو مغلق
مروان : ما براهو عملتي ليهو شنو انتي
يلا احكـــــي
لمياء حكت ليهو مكالمه شيكو والحاصـــل كلو
مروان ذاتو انفعل وجاط فيها " انتي عارفه يا
لمياء مشكلتك الوحـــيده انك ما بتسمعي الكلام. انا مش حذرتك قبل كده من الزول ده
بتتعاملي معاهو تاني لشنو مش. قلت ليك تقطعي علاقتك معاهو حبل يدك وغرق ليك
براكي بتعملي الحاجه البتزعــــل صّرَاحُه ليهو حق يـــــــــزعل
لُمٌيَاء نــــدمت انها اتصــــلت علي مـــروان وبقت خاته يدها علي خدها ومتمحنـــه لحدي. منتصـــف الليل
جاء خاشي
لمـــــياء : حمدلله علي السلامه
مؤمــــن : الُلُه يَسِلمك
لمياء: قلقت عليك خوفت تبيت بـــــره البيت
مؤمن : ايوه زعلان منك بس ما انــــا الراجل
البخلي ولاياهو براهم
يلا تصبحي علي خيـــــر.
لمياء : تلفونك لشنو قافل
مؤمن : قافل شحن يلا انا نعسان
لمياء قلبها كان واجعا بس استحملت وسكتت
تْانَيَ يوم من الصـــــباح
لمياء مشت الـــدكان بس تاني ما رجعت
وخلت اخوهـــــا في دوامه من الاسئله
يتبع....
