قسيم ريدي

11

رديت ليهو : هههه سبحان الله
قالي البضحك شنو ؟ قلت ليهو انت والله بتضحكني ،،
انا الليل كله بتصل عليك انتظار حتي م كلفت نفسك ترجع لي ، وحظرتني من غير م تعرف ظروفي شنوو ، قالي اسف كنت زهجان جونا ضيوف و عاملت زول منه بطريقه كعبه ربنا يسامحني ، قلت ليهو خير بس اعتذر من الزول داا و تاني م تتسرع لاني ما بحب كداا ، قالي اسف ، اهاااااا منتظر
قلت ليهو منتظر شنو ؟ قالي الصورة ، قلت ليهو ما حأرسل ، قالي طيب ما حسألك تاني بس انا كذبت عليكي في حاجه تسامحيني ؟
قلت ليهو في شنوو ؟
قالي انا جيت السودان وحاليا في الخرطوم لي تلاته يوم وكنت عاملا ليكي مفاجاه ، طبعا بين فرحه و خلعه ، قلت ليهو بالعكس انا مبسوطه منك اخيرا حشوفك ، قالي انتي لو طلبتي صورتي اسي كان رسلتها ليكي ، قلت ليهو لا زي ما وريتك عايزة اشوفك لايف ياخخ ، قال لي سمح يا لايف انتي ،
قلت ليهو انا حستأذن منك طالعه مع صحباتي برجع ليك ، قالي طيب انتبهي علي نفسك ، طلعت من الفيس و بقيت بعاين في الصور الاتصورتهم و قلت ارسلا لي عمار مفاجاه في الواتساب اترددتا كتير ، تاني قلتا ارسلاا لي رغده اخد رايها ف الصورة يمكن شينه ، دخلت علي الصورة و بدل ارسلا لي رغده اترسلت لي حسام بالغلط و ما لحقتا احذفاا ، بس ضربت ليهو تلفون رد لي مخلوع ، قلت ليهو حسام انا اسفه رسلت صورة بالغلط بالواتساب عليك الله احذفا ما بقصد ، قال لي رووووقي ي بت بحذفا ما تخافي حمدلله جاتني انا ما مشت لزول غريب ، قلت ليهو حمدلله ،،
قمتا لبستاا و قفلتا العبايه ، و اتصلت عليهم بعد طلعت من البيت قالو لي تعالي انتي انحنا في بيت رغد ، و انا قلت لاسماء حيجوني في شارع الظلط ،
اتوكلت و ركبت امجاد و مشيت حسب العنوان الوصفوهو لي ، بيت عادي بس هادي و ظريف ، فتحت لي سلاف ، قالت لي اقفلي سرعه ، قلت ليها وانتي الملبسك كدا شنوو قالت لي ياخ حتي في البيت انتي معقده خشي خشي ، دخلتاا لقيت رغده نفس الشي لبس لا يوصف ، ( رداا و حمالات و لبس عجيب انا خجلت ليهم )
قاعدات قلت ليهم وينو لبسكم مكرهني تلفونات ، قالو لي جاهزين كنا منتظرنك ، رغده قالت لي سلاف ياخ ما تجيبي لينا الموضوع داك قبل نطلع نزبط الراس دا ، طبعا انا ما فاهمه حاجه ،
سكتاا ، ورسلت لعمار انا وصلتاا ..
شويه والقا سلاف داخله بالشيشه ، عاينت ليهم بخلعه ، دي شنو دي سجمي ، رغده قالت لي زهره انتي الحتشربي ولا انحنا ياخ مالك ياخ معقده ورجعيه اذا ما كنتي متعلمة و مثقفه طلي علي الدنيا الناس اتغيرت استمتعي انبسطي عيشي عمرك ما تضخمي المواضيع ، اقنعتني سكتاا ،، قعدو يتونسو و يشربو وانا الريحه خلاص دخلت راسي ، قالو لي اهاا حتفضلي ملفلفه كدااا ، انحنا بنات مع بعض علي فكرة ، طوالي قمتا طلعت العبايه ولابسه بنطلون جينز ضيق و معاهو تشيرت نص كم ، من طلعتا الاتنين فاتحين خشمهم ، سلاف قالت لي وووبعلي عيني باردة لكن الجسم والهناي يخلو ليك ، رغده قالت ليها وحات الله اتعقدتا من السكاكات العندي ديل ، قلت ليهم اذكرو الله ،،
سلاف قالت لي تعالي جربي ، قلت ليهااا برررري منو دي ، رغده قالت ليها دي جبانه ساي خليها بتاعت اللبن دي ، و فكو الضحكة و انا كمان ما كضبتا قمت و قعدت في نصهم قلت ليهم زحو لي ، قعدت و خطفت منها الشيشه و جربتا و الاتنين منططات عيونهم ، قلت ليهم انا ما جبانه بس الموضوع عقلاني مافي سبب يخليني اعمل كداا ... فجاه سكت و جربتها تاني ، مرة ورا مرة ما قدرتا حسيت بحاجه عجيبه ، قلت ليخو ما نطلع خلونا هنا ياخ نشرب البتاعه دي ، و بقينا نضحك ، قالو لي استلمتيها ، ايوة كدااا عيشي
وانبسسسطي ، قلت ليهم معاكم حق والله ، بس يلا اللبسو عشان نرجع بدري انا حدي تسعه برا البيت ، قامووو و انا استلمت الشغله دي ، لمن دختا ..
( حوار بين سلاف و رغده في الغرفه )
سلاف : هاهاها زهره طلع راسا خفيف
رغده : اي والله هههه م اتخيلتها ممكن تشرب
سلاف : لكن عسل والله حبيتت
رغده : تتحبا هي لكن رايك شنوو لو ...
سلاف : ووواااي يا رغودة اوع يكون الفي بالي لالالا مستحيل زهره صعبه السكة دي ما سكتااا
رغده : يا زوله يعني قبل كدا كانت سكتناا نجرهاا مرة و اتنين و التالته بتجي براااها يختي و بكرة تشوفي ، تقولي رغده قالت
سلاف : و مالو ترافقنا و نبقي علي نور قداما زاتووو ( بقلم /سحر سمير )
رغدة : دييييل اتفقناا و اتحداكي اسي حخلي زهره تعمل حاجه ما حتصدقي ، وحدة وحدة بتجي سكتناا
سلاف : حتعملي شنو هههه خبطتين في الراس توجع الشيشه دي براها معجزة م تجازفي ساي تخبينا نخسر البت
رغده : بتحداكي بس اصبري وشوفي
ضحكوووو ، و طلعووو ..

جو علي وانا دختت رقدتا مكاني ، سلاف قالت لي ووب عليك عشان اول مرة ياخ غلطنا خليناها ليك ومشينا قومي غسلي وشك داا ، قمتا مشيت غسلتا وشي واستفرغتا كداا لكن مصحصحة ، طلعت ليهم بقو يضحكو فيني ، مشيت علي عبايتي رغدة قالت لي عباية شنو يا خاله و غمزت لي سلاف و فهمو بعض ، قلت ليها خاله خاله ،
قالت سلاف وب انا م طالعه عايني وشك دا شاحب كيف ظاهر عليكي شاربة شيشه ، اتخلعتا قلت ليها كيف يعني ،
قالت لي عايني للمرايه ، عاينتا قلت ليها عادي مالو ، رغده قالت لي ظاهر ياخ ، اقيفي اسوي ليكي مكياج خفيف ، قلت ليها لالا م دايرة ، قالت لي خلاص الليله دي نقعد بس
بكل طيب خاطر مني قلت ليهم لالا م بتقعدو عشاني ....

يتبع .......