قسيم ريدي

2

قلت ليهو لا عليك الله اخفيهو ..

طبعا عاين لي بتعجب ، انا انسانه جادة شديد و شخصيتي حادة و لئيمة خصوصاً مع الرجال ، قال لي دوامك حيبدا يوم السبت و الجدول بتاع الرحلات استلميهو من الرسبشن و خليهم ياخدو مقاسك عشان الينوفورم و ياريت لو تنزلي كيلو ، قالها لي بحقارة

قلت ليهو تمام ، قمت طلعتا ومشيت نفذتا القالو لي ، اتصلت لي اسماء ..

انتي وين ؟

*ماشه علي البيت

ايوة وين يعني ؟

*في الزعيم جمب الساحه

خليكي مكانك جايه عليكي

*عليك الله يا اسماء لو حتتأخري انا بمشي ما قادرة اقيف ..... قفلت الخط 😒

بعدها بعشرة دقايق

ضربت لي بوري ، اسماء سايقه عربيه عاديه بتوصلنا بيها كانت الجامعه والمشاوير بدل نتعب ابوي .. المهم ركبت معاها و لاحظت ليها متنشنه و ما علي بعضها ، سلمت علي و تاني ما اتكلمت معاي ،

قالت لي معليش كنا حنرجع علي البيت طوالي بس جاني تلفون حنمشي مشوار قبل البيت ، لا عادي انا ما عندي حاجه بس كنته عايزة اصلي الظهر و العصر قررب

قالت لي لمن نمشي صليهم اعفي لي ، قلت ليها لا عادي ، بعدها بعششر دقايق وصلنا كافتريا مفتوحه زي حقت دريم ، قالت لي انزلي معاي لو حابة ، قلت ليها لا اخدي راحتك انا بنتظرك هنا ، فعلا قعدت و نظري عليها لمن وصلت طاوله فيها شاب كدا تلتينات ، اسماء اختي زي ما وريتكم عمرها 28 و قريب ل29 سنة و للان ما مخطوبه و الحمدلله كلنا احلا من بعض وحتعرفو دا لقدام ، بس ما عارفه مشكلتا شنو هل دا نصيب و لا عندها سبب بس للحظة حسيت ان الضيقه دي بسبب الزول دا و عمرنا ما سمعنا بيها بتحب ولا مرتبطه .. شايفاهم بيتناقشو و اسماء بتمسح دموعا ، هنا انا غلبني القعاد ، طوالي نزلت و مشيت عليهم ..

قلت ليهم سلام عليكم ..

قام وقف علي حيلو و رد السلام وصافحني

اسماء قالت لي معليش اتاخرتا عليكي اسي كنت جايه .. طوالي جريت كرسي و قلت ليهو اتفضل اقعد و اسماء بتعاين فيني بغرابه ،، شوفي يا اسماء انا اصغر وحدة فيكم حمدلله كبرت و نضجتا و ما تنظري لي نظرة زهرة الصغيرة الربيتيها و كبرتيها خلينا نتفاهم كناس واعين وكبار .. قالت لي زهرة انا ما حصل عاملتك غير كدااا ، طيب يا اسماء لو تسمحي لي حابه اتكلم مع الاستاذ اذا صعب عليكي تشرحي لي سبب دموعك دي ، عايزة ترد علي قاطعا ...

قال لي اول حاجه سعيد اني اخيراً شفتك يا زهراء سمعت عنك كتير من اسماء طبعا و اتمنيت لو كنت قابلتك في فرصه احسن من دي ، قلت ليهو عفواً واسي مالو ؟

قالي انا اسمي هشام كنت خريج لمن اسماء جات الجامعه اتعرفت عليها في تاني سمستر و مع الوقت بقت بينا في علاقه ، و كنت مستعد اقابل والدك من اول لحظة بس اسماء قالت بعد تتخرج ، و اتخرجت و فاتحتها في الموضوع و بقت تأجل سنة في سنة لحد وقتنا دااا ، و انا من حقي بعد دا اتزوج انا ما صغير و امي كمان عايزة تفرح بي و الليله جيت قابلتها كآخر فرصة .. قاطعتو قلت ليهو فهمتك و عاينت لاسماء ...

قلت ليهو بغض النظر عن سبب رفض اسماء يعني مهما كان المرحله الوصلت ليها ما بينفع تقوليها اخر فرصه و .......

طوالي اسماء قامت وقفت و قالت ليه كل حاجه قسمة ونصيب يا هشام و جرتني من يدي .. ماشه معاها و قلبي بالجد محطم رغم اني ما عشت علاقه حب قبل كدا الا ان حسيت بي وجعتهم الاتنين وليه اسماء بتعمل كدا .. انحنا لحد ما اتحركنا بالعربيه الزول دا من مكانه ما اتحرك والله لو ما راجل اظن كان بكا و صرخ ...

و صلنا البيت وجدان استلمتنا من الباب انتو وين ياخ ابوي جا من قبيل و عارفنو ما بياكل الا كلنا نتجمع ، قلت ليها لبعدين اسي ابوي وينو ؟ في الصالون ..

مشينا عليهو بوسنا راسو وسلمنا ، طبعا انا بنص عقل و للاسف اسماء عاملة فيها بتضحك و تهظر و متماسكة ، و عادي جداً

خلصنا الغداء

و بقيت واقفه مع اشواق و سماح في المطبخ والكلام في طرف لساني و ما عارفه اتصرف كيف او اذا لي حق اتدخل في موضوع خاص بالنسبه لاسماء ، لو ما خاص ما كان دست علينا بس الشي المحيرني سبب رفضها شنو خصوصا ان هشام شكلو محترم جداً ،،

سماح : زيزو كنتي وين انتي الليله من الصباح ، قلت ليها في مشوار ، اشواق قالت لي ايواا مشوارك دا وين يعني ؟

خليكم من مشواري ارح نصلي المغرب قرب يأذن ، سماح قالت لي بتعرفي تقفلي المواضيع كويس لكن ما بخليكي الليله ، و طلعنا ، مشيت غرفتي ، المعاي ف الغرفه التومات و سرايرنا دورين انحنا حابنهم كداا و الباقيات كل اتنين في غرفه ما عدا اسماء عشان الكبيرة بي غرفتا براهاا ، خشيت الغرفه لقيت اسماء قاعده ف المكتب لمن اتخلعتا ، قالت لي صليتي ؟

قلت ليها ياداب داخله اغير و استحمي واصلي ، مافي زمن صلي و بعداك استحمي ، قلت ليها حاضر بس برضو حسيت ان دا ما الموضوع الجابا ، سكتنا الاتنين

واتكلمنا في وقت واحد ، قلت ليها سبب رفضك شنو يا اسماء ، وهي ف نفس اللحظة قالت لي الحصل الليله دا يا ريت البنات ما يعرفو ، قلت ليها علي حسب ردك علي سؤالي ، قالت زهراااء لاحظي الكبير منو فينا و من متين بتجادليني دي حياتي ولا حياتك ؟ والله ف البيت دا انحنا كلنا حياتنا واحدة يا اسماء و انتي ما صغيرة و كلنا حابين نفرح بيكي ، انا ما حتزوج و اخليكم وراي فهمتي مهما كبرتو حتفضلو في عيوني لسه صغار و انا مسؤله عنكم ، لحد ما كل وحدة فيكم تبقي بي راجلاا بعداك انا بشوف نفسي و برضو حفضل مسؤله عنك انتي بالذات و اخواتك ، فهمتي و الموضوع دا انتهي ... سكتا غلبني ارد كل العملتو قعدت في اقرب سرير لي ...

استككانة🍟~