لمياء اتصلت علي مروان وكانت متضايقه شديد
لمياء : مروان انا بالجد نفسياتي تعبانه
من مؤمن وتعاملو مع ريحانه بكرها شديد
حاول لمن تجينا تتكلـــــم معاهو لانو الوضع. لا يطاق شايفها كانها حاجه قـــذره ما بشيلها ولا بلمسها اي يمكن هي صغيــره بس اكيـــد هي بتحس بالكره ده
مروان : مؤمن ممكن يتضــــايق بس ما اظن تصــــل بيهو مرحله الكره كدي اصبري لي لمن اجي بتفـــاهم معاهو المهم انتي ما تتضايقي واصبري عليهو
مؤمن اتصل علي وانا قلت ليهـــو مسافه السكه
لمياء: اي عارفاك جاي عشان كده كلمتك
مروان : يلا خلي بالك من روحك ومهاد بتسلم عليك
❀❀❀ اساسا مروان كان زهجان وقافله معاهو وعاوز زول يفضفض معاهو
طلب من مهاد تجي معاهو بس هي رفضت " يا بت مالك مامشتاقه لي لمياء ولا شنو? ??
مهــــاد : اشتقت ليها بس ماف طريقه امشي ليها
مروان : مالك يابنت!!
مهاد : والله حاسه بالاحراج ياخي من اخر مره وقت اتكلمنا مع مؤمن وكلمنا بقصه امي
بقيت احس نفسي صغيره وما قادره امشـــي ليهم
مــروان : كلامك ده تقوليهو لو امي عملت حاجه تخجل ما تخليك حساسه كده. وبعدين مش احنا اتفقنا انو الموضوع ده ننساهو ونقفلو ما تفتحي تاني خليها علي الله عموما اخدي راحتك انا حامشي عليهم ونتلاقي
وفعــــلا اتحــــرك علي مؤمـــــن
❀❀❀❀ لقي لمياء عملت ليهم القهـــوه والقعده كانت حلــــوه شــــديد وهاديه
في صمت بينهم كانو اي زول فيهم غرقان في مشكلتو براهو
مــؤمن : حنسكت كده كتير !!!! طبعا يا مــــروان امس مشيت علي بيت خالتي القديم وهناك لاقيت واحد كان من شلتنا وقال لي الرقم ده جات مــره قبل سنه وخلتو ليك عشان تتصل عليها
مروان : وان شاءالله المــره دي طلعت خالتك لكن جــد حاجه محيره
مؤمن : اصبر جاايك في الكــــلام لمن جيت واتصلت والرقم خش معــــاي لقيتو ده معاويـــَه تخيــــل الطريقه حقتو الوصل لي بيها
❈❈❈مروان وانا لو حكيت ليك الحصل علي ما حتصـــــــدق
مؤمن : اها احكـــــي ❈
مروان : جاتني رساله بالليل من رقم دلال
وطلبت انها تلاقيني ولما رجعت ليها الرقم ما خش معي ومشيت ليها الليله علي المكان الاتفقنا عليهو وقعدت انتظرتها قـــريب ساعه وهي ما جات بعديها جاني معاويه
