مــــروان جاء خاشي لقي مؤمن بتكلم بالتلفون
مروان : بتتكلــــم مع منو ??
مؤمن : اسٲلي اخوك المحترم خلي يحكي ليك
مهاد كانت خايفه من اللحظه دي وخايفه من انو مؤمــــن ما يتفهم ويظلم مروان
" اهدا شويه انت ما فاهم حاجه
םـــــؤםــــن : شايفاني مجنون قدامك! !!! انتي واخوك من الصباح انت مافاهم حاجه انت ما فاهم حاجه؟
ام مـــروان. جات خاشه علي الجوطـــه
في شنو يا اولاد صوتكم واصل اخـــر الشارع
مؤمن بقي يعاين لأم مــــروان باستغــراب
ام مروان : انا قلت حاجه غلط ولا شنو!! ?
مﯢمن : انتي بتعملي شنو هـــنا مالك ملاحقاني يعني انا لازم اشوف وشك ما كفايه الحصل بسببك
انا بكرهك يا مروان بكرهك وطلع وهو غضبان
مهاد بقت جاريه وراهو : مؤمن انتظر ثواني ما تكون كده
مؤمن مشي ولا اشتغل بيها لحدي ما اختفي صوتها
مروان : امــــي مؤمن بعرفك من وين?
وعلاقتك بيهو شنو? ويقصــد شنو بانك بتلاحقيهو
ام مروان : امشي اسٲل صحبك اتمادي علي بالكلام وولدي طويل وعريض ما دافع عني
رحمـــه دخلت المواضيع في بعض وبقت جايطه عشان مروان ما يحقق معاها وذاقت منو وعملت زعلانه
مهاد جات راجعه نفسا قايم من الجري
مروان : ما لحقتيهو مش كده
مهاد : ماقدرت الحقو اتصل علي لمياء خلي تعمل حسابها
مروان : اوووف مشكله مؤمن شال معاهو تلفوني
مهاد ' : اكيد شالو عشان يصل لاختو
ماكنت متمنيه انو يعرف بالطريقه دي
بّسِ يمكن لخير
مروان : انَ شاء الله يكون خيـــــر يا مهاد
مـــروان اتصل علي لمياء وكلمها بالحاصل
عشان تتصرف وتقــدر تتعامل مع الموضوع
وفعليا بعــــد كم ساعه مؤمن اتصل علي لمياء وقاليها وصفي لي المكان القاعده فيهو بس هي قررت تلاقيهو بره البيت وخلت مهاد تجي تهتم بريحانه
لميا۽ كانت خايفه شـــديد من اخوها والممكن يعملو. بعـــد يلاقيها
****
لاقت اخوها باحاسيس غــــريبه ومضطربه كآنو. ما اخوها الكانت بتتلهف عليهو زمان وخايفه من انو مؤمن يتصرف تصرف ما محسوب
مؤمن : لمياء الغيرك كده شنو??
لقاء في بدايتو كلو لوم وعتاب وتجريح
ولمياء ملتزمه الصمت ومؤمن مواصـــل
يتكلم ويلوم ويعاتب ولــــسه. لمياء ما صدمتو بموضوع ريحانه
لمياء : مؤمن من حقك تــــزعل وتعمل كل حاجه انت عاوزها بس افهمني اول حاجه
مؤمن حاول يسكت عشان يتفهم وما كان عندو نيـــــه يمشي يخلي اختو
*******
وَفَجْأه تتصــــل دلال في جوال مروان الكان عند مؤمن.............
يتبع....
