بكل طيب خاطر مني قلت ليهم لالا ما بتخلو عشاني والله ، تعالي يا رغده اعملي لي
عملت لي روج و كحل و شي ما عارفه معجون كداا حاجات كميه ، قلت ليها للدرجه دي انا وشي تعبان وواي الله يستر اخواتي ما يلاحظو لي ،
قالو لي لالا بكون وشك طبيعي لمن وقت ترجعي م تبقي جبانه ياخ ، خلصت لي وجينا طالعين ، رغده قالت لينا لحظة ، جرت علي غرفة ، جابت بلوزة كداا قالت لي اللبسيها ،
قلت ليها ليه ؟ قالت لي العبايه شينه ارجعي بيها البنات اللبسيها في الامجاد لكن اسي اللبس البلوزة دي مع بنطلونك حتبقي رووعه ، قلت ليها مستحيل انتي جنيتي ، قالت لي خليكي كدددااا معولقه ،
سلاف قالت لي دايرة الصراحه العباية حقت حوامل م حلوة ، قلت ليها خلاص جيبي ، لبست القميص و عملو لي الطرحه لورا والخصل براا و خميت عبايتي في الشنطة ،
و طلعناا ، واقفين مسافه براا ف الشارع و سلاف دي تضرب التلفونات ، لمن جاتنا عربيه BMW مظلله سودا تقول يا ليل ، وقفت لينا و انا بتلفت زي الهبله و ديل ركبوو العربيه عادي ، وجروني ركبوني ، واشتغلو الونسه و الضحك ، سلاف قدام طبعا و رغده جمبي وراا ، بعد شويه العربيه وقفت و ركب واحد جمب رغدة يعني جمبنا وانا بس مخلوعه و بعاين و احضان عادي جداا و بضحكوو ، السايق قاليهم الملاك دا اول مرة اشوفو احي انا لكن ماااا .. سلاف قالت ليهو هههه بتحلم الملاك دا ما زي ما فاكر ، قاليهاا بدفع فيهو دم قلبي ، وانا كل دا الكلام ما واقع لي واصلني غريب غريب كدااا ،
بس خوفه مسكتني حسيت بخنقه دايرة انزل من العربيه دي بأي طريقه ،
قلت لي رغده اسماء بتتصل علي انا نزلوني ، قالت لي اسماء شنو ياخ انتي اصلك ما حتخلي جبنك دااا ، رد لي الجمبها ما حناكلك مع انك احيي انا ، ..
( في جانب تاني )
_يا نعمة ...
*ايوة معمر ادخل تعال كنت براجع مع رفأ ..
_ ياخ انتي ناس امي ديل ما كلموك بجو متين ؟
* والله حسب كلامها ف طيارت الاربع بيوصلو ربنا يرفع قدمهم
_ امييين يا رب ...
*احكي احكي حاسي عندك حاجه عايز تقولا
_ صراحه ايوة
اممم صراحه ما عارف ابدأ من وين
*اتكلم عديل انا سامعاك
_رفوية انزلي جيبي لي مويه وتعالي ، شوفي ي نعمة اكون معاك واضح ، تتذكري صحبتك الجاتك هنا ديك و معاها اختها ؟
* وجدان !!
_ما بعرف اسمها منوو
* اي صحبتي وجدان و اختها زهرةة
أنت تقرأ
قسيم ريدي
Romanceقصة حقيقيه ، قصة انسانه شافت الويل و الله اعلم ظالمة ولا مظلومة بقلم سحر سمير يوميا الساعة ٢ مساء
