قسيم ريدي

10

طلعنا انا و اسماء و فاتحه اغاني و مبتسمة غير العاده ، صراحه انا مبسوطه اني شايفاها كداا بعد الموقف الحصل داااك و .... *اتذركتا* يوم كنته طالعه من مكان الشغل في راجل كان داخل و انا شبهتا عليهو اتزكرتووو !!
عصرتا مخي عصرة السمسم لمن يتعمل زيت و اخيرااً قدرت اجمع ان الزول دا كان هشتم حبيب اسماء اختي بس ي ربي كان بعمل في شنو هناك ! و زي الكانت معاهو مرة بتتكلم ف التلفون وراهو ، هووي يا زهرة اعوز بالله ما اظلموو ياخ انا ما شفتهم جمب بعض اوووف الشيطان دا بستغل تفكير الزول و بدخل زي الارضه في الخشب ، يا ربي بكون مسافر ؟
ياخ انا مالي و مالو علاقتو كانت بأسماء وانتهت ،، اسماء قالت لي سرحانه ووووين ، ووب يا اسماء سرحانه والله ياخ معقول يقبلوني بي عمري داا ، ديل الالتزام زاتو ما زي مواعيدنا ديك ياخ و ياااااارب تكرمني بي ناس و زمالة كويسين يا رب ما عايزة تجن تاني و جنيتي تمرق ، طوالي فرملت
قالت لي صحي الحصل شنوووو عملتي شنو انتي عشان طردوكي ، قلت ليها اسماء ما انا البنطرد ، كرامتي رايه بيضاء و بعدين هما الغغطو فيني ، قالت لي هم منو ؟ يا اسماء فكيني منهم موضوع حصل و انتهي ! هو شنو يا زهرة فكيني و بتاع و اسلوبك دا باقي غريب كداا ما ياكي زهرة في شنو انتي ؟
شوفي يا اسماء .. كمان بتقولي لي شوفي يا اسماء حليل زمن الاحترام ، قلت ليها يا اسماء مالك انتي بتدققي كدا علي كلامي انا ما بقصد اقلل من احترامك اعفي لي ، قالت لي تمي كلامك ، في وحدة من البنات في غرفه الغيار من جيت داخله بعلينو ويقطعو فيني و مشيت الموقف بس لمن سمعوني بتونس مع رغده وسلاف و بنتعارف وان اسمي زهرة وحدة فيهم اتطاولت علي امي و جابت سيرتا بأسلوب ما حلو و انا زعلتاا و حصل الحصل ،
و نفس الشي مدام وفاق غلطت نفس الغلط بس مسكت نفسي منهاا ..
قالت لي ي زهرة انتي كبيرة الكلام دا حيلصق في امي و لا حيضرها بشي بالعكس اجر ليها ، قلت ليها لا الا امي ما بستحمل فيهاا ، كدا سوقي خلينا نوصل الزمن اتاخرت ، اتحركنا و وصلنا ، نزلنا و حاسه بأنشراح كدا و تفاؤل ما عادي ، دخلت السكرتاريه اديتا بياناتي و قالت لي انتظري هناا .. مشيت قعدت جمب اسماء قلت ليها ادعي لي متوتره ، قالت لي اقري العلمتك ليهو وربنا بيسهلا عليكي م تتوتري دا اول السكة تجاه حلمك و من هنا القرار في يدك تككملي و لا تقيفي ، صراحه ادتني قوة ودافع عايزة اقوم اشيل الشركة دي كلها واقوم جاريه هههه علي حلمي ، ساعه الا ربع حتي دخلتا ، و قعدتاا
كان راجلين و مرة واحدة ، بس ابتدو يسألوني و ملفي قدامهم ، و ان عمري صغير وكداا ، و بعد ساعه الا ربع خلصتا و طلعتا حيردو لي في الايميل حقي وان اخلي ملفي عندهم ، و علي كدااا طلعناا ، مبسوطه شديد ، قلت لاسماء الليله انا بطلع مع صحباتي ،
طوالي كشرت لي ، قالت لي شوفي خليهم يجو البيت انا بظبط ليكم كيك وحلو ولو عايزة جاهز بنجيب بس خليهم يجو البيت انبسطو هناا بصراحه انا م ارتحت للبنات ديل يا زهرة ، يا اسماء يعني الفايده سنو الواحد لازم يطلع يشم هوااا و بعدين بنات محترمات شديد والله لو حابه تجي معاي تعالي ، بس هما حياخدوني و يرجعوني ،
قالت لي لا انا واثقه فيكي بس تنتبهي علي روحك ، قلت ليها سمح ، و صلنا البيت لقيت عمي و زوجتو ورماح سلمت عليهم و قعدت من ضمن الايام اتونستا معاهم ،
ابوي فجاه قال لي يا زهرة رايك شنو في رماح ؟ استغربتا في السوال ، قلت ليهو راي من اي ناحيه ؟ قالي لو زوج ليكي !! انا هنا لمن جسمي بدا يرجف اتوترتا ،، بقيت بتمتم ققلت ليهو ابوي انا والله ما بفكر زي م عارف ولسه مشواري طوويل و بعدين انا مناظرة اخواتي القدامي ديل يعرسن وكداا ، ( اتحججتا قدرتي عشان اتملص من الموضوع)
رماح قالي ، اصلا انحنا لسه صغارر عشان كدا ممكن نتخطب حالياا لمن نحس برغبه الزواج انا بس كنت داير احجزك من عمي هه ماشاءالله ما بخلوكي شويه كدا و القي العرسان ديل واقفين ليكي صف ، ياخ للحظة رفعت عيوني في رماح دا شفت لمعه كداا في عيونه ما عاديه ، ياخ عارفين الثغر الباسم فيهو كل معالم الرجوله ، فجاه بقيت بعاين ليهو بنظرة ما قادرة استوعبه حسيت بي رعشه كدا غريبة ، قلت ليهم نأجلا
و م تخاف انا قاعده لسه سكتي سكة قطر و قمت مشيت ، بقيت بفكرر في عمار واجع قلبي شديد ( بقلم /سحر سمير)
قمتا استحميت و غيرتا كانت الساعه زي تلاته ، اتصلو علي البنات و اتفقنا علي الطلعه و بقيت بفكر في اللبس فجأه اشتهيت البس بنطلون .. اااخ دي صعبه
اممم انا ممكن اللبسو تحت العبايه ، اي ياخ والله فكرة ، واللبس معاهو اممممم بس لقيتو .. اماني ، قالت لي العصر تعالي صلي معانا كان متوضية ، قلت ليها اسبقوني لسه حتوضأ ، بصلي وراكم ، قالت لي العصر ما بيتأخر سيبي الفي يدك و امشي اتوضي بننتظرك ، من غير احس عليت عليها صوتي ، قلت ليها شافعه انا تراقبيني ف صلاتي من متين بلعب انا كبرتا يا اماني ، قالت لي فالحه علي صوتك لسه ما عرفتك والله يا زهرة ، قلت ليها اسفه بعتذر م بقصد ، وانا ما خاته نيه اني فعلا حأصلي ، و ربنا يسامحني ، خليتهم صلو و انا قاعده مكاني جاتني رساله من عمار رفع الحظر ، رسل لي :
ماشه كوويس يا زهرة حتي ما فقدتيني !
استغربت فيهو ، رديت ليهو ....
استكانة
يتبع