مهــاد بقت تحنس في امــها عشان ما تطــرد لميـاء واختها من البيت
بس امها رفضت شديد وكـانت متمسكه برايها
بعد اصرار وتحنيس وتعب من مهاد وتدخلات من مــروان
امها اقتنعت بس ما من قلبها وكان شرطها انو يقعدو معاهم لحد ما يلقو ليهم سكن
وشغل تاني
لمياء : تسلمي يا مهاد لولاك ما كنت متخيله شنو الممكن يحصل علي
مهاد : ومروان كمان
لمياء : ايوه ومروان اكيد مهاد مروان عــرف الحاصل علينا
مهاد : اي عارف كل حاجه عشان كده هو واقف جنبكم
صّــدِفَُه *
لمياء طلعت من البيت بنية انها تمش لاخوها
مؤمن رغم انو مهاد اصرت علي انها توصلها بس هي رفضت
فجاءه من غير مقدمات لقت شيكــو قدامها
لمياء : حسين بسم الله سلام قول من رب رحيم
شيكو : مالك قـال شوفتي عفريت! !!!
لمياء : عاوز شنو ابعد من طريقي
شيكو : عاوز قـــروشي او تنفذي وعدك ابعد منك وين بس
لمياء : انا مستغربه واحد زيك مليان قروش وعندك البكفيك طول حياتك مبلغ زي ده عاوز بيهو شنو! !!!!
وواحده زيي كده عاوز بيها شنو بامكانك تتزوج وتريح روحـك يا اخوي
شيكو : عندك حق بس يا لمياء طريقتك الشلتي بيها القــروش كانت مستفزه
وبالنسبه للعرس دي حاجه سابقه لاوانها وما عندك فيها دخـــــل حتي القدر خلاني الاقيك تاني علي رغـــم
من انك هربتي
لمياء : قروشك حتستلمهم اوعــدك بس اديني مهلـــــه
شيكو : لو قدرتي تلميهم بدل ما تديني ليهم وفريهم لولادة اختك
مهاد اتصدمت : وانت شنو الدخلك خليك في حالك ومن غير سلام اتخارجت
شيكو : حنتلاقي يا لمياء وده وعـــدي ليك
الا ابكيك علي العملتي فوقي وما تنسي سلمي علي مؤمن
مهاد بقت جايطه في افكارها ومن كلامو الزول ده كيف عرفا انها ماشه لاخوها وحكايه سحــر دي عرفها من وين. غيرت رايها واجلت الزياره لوقــــت لاحق
بالنسبه لمهاد **
مـــهاد علاقتها مع. مصطفي كانت محفوفـــه بمخاوف كتيره وخصوصا انها اكبر منو في السن الحاجه دي عامله ليها قلق نفسي وده غير نظــرات اخواتو المستفزه ليها . بس بتحاول بكل طاقتها انها
تكســر الهاجس ده وتتعايش معاهو عادي
رغم انو ما محسسها بحاجه زي دي
ام مروان كان شغلها الشاغل لمياء واختها
بقت تحاول تعـــرف عنهم اي حاجه وبدآت
مهمتها بمصـــطفي مشت سآلت عنهم
فما طلعت بحاجـــه غير اسمهم الكامــــل
ودي كانت الصـــدمه الحقيقيه ليها والزاد رغبتها في انها تخلص منـــهم
يتبع...
