مؤمن ما كان مستوعب شيكو والكلام البقول فيهو .....
مؤمن : اسمعني انت شنو حكايتك بالظبط
عندك كلام قولو طوالي وبلاش لف ودوران
شيكو : الحتعرفو حيتعبك شديد
مؤمن : وانا مستعد قول العندك
شيكو :حتي لو عرفت انو الموضوع متعلق باختك العزيزه لمياء
هنا مؤمن انفعل وقام مسكو من قميصو"لمياء ؟؟؟؟
بتعرفها من وين اختي علاقتك بيها شنو
شيكو " شايف دمك بقي حامي كيف وبضحكة استفزازيه شال يد مؤمن من كتفو وقال لي
اهدي وروق شوية اختك دي اكلتني في قروش كتيره وعرفتها عن طريق الصدفه كانت شغاله في بيت عمي وانا جيتهم زياره كان دي اول مره الاقيها وتاني
مره لاقيتها في طريقي في مركز تسوق شكلو كانت مرسله ودي كانت المره التانيه الاقيها حتي هي بقت تعرف شكلي كويس
ومرت فتره طويله ماقابلتها حتي انا ذاتي نسيتها اها في يوم لقيتها قاعده ليها في زاويه شارع وشكلها كانت بتبكي وقفت ليها بعربيتي "
لمياء !! الحاصل عليك شنو
قالت لي ماف حاجه المهم بعد حنستها
قالت لي مؤمن اخوي مسجون وفتره سجنو
حتطول لو ما دفعت الغرامه ......طلبت مني اساعدها واسلفها قروش والمقابل تشتغل لي في البيت لحدي ما اسدد القروش العلي
وانا فعلا صرفت من اقرب صرافه واديتها القروش ومضيتها علي وصل امانة وقلت ليها تجي تشتغل طوالي من تاني يوم
وفعلا دفعت القروش حقت الغرامه واختفت سألت منها كأنوا الارض انشقت وبلعتها لاحس لاخبر وناس عمي سمعتهم
بتكلمو قالو سرقتهم وهربت عاوزني
بعد ده كلو احبك انا عملت المستحيل عشان اخش السجن واقول ليك الكلام ده
واختك مابرحمها وهسي انا مستمتع وفرحان لانك مكسور من جوه
مؤمن بعد الموضوع ده بقي قلقان زياده
ومحتار شديد كيف اختو لمياء تعمل كده
بس وقت اتذكر عملتو خت ليها العذر لكن نفسو كانت مكسوره لانو حتي شيكو
ده ماعرف محل اختو وبدت مسيره القلق من جديد .......... وفتره السجن لسه ما حيقدر يصبر اكتر من كده
الي مروان
مهاد للمره التانيه سمعت لمياء بتتكلم مع اختها بنبره مليانه حزن
"سحر انا اشتقت لمؤمن شديد شنو رايك امشي ليهو
سحر " وانا كمان مشتاقه ليه بس صدقيني ماحاقدر امشي واخت عيني في عينو وبدت تبكي
