دلال كانت بتبكــــــي شــــديد
مروان بحاول يهديهــــا عشان يفــــــهم
الحاصـــــل شنو
*دلال* استهـــــدي بالله روقـــي كده واحكي لي الحاصـــل شنو.
دلال : حمودي ولـــدي مات ... مات
مروان : انا للــه وانا اليه راجعون اتوفي متين? وكيف
دلال : معاويه هو القتلو
مروان : دلال انتي بتقولي في شنو؟؟؟؟ كيف اب يقتـل ولدو
وانقـــطع الاتصــــال
مروان : الو الو دلال .....
ويحاول مـــره تانيــــه ويجيهو الـــرد الالي " عفوا هذا الرقم مغلق حاليا
مــروان راسو عاوز يضرب من الهـــم وما حيقدر يسأل من عنوان بيتهم لانهم رحلو
من سنين ووضعو هو حساس علي حسب انو كان حبيبها وخطيبها
حكي لمهاد كل الحاصــــــل مهاد استغربت
بس قالت ليهو احتمال تلفونا قفل كهــــرباء
وهي بـــره البيت حاول اتصل عليها بكره
مروان حاول يخت ليها ميتين عذر عشان ما يقلق
اليوم كلو كان ملخبط لمــــــروان وانتهي
بانو ابوهو طردو من البيت وقال ليهو
لا ولــــدي لا بعــــرفك الا تجيب لي ورقه طلاقك من المخلــــوقه دي
مروان طلع مكسور من بيتهم للمره التانيه
الاولي وقت مشي للسجن والتانيه وقت طـــردو ابوهو. مهاد حاولت تتدخل
بس ابوها قال ليها وقت مــــا بتقدري علي فراقو عادي الحقيهو وفتح ليها الباب
مهاد عــــرفت انو ابوها مستحيل يرجع
عـــن الفي راسو الا. مروان يطلق سحـــر
مـــروان مشي قضي الليله مع ناس ســــحر رغم انو متزوجها علي سنه الله ورسوله بس كان حاسي بانو مضايقهم
مروان : اسف يا لمياء امس جيت متاخر وازعجتكم
لمياء : تجي وقت ما عاوز وتطلع علي كيفك
ده بيتك انت يـــا مروان وسحر بينك وبينا عقد زواج فشنو عليك اللــــه بطل حساسيتك الذايـــده دي
امس انا ما سٲلتك الحصل شنو?
مروان حكي ليها الحاصل
لمياء: البهدله دي كلها حاصلـــه ليك من تحت راسنا سامحنا
مروان : لالا بتتحل ياخ بس مؤمن يطلع وبعدين شنو سامحنا دي؟؟؟
مــــروان عدا اليوم كلو وهو بحاول يتصـــــل علي دلال بس هيهات تلفونها مغلـــــق
