بعد دقايق من السكوت
مؤمن : لالا الوضع شكلو متأزم خالص
مروان : حكي ليهو عن العلاقه الكانت متوتره بينو وبين اختو مهاد وكيف النفوس
هدأت واتعدلت
مؤمن : حيرتني طيب الحاصل شنو شكلو في جديد في موضوع دلال اصلا ماف غيرها بشل تفكيرك
مروان : دلال وما ادراك ما دلال
مفتكر انو الخمس سنوات المرت من عمري حتقلعها من قلبي نسيت كل شئ
بس نسيت انساها ...... في يوم كنت مهموم شديد ومشيت ارفه عن نفسي شويه لقيت ولد ضايع بيبكي ويقول "ماما ... ماما
المهم بقيت اتكلم معاهو واسأل فيهو فجأه في يد مسكتو مني لما رفعت يدي
وعاينت لقيتها دلال من شافتني بقت تكورك فيهو "مش قلت ليك ما تتكلم مع الغرباء من لهفتها وخوفها علي الولد
عرفت انو ده ولدها قالت لي شكرا
ومشت طوالي ....... اصلو ما كنت متصور
انو حيجي يوم ونبقي كده ونتعامل بالطريقه دي ..........
مؤمن : والله وحده تعمل فيني كده انساها وانسي ابوها ذاتو دي غبيه ولاشنو يااااخ
ما ترفع لي ضغطي يا مروان ........
مروان : ياخ انت ماحاسي بي كل جروحي داويتا الا دلال دي
مؤمن : دقيقه دقيقه انا اتذكرت حاجه نسيت ما سألت لمياء عن شيكو
مروان : شيكو ده شنو كمان !!؟
مؤمن _حكي ليهو حكايه شيكو _
لمياء لمن جاتني اتلخمت ونسيت ما سألتها اصلو الهم ده حيفضل معاي علي طول وانا ما بضمنها زيارتها التانيه حتكون متين
مروان : حكايه شيكو دي غريبه بس اوعك تصدقو خليك واثق في اختك يا مؤمن احتمال في حاجه تانيه وراهو الزول ده وهدفو يخليك قلقان بس اوعك تحقق ليهو امنيتو ا بعدين احتمال يكون من طرف معاويه
وكان علي لمياء اصبر بكره الايام تمضي وتعرف منها الحقيقه ودعواتك مع اختك ما معروف الظروف الماره بيها
وعلي كده مؤمن قلبو بقي مطمئن وحسي انو هو ما براهو ولسه في امل في الدنيا انها تتضحك ليهو
جرح اليوم 😦😦💔
لمياء رجعت البيت بدري عشان ناس البيت ما يحسو بشئ بس مجرد ما دخلت
لقت ممدوح طالع من غرفتهم _ ممدوح ده اخو مروان الصغير _
لمياء خافت شديد "ياربي ده شنو
الجابو هنا اصلا انا من جيت مامرتاحه ليهو ونظراتو تخوف دخلت جوه الغرفه
لقت سحر في الارض كامشه نفسها زي البردانه كده وتبكي وتصرخ
