اثناء تفكيرو في الطريقه الح يستخدمها للانتحار ناداهو الضابط وقطع عليهو تفكيرو
مؤمن السيد " زياره
الكلمه دي طلعتو من جحيم مسح دموعو وردد بجواهو "ياه لسة في زول متذكرني "
وطلع شاف قدامو مروان سلم عليهو ببرود كده وواضح العتاب من عيونو
مؤمن " الجابك شنو انت لسة متذكرني بالله 😡😔
واللهجة كانت حادة. علي فكره لو عارفك ده انت صدقني ماكنت حآجيك
مروان في البدايه اعتذر عن الانقطاع "ياه للدرجـه دي "
مؤمن : لالا انا البعتذر لاني كلفتك بحاجه فوق طاقتك كان تعتذر مني قول لي
ما بقدر امشي لخالتك ما بقدر امش لاخواتك دي كمان غلبتك
......... انا بعتذر لاني ختيتك اخو وصاحب واديتك اكبر سر في حياتي انا اسف . ......
مروان قاطعه بصرامه
"مؤمن كفااااايه لحدي هنا لو سمحت قبل ما تطلق اتهاماتك واحكامك اسمع مني ياخ انا لا بعرفك الليله ولا امس والبينا كبير
وانت عارف الحاجه دي كويس ✋ من واجب الخوه البينا خت لي سبعين عذر احتمال انا اتوفيت ولا حاجه !
"
بعد اخر زياره بعديها باسبوع مشيت لعنوان خالتك زي ما اديتني ليهو
لقيت البيت ساكنين فيهو عزابه ...... وقالو لي الخاله دي رحلت هي وراجلها القضارف وما معروف السبب شنو
شلت رقم راجل خالتك بس لما اتكلمت معاهو
وقلت ليهو انا من طرف مؤمن قال لي مابعرفو وقفل الخط في وشي
انا من وقتها بفتش علي اخواتك عشان ما عندي معرفه سابقه بيهم ما قدرت احدد مكان معين امشي عليهو
وانا والله ما كنت بتمني اجيب ليك اخبارما كويسه وحاولت اعمل كل شئ حتي راجل خالتك غير رقمو لانو الرقم بقي غير متاح. وانا كل مره بجي لحد هنا وبرجع لاني ما عاوز
اجيب ليك بشاره. ممكن تضايقك
مؤمن : انت عارف كده زدت علي الهم لانو القضارف احنا ما عندنا فيها اهل ولا بنعرف عنها شئ في حاجه غلط انا ما قادر افهمها من اخر زياره لمياء جات براها وسحر ما معاها والابشع من كده انو
من اليوم داك تاني بي عيني ما شفتهم تفتكر انا تاني ح أكون كويس ..... سامحني يامروان انا كان مفترض اثق فيك اكتتر من كده امسحها لي في وشي
مروان : احتمال هو غشاهم ومشي مكان تاني عشان يضلل اي زول يسأل عنو واولهم انت
مؤمن : ما تتخيل راجل خالتي ده خسيس كيف وقلبو اسود زي وشو ماعارف لشنو
