قسيم ريدي

22

مشيت ، و وحاتكم ما اتلفتا و حاسه بقوة
وقفتا ركشه ، اديتو عنوان بيتنا قالي ما بيصل هناك المسافه بعيده ، اتفقت معاهو ينزلني في اقرب موقف و منها انا بلقى كتير ..
( في جانب سلاف )
تم الارسال ✅
تم الارسال ✅
تم الارسال ✅
تم الارسال ✅
هاهاهاها كان ما عملت الفي راسي ما ابقي انا سلافه ..
سلاف : يا رغده .... رغودة .. صحبة عمري الزعلانه مني ، يا بت وووينك ....
رغده : خير ي سلاف
سلاف: معقوله تزلي من صحبتك حبيبتك
رغدة : هه كنتي صحبتي
سلافه : قصدك شنو يعني ؟
رغده : قصدي الفهمتيهو يا سلاف ياخ دا الكلب الحيوان الما عندو عقل ربنا خت فيهو رحمة و الفه و وفاء ياخ انحنا بشر ، الانتقام والحقد دا ما كل حاجه يا سلاف ، انا صحبتك ايوة لكن واجبي اوعيكي لاني خايفه عليكي الدنيا دوارة و بتلقي قدام وانا ما دايرة اشوفك في يوم مكسورة ...
سلاف: انا بس بقرص اضانا والله متألمة كلام حسام كان قاسي علي جدعو لي من غير رحمة يا سلاف انتي ما سمعتيهو لكن ..
رغدة : حاي ولو ي سلاف في النهايه زهرة ما عندها زنب هي زنبها شنو تدفع تمن حب حسام ليها ، عايزة تعاقبي ، عاقبي حسام نفسو ليه تأذي البت ..
سلاف : اوعدك خلاص حتراجع ما تزعلي مني ، فري وشك داا خلاص
رغده : ربنا يهديكي ويهدينااا
سلافه : اميييين ، كدي ما تشوفي لينا في معسل ولا كيف والله خرمانه ..
رغده : سمح .. و ' مشت ' ..

اما اناا ، قربت اصل البيت ، بعدها بعشر دقايق انا وصلتا البيت ،، و من جيت داخله ما شفت زي الناس رماح قششطني كف لمن وقعتا في الواطه ، ابوي جا مسكو و شاكلو ، قاليهو دي عمري ما مديت يدي علي وحدة من بناتي تجي انت تمدها من اسي دي الحاله قبل تعرسل ، و كان عرستها حتعمل فيها شنو ، حتقتلااا لي ،مسكني قومني و البنات جوو جارين بصوت ابوي ، رماح قاليهو انت عارف انا شنو يا عمي و كان ما عملت غلط انا ما بمد يدي عليها ، قاليهو وحتي لو عملت غلط الضرب عمرو ما بينفع ليه زول ولا بيادب و انا حي ما ليك الحق تمد يدك عليها ، طبعا اسماء ما متحملة بس عامله احترام لان ابوي واقف بيتكلم معاهو م كان ينفع تدخل ، بس قاليهو انا اسف يا عمي بستاذنك اقعد مع زهرة برانا ،، قلت ليهو كان ابوي وافق اقعد معاك فاا انا برفض ،
و الشي الاخير ، البينا خوة و انك ولد عمي عبد القادر و عمتي التاية و سلام الله ، غير كدا لابيني لا بينك ،، و درت ضهري و ماشه علي الغرفه ،، ابوي مشا الديوان
بس قالي جداا م عندك مشكله بس قبل تمشب تقدري تفهميني الصور البتوصلني دي شنو ؟ واظن دي ما اول مرة و ما ممكن تكون فبركة يعني امس ولا قبلو واحد و الليله مع اتنين تانين خالص ، قصتك شنو انتي ؟
قلت ليهو قصتي دي لو كنت داير تعرفاا كان احترمت كوني انسانه كبيرة و ممكن بالعقل يتفاهمو معاها ، و نوضوع زي دا مفترض تتكلم فيهو بيني و بينك و لمن اغلط توعيني ، لكن اسفه م عندي ليك رد لان سوالك جا في وقت غلط .. عن اذنك
مشيت غرفتي العبرة خنقتني و قناع اني قويه دا هداني و كأنه جبل فيني ، جاتني اسماء ، طلعت اخواتي برا و قفلت الباب ، قالت لي قومي ' بهرشه ' قلت ليها امشي وين ، قالت لي غير ملابسك دي و صلي و انا منتظراكي هنا ، قمت عملت القالتو لي و رجعتاا ، قالت لي احكي : اترددتا كتير و كان محرج شديد موضوع معمر اني احكي فيهو و بعده موضوع ، عمار و حكيت ليها كل حاجه ،، طبعاً العصبيه الدخلت فيها ما اظن تمرق
بس بقت تكورك و تصرخ يا وجداان ، قالت لي قومي اللبسي ليك عبايه و تصرخ ، حمدلله ابوي طلع للصلاه ،، بتصرخ بطريقه مخيفه زي الانسان الما واعي ، بس جات وجدان قالت ليها البسي اي حاجه واتحركي معاي سررعه ، قالت ليها في شنو ؟
قالت ليها سامعه انا بقول في شنوو ، واساسا دي غلطتك انتي اصلو الزول ما يعتمد عليكي م عندك اي مسؤليه غبية ، وجدان واقفه منططه عيونا .. و انا جسمي و مفاصلي دي كلها بتترعش ، اول مرة اشوف اسماء بالغضب داا ...

