مهاد شاكلت لمياء يا بت مافي داعي تتعاملي معـــاهو كده صراحه بقيتي مستفزه شديده
كدي خليني الحقو بعدين بتصـــل عليك يلا باي ✾
مهاد : معليش لمياء ما بتقصد
مروان : ولا تقصـــد !!!!! البت دي اتغيرت شديد
نفسي اعرف الغيرها شنـــو! !
مهاد : احتمال انت الاتغيرت بانشغالك الدايم
*****
مروان. كان حاسي دايما بالمسؤوليه تجاه لمياء "اسمعي انا حاراقبها واجبي اني اعرف. عنها كل شي
مهاد : بالغت كمان ما للدرجه دي الا اذا كنت بتحبها ساي ياخوي
مروان : الموضوع ده ما عندو علاقه بالحب صدقيني حاجه اكبر ولمياء غلاوتها عندي من غلاوتك وانا حأفرغ نفسي ليها عشان اشوف الحاصــــــل شنو
مهاد ما كانت قادره تفـــــهم راس مروان فيهو شنو ولا حتي طــــــريقه تفكيرو
عشان كده خلتو براحتو
❀❀❀❀
مــــروان فعلا بدأ يراقب مهاد بتمشي وين ومحل شغلها وبتلاقي منو.
فـــلقي الوضع طبيعي لدرجه انو حسي انو ظلما قرر يعتذر ليها لحدي ماشافها مع شيكو
بالصـــــدفه ضحك وونسه وشكلها ما كانت متضايقه مٌرَوَانَ احتار فيها اللمه الشامـــي علي المغـــــربي شنو! !!!
نزل من عربيتو وجراها من يدها وهــو متعصب منها " الموقفك مع الكلب ده شنو مش ياهو نفس الزول الحاول يأزيك قبل كــــــده وياهو نفس الزول المشي اتكلم في اخلاقك والكان حيفتن بينك وبين اخوك انتي مجنونه ؟؟؟ الموقفك معاهو شنو.اتكلمي شيكو حاول يتدخل بس انسحب بهدؤ لانو ماعاوز يعلق مع مـــــروان
بس مروان ولا اتفاهــــم معاهو خلا لمياء تركب العربيه بالقوه وبقي سايق. بســـرعه تخوف
لمياء : مروان اقيف هنا انت ماش بسرعه كده وين. ما تتهور ياخ حـــــرام عليك نفسك وبعدين ريحانه ما جبناها من الحضانه
مروان وقف العربيه واصلو ما اتكلم
" خليها بتجيبا مهاد
لمياء : مالك بتتعامل معي بالطـــريقه دي هسي الناس يقولو شنو و بعدين دي حياتي وانا حـــــره فيها
مروان : اي حياتك بس ما حــــره فيها
وبعدين انتي اذا ما معتبراني حاجه مع نفسك
بس انا وغصب عنـــك معتبر نفسي في مكانه مؤمن بعد يطلع بالسلامه بعداك اعملي العاوزاهو
بعداك ساقها البيت وقاليها شيكو تقطعي علاقتك معاهو والشغل تخليهو انا بشوف ليك محل قريب للبيت
برغم من انو لمياء عامله فيها متضايقه من مروان بس من جواها كـــانت اسعد زوله
واحساس انو في زول مسؤول عنها وبهتم بيها وخايف عليها ده عندها بالدنيــــا
❀❀❀❀
لمياء : انا مرعوبه وفي نفس الوقت مبسوطه
مروان : من شنو?! !
مؤمن خلاص باقي ليهـــــو اسبوع بس وحيطلع ما عارفه حاقول ليهو الحقيقه كيف
شوف الايام دي مشت بسرعه كيف عليك
الله
مـــروان : مصيرو يعـــرف ويفهم ويسامح كمان ما تشيلي هــــــم
لمياء : بتمني يا مروان يتفهـــــم
بعد نقاشات بين مــــروان ولمياء
لمياء قررت انها ما حتستقبل اخوها لمن يطلع من السجن لانها ما بتقدر تكلمو بالحقيقه
مــــروان قاليها خلاص يازوله انا بستقبلو عندي في بيتنا لحدي ما نمهـــد ليهو ويعرف الحقيقـــــه مافي داعي نصدمو كـده طوالي
لمياء وافقت رغــــم انهــا مشتاقه ليهو شــــديد بس مافي حل غير كده
الصــــدمة *****💔😢
❀❀
الايام ماشه متسارعه يوم بعد يوم والاسبوع خلاص انتهـــــي والليله مؤمن حيطلع من السجن.
مؤمـــــن طلع من السجن وكانو مولود جــديد كل البتمناهو يعيش مبسوط
وقلبو من كترت الظــــلم الشافو بقي ما عندو استعداد لآي صـــدمه تانيه
مروان هو الكان في انتظـــــار مؤمن
واستقبلو بحفاوه شــــديده في بيتو
مروان : حمدلله علي سلامتك يا مؤمن
مؤمن : الله يسلمك تعــــرف يا مروان انـــا نفسي انوم اشبع نوم فتران مرهق ما قادر استمر وكانو تعب قـــرون
مروان : نوم قدر ما انت عاوز والبيت بيتك
مروان لما استضاف مؤمن عندو ماف زول عارف انو ده صاحبو اللفي السجن وماف زول عارف انــــو ده اخو لمياء الا مهاد
ومافي زول سأل عنو كتير لانهم ناس كريمين وعادي اصحاب مروان وممدوح وقرايبهم بجوهم
لمياء تتصل .... ➪➪➪➪
الو مروان اها مؤمــــن كيف عامل
ويجيها الصوت➮➪➪ : انا ما مروان يا لمياء يا اختي ويا القلبك علي انا مؤمـــــن
يتبع....
