قسيم ريدي

9

عمرك اقل من 18 اتجاوز الروايه دي

ازح منو بقربني اكتر و يدو التانيه محركا في جسمي بصورة ما عاديه صدري بطني كل مكان يخطر علي بالكم ، لمن حيلي مات ما قادرة اقاويهو اكتر ، بس و ابتدا يزح يدو من خشمي ، و اغرب شي ما اتكلمتا زي الاخدتا بنج ، حتي تلفوني وقع من يدي وقت جراني ، بس والله رفع لي ملابسي من ورا متين ما حسيت بيهو و رجع يدو في خشمي شديد ضغط علي خشمي لمن حسيت اني في خطر رجعتا بي قوتي ابعد عنو ما قدرتا كان اقوي مني و بس سمعت صوت وجدان جاي من اتجاه الوضايه تنادي فيني يا زهرررة ، انا هنا حسيت ان فرج ربنا قريب ، دا لمن سمع الصوت ابتدا يرجع بي لي ورا و اتاكدتا انو من ناس البيت لانو حافظ معالم البيت والبيت كبير ، بس يا حليلا وجدان تنادي و نعمة تفوليها انا خليتا هنااا ، لو شافت تلفوني واقع كان خافت اكتر اتمنيت م تشوفو بس تشوفني و تنقذني من الوحش داا ، لكن دخل بي في ركن مستحيل يفكرو يجو عليهو ، لمن صوتهم اختفي واملي ضاع معاهم ،

و في لحظة تفكير اني كيف اتخلص منو و ما احس ليك الا بي الم زي الصاروخ في خلفي و كتماني للصرخه زاد علي الالم ،ععيزة اموت بقيت ما قادرة اتحرك و مشكلتو بتكلم معاي في اصاني دي الساحر اابقول كلام م مفهوم ، واغرب جملة قالها لي مستحيل ااذيكي ما بقدر يمكن اكون شيطان او شهوتي طغت علي من شفتك و شفت جسمك انا حبيت اصل هنا و ما عارف انا بسوي في شنوو ، هو فعلاا ما اذي شرفي بس عملا لكن ...🔞

و فكاني و رجع لي ملابسي ، واقفه ما قادرة اتحرك ، اتلفت عشان اشوفو قبل وشو مني ،زي الزول الحاسي بي ذنب للعملو .. مشيت خطوتين و اتلفت ورا لقيتو بعاين لي ، و هنا شفت ملامح طول ما انا حية ما بقدر انساها و للاسف شاب في منتهي الوجاهه ، حاولت مشيت رجعت الوضايه غسلت وشي و شلت تلفوني و مشيت ، لقيت اخت نعمة الصغيرة في وشي ، بتحمر لي كداا ما عيون بت شافعه نهائي ، قلت ليها وجدان ونعمه وين ؟ قالت لي طلعو الشارع بفتشو فيكي قالو يمكن تكوني طلعتي بي باب الزقاف و هما ما عارفين انك .....

اتخلعتا قلت ليها اني شنو ؟؟

بس طوالي جرت ، مشيت لبست عبايتي و طرحتي قعدتا ما قدرت اقعد قمت طوالي ، فجاه لقيت الحيوان دا جمبي ، قالي اعفي لي انا اسف سامحيني ، نهائي ما فتحت خشمي و طلعت و بقيت بتصل علي وجدان . قالت لي انتي وين ؟ قلت ليها في البوابه ، قالت لي قبلك انا جاية عليكي ، انتظرتها ف الشارع و الماشي و الجاي بيشاغل ، جات رفأ اختهم الصغيرة ، قلت ليها انتو بنتين بس ( عايزة استدرجا في الكلام ) قالت لي لا في تلاته تاني بت بتقرا في البحر الاحمر و ولدين ،قلت ليها اهااا ..

