مروان بقي. فــــي حيـــره شديده ونفسو
يلاقي معاويه بس حيلاقيهو وين !!!? وكيف! !!
كل واحــد كان قلقان ومنتظـر فرصه عشان ينتقــم من معاويه
مؤمن : والله يا مروان الشئ ده ما طبيعي انا بقيت ما مطمئن و
ويقاطعه مروان يا زول انا بجري وراء الموضوع ده لما اعرف الحاصل شنو
وعلي العموم انا هسي بستأذن منك وعندي كم حاجة عايز اعملها كل واحد عاين للتاني وانتهت الزياره
تمـــــر الايام ⏳⌛
تمـــر الايام. وكانت الامور ماشه بروتينها العادي قاعد مروان ولمياء وسحر في الصالة وفجاة سحر قعدت تكور الحقوني لمياء هنا طوالي جرت عليها وقالت لمروان سريع اضرب علي مهاد لانو موعد ولادتها جاء وفعلا اتصل مروان علي مهاد وجات بسرعة ونقلوها للمستشفي. لمياء ومــــروان ومهاد
كانو منتظــــرين بره والقلق واضح في عيونهم.
مروان : لمياء ليه انتي اهملتي موعد ولادتها هسي
لمياء : أي والله انا غلطانه بس الله ستر والحمد لله لحقنا حصلنا سريع المستشفي
كل واحد فيهم رجع لنفسه بالتفكير والقلق وفجأة طلعت الدكتوره وادتهم البشـــاره مبروك جاتكم بت زي القـــمر
مهاد : الحمدلله علي سلامتها
مروان : حمدلله يااخ اخيرا الزول ينوم مــرتاح
مهاد : البنوته حتسموها منو
مروان ولمياء بصوت واحد حنسميها ريحانه
مهاد : ريحانه اسم حلو
لمياء : من زمان نفسي اسمي الاسم ده
مروان : وانا كمان بحب الاسم ده
سحــر ما كانت فرحانه وشايله هــــم لمستقبل البت الجات علي الدنيا دي من غير ذنــــب
ومن غير ميعاد**
وبالصـــدفه شيكو كان في المستشفي جاء يزور ليهو مريض وشاف " مهاد ولمياء وكمان مـــروان. " ديل الجابهم هنا شنو واخت لمياء لشنو ما جات معاها عشان القطيع يكمل
شيكو الفضول كاتلو ومـــا قادر يسأل فاكتفي بانو مراقبهم من بعيد واطقس لحدي
ما عـــرف انو سحــــر ولدت بنت
طبعا شيكو بعد ما عرف انو سحر ولدت بقي مراقبهم وخاتي عينو عليهم وعاوز يعرف مهاد ومروان. لشنو واقفين معاهم
سبحان الله انا يوم داك قلت لي لمياء ولادة اختك وانا قصدي استفزها والموضوع طلع جد والله انا محظوظ
بعد مراقبة دامت ايام عرف الشقة العايشه فيها لمياء وبقي منتظر فرصة يلاقيها براها
لمياء مشت اتكلمت مــــع مهــــاد في موضوع شيكو
مهاد برضها خافــــت علي علاقتها مع خطيبا لــــو شيكو مشي كلمو شنو الحيحصـــل عليها وبقت عايشه في حاله قلق دايمــــا
بس مــــروان طمنها وقاليهـــا ما
حيعمـــل ليكم حـــاجه ولو عمل شي انا حاتصرف معــــاهو
في مــــره لمياء مرقت تجيب حاجه من البقاله الجنبهم
وكالعاده جاها شيكو بطريقتو الغريبه دي ومن غيـــــر سلام
"فاكرانـــي ما حالقاك
لمياء: عـــرفت مكاني من وين???!
شيكـــو : شوفي لو مشيتي القمـــــر انا بعــرف مكانك لاني بريدك
يتبع....
