مٌؤمٌــن شال رقــم التلفون وقلبو يخفق من شــده الفرح لانو معتقد انو دي خالتو
بمجـــرد ما حصل البيت ارتاح شويه وحكي لاختو الحاصل قعدو الاتنين متحمسين عشان يتصلو بس اتخزلو لانو الرقم طلع مغلــــق
لمياء : ياخ هــسي في داعي للكلام ده
مؤمن : عوارض شديده خـــــلاص
ومؤمن بقي يحاول ويحاول ☎☏☏☏☏ بس الرقم مغلق
✺✺✾✾✺✺
بعــــد محاولات يائسه من الاتصال المتكرر في وقت متآخــــر لمياء قالت لمؤمن حاول تاني لاخـــر مره والمره دي حالفهم الحـــظ
وخش الــرقم وفتح الخط ......✆
مؤمـــن: الــــو.... الو
✆ جاهو الرد بس ما زي ما اتخيل لانو
الصوت صوت راجـــــل وما اي راجل ده صوت معاويه
مؤمـــن اتبكم خشمو ما قدر يفتحو
معاويه : حمـــدلله علي الســـلامه يا مؤمن ولـــو انها جات متأخـــر. بس معليش مشغوليات وكـــــده
مؤمــــن : انت عاوز مني شنو ما تجي بالدغري عارفني بكـــــره الطريقه دي
معــــاويه : زعلان عشان توقعاتك خابت افتكــــرتها خالتك يا روح خالتك
احـــلي شي انك تعمل حاجه ويكون فيها عنصـــــر المفاجأه
مؤمـــن : شكرا انا ما عاوز مفاجآت
وقفل في وشــــو الخــــط
ومعاويه كان مبســــوط لانو قدر بعكر صفـو مزاج مؤمن وعرف كيف يتلاعب بمشاعرو بكل بساطــــه
❀❀❀❀❀❀❀
وفي نفـًـــس ليله القلق ✺✹
دلال رســـلت لمروان رساله نصيه ☐
" مـروان انا حاليا ما بقدر اتكلم معــاك بالتلفون بس بكره لازم نتلاقـــــي ضروري"
اكــــد علي برساله
مروان رد عليها "ايـــوه حنتلاقي "
من الصباح مروان كان متحمس انو يمشي ليها مزاجو كان رايق ويسرح في شعرو ويدندن " تعال نيقن الاشواق بأنو اكيد حنتلاقي "
مهاد جات خاشه عليهو " ايش إش الليله ح يطقوق عين علي وين شكلو القصه وراها بنـت
مروان حكي ليها بقصـــه الرساله بتاعت دلال
مهــاد :اخيــرا الله هون ليها وردت
الله يدينا خيرها بس يا مروان انت ما مــــلاحظ انو البت دي كل ما تظهر علي حياتك بتحصــل مصيبه
مروان : مصيبـــة شنو كمان دلال دي يجي من وراها الهواء البــــارد عليك الله نقطيني بسكاتك بدل كلامك الزي السم
♡♡♡♡ وفعــــلا مروان مشي علي المكان المحـــدد وانتظــــر اكتر من ربع ساعه ودلال ما جات وتلفونها ما بخش
يمر الوقت ↯ ودلال ما ظهرت ومروان خلاص جاب اخرو من الزهـــــج والقلق وحس بانو
في حاجه ما طبيعيه بتحصـــل معاهو
بس كان بحاول يكذب الاحساس ده
فجٲه جاهــو راجل لابس نظاره سودا۽ مخبيه عيونو ورشيق كده قعد مع مروان في نفس الطاولـــه من غير ما يستٲذن منو والقي عليهو التحيه " مروان كيفك?? ?
مروان الدنيا كلها جاطت فوق راسو لانو الصوت ده كــان صوت معاويه
مروان : معاويه! !!!!!
ما قادر اصــــدق انا في حلم ولا علــــم
معاويه : صدق يا صحبي شكلك كــــده منتظر زول
مروان : زول? !! لالا ما منتظر زول وبالمناسبه عندي موعد انا لازم امشي
قام علي حيلو وهم بٲنو يمشي
معاويه ثبتو من يدو وقاليهو شنو يا فرده ما لسـه بــدري معقول تمشي من غير ما تشوف دلال ....?!
ملامح مروان اتغيرت من الدهشه والخلعه وقعد في مكانو : دلال? ?
معاويه : مافي طريقه اجيبك بيها الا عن طريق دلال وكويس انو القصه مشت عليك
مروان : انا ما فاهم حاجه انت كنت صاحبي بس هسي الغيرك شنو من ناحيتي
معاويه : شوف انا دلال دي ما اتزوجتها بالساهل عشانها دخلتك انت السجن وعشانها برضو عملت المافي زول يتخيلو وبرضو علشانها مستعـد اقتل فاهم ولا تحب افهمك بطريقتي ويا ود الناس شكلك كده لسه بتحبها وانا بنصحك لو عاوز تعيش سعيد ابعد منها ومن طريقها والا ما حتشوف طيب واعتقد كلامي واضح ابعد من مرتي وام ولدي
مروان كانو وقعت فيهو صاقعــــــة
وما رد علي كـــــلام معاويه. رجع البيت وهو في حال تاني
✵❂✿✾✾
مهاد : مروان بسم الله دي شنو القعده البائسه دي والحصل شنو خلي حالك مقلوب كـــده عاد طقوق عين البشوفك الصباح ما يشوفك هسي
مروان ولا اتكلم معاها
مهاد : لالا خوفتني في شنو?? ?
مروان : كل الحكايه طلعت وهم والقصه دي وراها مـعاويه
مهاد : معاويه وده شنو دخلو كمــــان
مـــــروان. : دلال رجعت لي معاويه بس لشنو كانت بتتواصل معاي الاجوبه دي ما بتجاوبها الا هــــي
مهاد : يااخوي الاجابه واضحه احتمال شافكم مع بعض
يتبع....