في اللحظة دي جات وجدان و من هناك رزعتني كف ، اصلو ما بكيت ولا اتاملتا اصلا بعد وجع قبيل دا ما اظن يكون في وجع اكتر منه ، قلت ليها انا بطني وجعتني واتاخرتا في الحمام و سامعاكي لمن بتنادي بس اسماء بتقول لي ما تتكلمي في الحمام ، عشان كدا سكتاا ، حضنتني عليها قالت لي اسفه مديت يدي عليكي قبل افهم واعرف ، اعفي لي قلت ليهااا عافيه ليكي حقك برضو كنتي خايفه علي ، نعمة قالت لينا حصل خير ارح ندخل نشرب الشاي ، قلت ليهم انا عايزة امشي ، قالت لينا لالا الا تدخلووو ، فجاه قالت لي رفأ انتي معمر جا البيت متين ؟

رفأ عاينت لي بحقارة كداا ، قالت ليها ما بعرف ، انحنا استأذنا منها وركبنا ركشه و مشيناا علي البيت ، سلمنا علي ابوي و دخلنا قلت ليهم نعسااانه انا ، دخلت الحمام من الالم ما قادرة ، استحميت و طلعت رقدت سريري ، نادوني للاكل ابيت اكل رقدتا بس و قبلت علي الحيطة ، اتزكرتا عمار ، خشيت لقيت منو رساله :

شكراً علي الطنااش و فرصه سعيدة و حظرني علي كداااا ... حسيت بوجعه في قلبي و بالجد علي رغم ان الايام دي كلها ايام ربنا الا ان اليوم دا استغفر الله يا رب تسامحني بس ، عملت ليهو رنه تلفونو بيديني

مقفول ، لاحطت في رساله تانيه من وظيفه كنت مرسله ليهم صور من شهاداتي ردو علي و اني اجي المعاينه بكررة بعد الظهر ،

قمت قلت اكلم اسماء طلعت لقيتهم بشربو في الشاي هي وابوي ، عايزة اقعد وخايفاهم يحسو بي المي ، وقفت و قلت ليهم انا قدمت وظيفه في شركة طيران عن طريق النت و ردو علي ان اجي معاينه بكرة رايكم شنو ؟ ابوي قالي و شغلك الفات دا خليتي ليه ؟

قلت ليهو تعاملهم ما حلو يا ابوي ، قالي وين في شغل مريح هما يتعاملو بي طريقتهم وانتي اتعاملي بأصلك ، قلت ليهو حاضر ي ابوي ، اسماء قالت لي نمشي نشوف مالو ، صراحه كنت متخوفه من ردة فعلها لكن فاجاتني ، و رجعت سريري

و رجعت لعمار تاني اداني انتظار اكتر من ساعه انتظار لمن نمته ، صحيت زي عشرة الصباح اخدت حمامي و لبستا وجهزتاا ، اتصلت بي رغدة ، قالت لي ووووينك يا حلوة ، قلت ليها والله في بالي ياخ انا مبسووطة

قالت لي بشري !

والله يا رغودة ماشه معاينه لشركة طيران قدمت فيها عن طريق النت

قالت لي دي شركة شنو تبع ياتو طيران ؟

قلت ليها الخطوط الاماراتيه

قالت لي ابشششششر بختك والله لقيتيها يا بت المحظوظة ، قلت ليها كدي ياخ يقبلوني بس ، قالت لي ربنا يوفقك حبيبتي

كان اتقبلتي الليله نحتفل و نطلع براا رايك شنوو ؟ من غير تردد قلت ليها موااافقه ، اسماء سمعتني قالت لي خطوط اماراتيه ! قلت ليها ايوة قالت لي دا احسن طيران يا زهرة بس الحجاب !

قلت ليها مالو ؟ قالت لي كيف بالحجاب

قلت ليها شفت المضيفات المحجبات يا اسماء و بحاول اتمسك بقراري اهم حاجه عندهم الينوفورم ما يتغيرر ، قالت لي نشوف اهوو يمكن نرطب من وراكي و قعدت تضحك ، قلت ليها ان شااااء الله انتي بس ادعي لي يا مامتي ، و طلعنا علي كدااا

.......

استككانة~🍟

يتبع ......