قسيم ريدي

18

، قالت لي فعلا غلطتك

بس ما اكبر من غلط السرقه ، و الصبرر جميل،، يلا قومي ريحي عشان عندنا مشوار بعد الفطور ، قومي ما تشيلي هم

و مشت .. بردت قلبي ربنا يسعدك يا اسماء و يرزقك بي راجل الحلال ..

مشيت رقدتاا ، و راجعتا مكالمات عمار و يدي بترجف ، دخلت الماسينجر لقيتو قاعد اونلاين ، رسلت ليهو :

*السلام عليكم عمار صباح الخير

_مرحب زهره صباح النور كيفك ؟

*حمدلله بخير و انت كيف ؟

_بخير حمدلله

*لقيت منك مكالمات كتيرة ، خير !

_شنو خير ما من حقي اتصل بيكي

*العفو ، بس لي ايام بتصل عليك و مطنشني رغم انك موجود

_معليش عندي ظروف

* هه عمار ظروف شنو التمنعك ترد لي وانت موجود ،لو عندك ظروف انا اولى اعرف بيها الظروف ما بتغير قلب انسان بيحب و انحنا الله كرمنا بالعقل فما تهين عقليتي و قول الحقيقه علي الاقل الحقيقه ما حتخليني اقلل من احترامي ليك ..

_ دي الحقيقه انا ماري بي ظروف

*تمام حصدقك اذا ما وقفت معاك في ظروفك ما بستحق اكون في اوقاتك الحلوة

_فيكي الخيرر

و سكتنا مسافه و بقيت بتصفح وانا بالي مشغول و نا مقتنعه بعزرو دا لان فعلا دا العذر الاقبح من الذنب ، سبحان الله دخل علي بأتصال ،، رديت بعد تردد

_كيفك حبيبتي ؟

*قلت ليك قبل شويه بخير ّ

_ ولو قلتيها تاني حتكلفك شنو ؟

*ولا شي ( قلت بيني وبين نفسي اهزر معاهو والطف الجو) قلت ليهو بضحك ، انت في وحدة دخلت حياتك غيري ولا شنو ؟

_ قالي ايوة ( بدون تردد)

*من هبالتي قلت ليهو ما تهزر ياخ انا زاتي هزاري بايخ و بضحك

_قالي بس انا ما بهزر انا جادي عندي وحدة غيرك في حياتي و بحبكم الاتنين

* قلت ليهو مصر تهزر ، طيب احلف كداا

_ والله العظيم عندي وحدة بحبها ، و لي مدة داير اكلمك بس ما كنت قادر اواجهك و اندفعت و مفكر اتقدم ليها ..

* قلت ليهو ،، اهااا

عمار اسمعني ، من اللحظة دي لا بتعرفني لا بعرفك و انا حخظرك من كل حته و بتمني م تحاول توصل لي لانو بطني طمت منك وقرفت منك .. عن اذنك و قفلت في وشو وحظرتووو ،

و اخدت لي بكيه لمن روحي دايرة تطق ، فجاه كل حاجه كعبه بتجي ورا بعض ما عارفه الغلط وين ، استغفر الله يا رب استغفر الله .. قاعده ابكي لمن الساعه عشرة جات اخواتي صحو وجهزو الفطور ، وانا راقدة زي الماخدة علقه ، جسمي ما شايلني ،حاولتا قمتا عشان ما اتعرض لأسئله واستجواب من اخواتي ، مشيت عاينت في المرايه لقيت وشي شاحب وعيوني محمرة ، رأفت علي حالي ان شنو الانا عملتو ادفع ضريبته بالقسوة دي ، اول حب لي واول راحل افتح ليهو قلبي يطعني الطعنه دي ..

مشيت المغسله غسلت وشي و راهنت نفسي ان بعد اللحظة دي انا ابقي قويه ما عاش اليكسرك يا زهرة ، بس مشيت قعدت مع اخواتي و فطرنا ، و رماح جاي من صباح ربنا حصلنا قال جايب عيش سخن و هو اصلاا من تحت تحت بعاين فيني يا حليلك يا رماح متمسك بي امل و سراب بي انسانه ما بتستاهلك والله ، اسماء قالت لي خلصي بسرعه ، قلت ليها طيب ، فطرتا و قمتا لبست سريع سريع ، اتصلت علي رغده

صبحتا عليهاا ، قالت لي اناي قاطعتينا عديله والله ي زهرة لكن ما لقيتك ما عندك عشرة ، قلت ليها والله ما كدا بس عندي مشاكل كميه ، للحظة حسيت اني اقعد معاهم انسي الدنيا دي ، ديل ضاربين الهم بالفرح و عايشين ومبسوطين و مخلين بكرة بيومو ، قلت ليها انا اصلا محتاجه اقعد معاكم والله يا رغده النفسيه محطمة ، قالت لي الليله كيف ؟

قلت ليها لاصعبه يومين كدا بحاول اجيكم ،

المهم طلعتا قدام اسماء لقيت رماح في وشي ، دنقرتا و مريت من جمبوو و اسماء حصلتني ، دورنا عربيتنا و مشينااا و انا كل دا و ما عارفه اسماء ناويه علي شنوو ،

في حين انا جواي في شكك ، بس وصلنا نفس مكان مدام وفاق والناس الزفت ديلاك ، دخلنا اسماء ماشه وانا وراها ، لقينا نفس الاستاذ الرخم دا ، اسماء قالت ليهو ، لو سمحت اقدر اقابل منو هنا مسؤل عن البرنامج حقكم دا ؟ قاليها كيف يعني ؟ قللت ليهو كلامي واضح ، منو اكبر راس عندكم هنا بمعني اصح ؟ الزول دا اتخلع

جات مدام وفاق ، صبحت علينا و عاينت لي من فوق لتحت كداا ، قالت لي زهرة !!

قلت ليها فالحه نظرك سليم ، قالت لي لسه ما "اتأدبتي " وفي قلة ادبك دي ، بس دايرة ارد اسماء قالت لي زهرة !!!=اسكتي

اسماء قربت منها ، قالت ليهو عفواً يعني بس لو تكرمتي و تشرحي لي تقصدي شنو ب لسه ما اتأدبتي وقلة ادبك ، يعني عامتاً دا اسلوبكم هنا كداا ؟

قالت ليها ما عندي وقت للفارغه دي ، اسماء قالت ليها الفارغه دي بدت عندك و منو العمل ليكي قيمة و قاليك انا عايزة اخد من وقتك ما براكي جيتي و اتحشرتي و اتماديتي ،،

بس مدام وفاق علت صوتاا ،

قالت ليها خربانه من كباراا يعني الائمة والفصاحه دي ما جات من براا ، قلت ليهااا اسمعي هناا انا من قبيل ساكته و عاصرة علي نفسي ليمونة يا حرامين ياخ اخجلي علي دمك مرة قدر دي ما بتختشي علي دمك بتطاولي علي وحدة قدر بناتك مستقلة ضعفي ان ما جيتكم بواسطه لا ركمان متلاعبين بالملف حقي .. اسماء هرشتني قالت لي زهرة انا مش علمتك مهما كان القدامك عديم احترام و خصوصا لو ما محترم نفسه انك تحاولي تحترميه رغم ان عارفه ان صعب في اشكال كدا السكوت عنهم صعب بس معليش حسنات ليكي .. واذ فجأتاً يقاطعنا صوت جهور ممن الخلف ....

استكككانة~☕️

يتبع .....