مؤمن قلقان .... علي اخواته والزايد عليهو القلق مروان فتره سجنو كل يوم بتقرب تخلص وخلاص بعد كده حيبقي وحيد ومقطوع من شجره بعد ما لاقي زول يحتويه
***بعد مرور شهور ✋ .,,,,,,
مروان : خلاص انا بكره مدتي في السجن حتنتهي صدقني لو قلت ليك حأشتاق ليك شديد
مؤمن : حاسي كأني بعرفك من سنين رغم الكم شهر العرفتك فيهم انت عارف يمكن الحسنه الوحيده في السجن ده اني اتعرفت عليك خلال المده القصيره دي ويمكن اكون في زمن ضايع 😔
ويا صحبي جاء اليوم الانا خايف منو لحظات الفراق
مروان : كان نفسي مدتي تزيد في السجن بالرغم من اني عاوز اطلع ,,,,,,عشان ما افارقك يارفيقي بس اخدو وعد
مني ما حأتخلي عنك وحأفضل ازورك علي طول
كانت ليله جميله علي زملاء السجن ومليانه شجن لانو مروان زول محبوب عندهم كلهم والزنزانه كلها صاحية الليل كلو ....مؤمن كان شايل هم خصوصا بعد ما مروان طلع
الايام الاولي كانت مريره شديد علي مؤمن بس مع كل يوم يمر كان بخش في الناس اكتتر ......حتي بدت ثقته بنفسه ترجع
مروان اختفي واختفت معاهو ملامح البهجه والابتسامة واثناء ماهم قاعدين جابو ليهم سجناء جديدين وكلهم من فئة الشباب وشكلهم جايطين كده
مؤمن خش فيهم بطريقه جميلة كده واتذكر نفسو وقت دخل السجن يادوب
واتعرف عليهم عزام والفاضل
مؤمن : مالكم يا جماعه الحاصل عليكم شنو ده مربوط في راسو وده مجروح
عزام : والله مسكونا بتهمة التخريب والتحريض علي العنف لاننا طلعنا في مظاهره
مؤمن : مظاهره شنو كمان ؟؟
الفاضل : مظاهرات بنطالب بحقوقنا يعني الاسعار الزائده دي عاجباك !!!!
ولا الاقتصاد الكل مره ماشي بالسالب احنا لازم نعمل حاجه
مؤمن : وين للناس الفقرانه الما لاقيه تاكل زي حالتي انا واخواتي
عـزام : اققلو عليكم الله السيره دي ماناقصين احنا مؤمن سكت وبقي مابتدخل في نقاشاتهم وكل مره سجين جديد وقصص جديده بتجي علي السجن ....**
وفي يوم مروان جاء زياره لي مؤمن بعد فتره من طلعتو ....... وكان مروان وشو مخطوف ........
مؤمن : مالك مستاء مفروض تكون مبسوط مش خلاص طلعت ؟
مروان : طلعت ولقيت نفسي تائه لا الدنيا هي الدنيا ولا الناس ياهم الناس كل شئ
متغير الا انا
مؤمن : الحاصل شنو وده شنو اليأس الانت فيهو ده؟
مروان : في اول يوم طلعت كنت فاكر انو حألقي اهلي فرحانين بطلعتي ومنتظرني والشوق في قلوبهم بس للأسف ما لقيت حتي ترحيب زي الناس وكأنهم ماعندهم ولد اسمو مروان ومحرجين انو يقولو ولدنا كان مسجون شكلو طول حياتنا حتكون وصمة العار حقتنا واننا كنا مسجونين ما ح تفارقنا يا مؤمن .... ياخ حتي مهاد اختي تعاملها تغير
مؤمن : قول الحقيقه يامروان الواجعاك دلال مش كده كان نفسك تمشي وتلقاها منتظراك وعيونها كلها شوق مروان فوق من الاحلام الورديه الانت راسمها دي 💓
مروان : بقيت تفهمني اي دلال هي الواجعاني طبعا قالو اتزوجت وتاني ماعارف الحاصل شنو صدقني الدنيا ضاقت بي شديد اتمنيت لو اعمل جريمه وارجع السجن واكون مجرم بحق وحقيقي .......... ماهو ما ممكن اكون مظلوم هنا وهناك كتر علي يا مؤمن انت الوحيد الفاهمني
مؤمن : ياخي ما تشيل هم كل دي حاجات لحظيه وبتروح ما تقلق كلو بتغير وماف حال بيقي زي ماهو والا ماكان حصلنا علي السجن ده عيش عادي يامروان مع الوقت حتقدر ترجع زي اول ويمكن احسن
"ليطمئن قلبي" 💐❤
مروان انا عاوزك في خدمة صغيره كده
وصدقني ما عندي اي زول ممكن اثق فيه غيرك
مروان : ابشر عيوني ليك يا مؤمن
مؤمن "انا اخواتي ديل شكلهم ما عاجبني خصوصا في الفتره الاخيره زي الحاصله حاجه وهم ما كلموني بيها سحر مختفيه ولمياء بتجي براها وشكلها مخبيه عني حاجة ...... ده عنوان خالتي امشي ليها وشوف الحاصل شنو
وبتمني انو قلبي يطمئن 😥
مروان قاليهو خير ان شاءالله حأشوفهم
تمر الايام والليالي 🌘🌘
ويطول الانتظاروتصبح الايام شهور ومؤمن منتظر
لا مروان ظهر لا اخواتو زاروه والحاجه دي خلتو قريب للجنون ومستاء خالص
لدرجه انو فكر انو مروان اتخلي عنو
"اصلا هو زول غريب ومعرفتنا شكلها كانت
معرفه ساي لا صداقه لاحاجه وكلو كان تمثيل
واتذكر كلام مروان لما قاليهو "ما تثق في زول يامؤمن "
مؤمن لنفسه "ايوه هو قال كده وانا مااخدت بنصيحتو
طيب اخواتي مالهم غايبين ياربي لمياء كويسه ؟ طيب لو كويسه مفترض تجيني
ولابطلت تحبني. وسحر اكيد شالتني من حساباتها انا خلاص بقيت وحيد ماعندي زول وبقي في عراك والشيطان لاعب معاهو ضاغط وجاتو فكره الانتحار لانو مفتكر انو دي الطريقه الوحيده
#للخروج من الازمة .......
يتبع....