( في جانب سلاف في غرفتا )
*الووووووه احمد ( بدلع )
_اوووه عاش السمع صوتك
*تعيش ايامك غلاتي
_الليله شكلك مبسوطه والمزاج رايق احكي حاصل شنو ؟
* ههه تدفع كم
_ والله علي حسب لو طلع القلتو ليكي
من بكرة حسابك ف البنك تلقي فيهو المبلغ التأمري بيهوو
*هههه بس ياهو زاتو ، طلبك عندي لكن بشروط
_انا تحت امرك
*طيب الشروط بتاععت المزة خليها في وقتها ، اما شروطي تدفع لي 15
_ابشري خليهم 20 مليون
*حي انا منك ما عارفه اقوليك شنوو
اها يناسبك متين يا حياتي ؟
_في اسرع وقت ممكن عشان مسافر
* امممم بكرة كيف معاك ؟
_بالسرعه دي وانا جاهز العصر كيف ؟
*خلاص العصر
وقفلت علي كدا ...

اما انحنا طلعنا ، ركبنا العربيه واسماء كانت سايقه بطريق كعبه كنت متاكده ان اليوم دا ما خيعدي علي خير و وجدان دي بس من كتر ما مخلوعه لمن ما مركزة ولا فاهمه حاجه عارفين احساس زول نايم ونعسان وشلنو جريتو من سريرو و سقتو معاك وهو م فاهم حاجه ، بس دا كان متظر وجدان ،،
بس لمن وصلنا البيت ، هما الباب بتاعهم زي باب القراش كدا النوع التخبط فيهر يعمل صوت زي لمن تخبط علي صفحية ، بس بتخبط بهستيريا ، لمن فتح الباب عمارر انا طوالي قبلت وشي ، قاليها في شنو يا اخت حتقلعي الباب في يدك ، ما براحه
جات نعمة قالت ليهو في شنو ي عمار دا منو البخبط كدااا ، بس اسماء لزتوو ، و نعمة مخلوعه في منظرنا لمن بقت تتمتم ، قالت و وجدان ان شاءالله خير مالكن و اسماء في شنو انتو ، اسماء قالت ليها اخوكي وينو الزفت الاسمو معمر دا ، و علي اليعترو جا مارق ومعاهو رفا وامهم كانت جات و نايمة جووة ، و الما عملتا حسابو ولا اتوقعتو من اسمااء انها كانت داسه سكينه المطبخ ، و من شافت معمر هجمت عليهووو ، و من الخلعه بس بنعاين و معمر م حاول اصلو انو يدافع عن نفسه او يبعداا او يعمل اي حركة ، و السكينه دخلت في بطنو زي السلام عليكم و غزتا فيهوو ، والله غزتا كيف ومتين م عارفه وانحنا واقغين بنعاين ، بس الا الدم دا جا كابي ، قالت ليهو يا كلب يا نجس دا البحصل لاي زول يمس اختي ، لا ما خلصت لسه
دور عمار ،، طلعت سفنجة الحمام من رجلاا و تفت فيها و رزعت بيها عمار في وشو ، والله عملتااا ، و قالت ليهووو دا ابسط شي ،، و جرتنا وانا قلت الليله حتبيت في السجن ، بس بركة العربيه شالوه اسعفوها والباقي ما شفناهو ، دورنا العربيه و رجعنا البيت زي الما عملت حاجه ،،
داخلين ومنططين عيون بس هرشتناا ، مالكن انتو في شنوو خلاص موضوع وانتهي ،، قطعنا الحركة بابحد اول مرة نشوف اسماء بالطريقه دي ، قالت لي من هنا ورايح تدسي عني حاجه يا زهرة يا ويلك و اعرفي انا فيكي بقتل و ما انتي بس ، شايفه اخواتك ديل كلهم امانة ف رقبتي ليوم الدين .. و مشت غرفتاا .. لحد ما نمنا واليوم دا انتهي كان غريب غريب و كنت بدعي ان معمر يبقي بخير عشان اسماء ما تتأذي ....

استككانة~🍌 هاكم موز روقو اعصابكم 😝