مهاد شافت انو لسه ما جاء الوقت المناسب عشان تسألهم عن السمعتو
بس كان عندها فهم في راسها
"لمياء انتي متأكده انك ما مخبيه علي حاجه لمياء راسها جاط وبقت مستغربه مهاد
دي بتسأال لشنو ؟
لمياء : "لا ما مخبيه حاجه
مهاد " متأكده يا لمياء؟!
لمياء بتردد وارتباك : ايوه متاكده في شنو بالظبط
مهاد : الما مخبي حاجه ما برتبك كده!!
والمامخبي حاجه ما بكون متردد كده
مهاد اتلاعبت بالكلام عشان تأثر علي لمياء
عشان تقيس نبضها وكده اتاكدت انو في حاجه لمياء ماعاوزه تكلمها بيها وعلي كده مشت علي غرفتها
سحر : تفتكري بتسأل لشنو !!؟
لمياء : والله انا ماعارفاها شكلها شاكه في حاجه بس الله يكضب الشينه الزوله دي طيبه شديد بس لمن تقوم ما بتعرفيها تتذكري لمن كنا في المستشفي مؤدبه ليك الناس ديل كيف غايتو انا ذاتي ماعارفاها دكتوره نفسيه كيف
سحر : بس شخصيتها تحسسك انو فيها قوه كده
ما مسكينه زينا كان نفسي ابقي زيها وادافع عن نفسي 😔😔
لمياء : سحر اسكتي هسي النفسيات تقوم عليك وست البيت تطردنا اصلا الزينا غير الشقاء ما مكتوب ليهم شئ الله يعدي الايام دي علي خير تعبت انا *
الاخوه
"العلاقه بين مهاد واخوها مروان نوعا ما كانت مكركبه وكل واحد متحسس من التاني وفي كل مره يتشاكلو ويجرحو بعض
مروان : مهاد البنات الشغالات عندنا ديل وراهن حكايه تحس بيهم غامضات كده انا
سألتك لانو انتي الجايباهن وبعدين وينو ورقهن ما شوفتو
مهاد : غامضين !! وراهم حكايه !!
ده شنو الهبل البتقول فيهو ده البنات شايفات شغلهن كويس جدا وبعدين جايباهم انا يعني مفترض تتطمن ياسيد مروان وبلاش حركاتك دي واوعي تحاول تقطع عيشهم زي ماعملت مع الخدامه الفاتت ياقطاع الرزق
مروان : ومن متين الحنيه النزلت عليك ؟
مهاد : عشان واقفه مع الحق!! حركاتك دي ما حقت زول طبيعي اصلا من يومك غريب وبقيت اغرب شايفه انو تشوف ليك حل لانو ما ممكن نكون بالطريقه دي كل يوم في النقاشات والتوتر وحرق الدم
مروان انت عاوز تصل لشنو
مروان : مهاد انتي دايما بتستفزيني بكلامك وانا عشان ساكت ليك وما برد فاكراني راضي ولا مابعرف اتكلم انتي ما باقي ليك الا تقولي لي احجز ليك عندي لانك مريض نفسي ✋😳
