ابو مــــروان جاء البيت وعرق جبينو حيطق
من الغضـــب " مروان صحـــي السمعتو من امك ده
مروان : اي صاح يا ابوي زي ما سمعت
الاب : يا تطلقها يا انت محــــروم من الورثه حقتي ولا ولدي لا بعــرفك فكر واختار قرارك
مروان كان عاوز يقول انو ما حيتخلــي عن ســحر بس ما نطق خاف انو ياخد قرار من غير تفكييـــــر وينـــدم
**مشي يواصـــل كلامو مع مهاد بعد جوطة امو وابوهو
مهاد : مــــروان ابوي وامي مستحيل يتقبلو سحـــر مهما حصل فشنو تطلقها احسن كده سترت بنت الناس واكرمت صحبك في غيابو وماف داعــــي للمشاكل يا اخوي
مروان : اهـا وبعد اطلقها الحيصرف عليهم منـــو?
مهاد : الزم روحك بمصاريف ريحانه وسحر ولمياء حيشتغلو وما تنسي انو اخوهم ما حيقعد حياتو كلها في السجن وحيطلع قريب عشان كــده ما تتمسك شديد وتخسر اهلك والله خايفه عليــــــك
مروان : صح انتي ما قلتي حاجه غلــــط بس انا مستحيل اخليهم الا مؤمــن يطلــع من الســـــــجن
مهــاد : تفتكر شيكو هو الكلم امـــي?! !
مروان : والله هو هدد لمياء ما بعيـــــد يعملها لكن حسابو معاي عسير لو طلع ليهو يد في المــــوضوع ده
مهاد : اوعي تتهور يا مروان
مروان : لا ما تخافي كدي اديني رقمو
وفعــلا مروان اتصل عليهو وطلب انو يلاقيهو
حـــددو انو يتلاقو بالصبــــاح قبل الشغل ومنها يشربو شاي مــع بعض
"السلام عليكم اوو كيف يا حبيبنا اخبارك واحوالك
شيكو : تمــــام الحمدلله شنو الموضوع الخـــطير المابتقدر تتكلم بيهو في التلفون
مـــروان : من غيــر لف ولا دوران ما حنصيـــع علي بعض "انت كلمت امـــي بموضوع سحــــر? !!!!
شيكو : انت بتقول في شنو! !!? وليه تشك فيني
مروان : زي ما سمعت كده انت الوحيد العارف رغم اني ما عارفك عرفت كيف
وانت العنـــدك مصلحه عشان تضايق لمياء
اها يعني كــده مرتاح! !!!!
شيكــــــو : مروان حاسب لكلامك اي صاح انا هددت لمياء بس انا ما وريت خالتو رحمــــه وممكن تتأكد. منها
احتمال راقبتك زي ما عملت انا و عــرفت الحقيقه
مــروان بقي يفكر مع نفسو " احتمال كلامو صـــاح لانو انا فعلا ما اتآكدت وسألت امـــي
اعتذر منو ومشـــي الحال
*** بعد ما خلص شغلو مشي لسحــر لقاها واقفه في الباب ومن غيــر اي مقدمات " مــروان طلقني
مروان : يا بـــنت انتي جنيتي ولا شنو طيب فهمينـــي الحاصل شـــــنو
سحـــر : اذا كان زواجي منك حيقطع علاقتك مع اهلك احسن نتطلق كـــده احسن لي وليك وجميلك عمـــري ما بنساهو
مروان : الهددك منو?! ده ما كلامك يا سحــــر
سحر سكتت وابت تتكلـــم
لمياء جات خاشه في الكلام " مالكم واقفين في الباب خشو جوه نكمــــل باقي كلامنا
مروان : سحر غتيته ما بتتكلم وريني الحاصل. شنو يــا لمياء?
لمياء : خالتو رحمـــه امك جاتنا وهددتنا انو حتفضحنا علي الملأ لو ما بعــدنا عنك حتي عرضت علينا قــــروش فاكرانا طمعانين في قـــروشكم
سحر : يعني هسي في داعي تكلميهو
لمياء : اي لازم يعـــرف والصراحه امك عندها حق انا ما بلومها ولا بعتب عليها
مــــروان : يبقي امــي عرفت بطريقتها وشيكو مــا عندو دخل بالقصه
سحر عندها رغبــــه تزور مؤمن في السجن لانها طولت ما لاقتو
سحـــر: انا لازم امشي لمؤمن وانتي حتمشي معـــاي يا لمياء وريحانه حنخليها مــــع مهاد
لمياء : مرقتك صعبه ياخ سحر ولو علي رقبتي انا لازم امشـــي
لمياء : والله طالما مصممه قدر ده حنمشي خلي مروان يوصلنا بكــره
مروان رغم انو عارض وما كان موافق بس اقنعوهو في النهايه
صباح اليوم التالي
طول الطريق سحر سرحانه في انها حتقــــول شنو لاخوها لما يلاقيها ويقول ليها كنتي وين وحتكضب عليـــهو. بشنو
مروان : سحــر خلاص وصلنا سرحانه وين انتي انا حانتظركم هنا مافي داعي مؤمـــن
يعــــرف حاجه في الوقت الحالي لمياء ما حاوصيك
نزلت من عندهم وطلبت زياره لاخوها الضابط نده اسمو مؤمن زياره ما صدق طبعا واتخيل انها دي لمياء ولا مروان
مؤمن اصلو ما كان مصــدق : سحر والـدموع اختصـــرت كل الكلام
رفع راسه وقال لمياء كويس انك جيتي
لمياء : لازم اجــــي ما انت اخـــوي
مؤمن ما سآل سحر عن سبب غيبتها
لانو واثق انو في الوقت الراهن ما حيلقي اجابه
وَبّقًوَ يتكلمـــــو عادي عن حاجات كتيـــر
ومر الوقت ســـــريع والزمن انتــــــهي
والونسه ما انتهـــت اتفارقو علي امــــل
انو يتلاقو في اقــــــرب وقت ...
يتبع....
