قسيم ريدي

21

اكرر ليكم الدنيا دي عمرها ما كانت ضايقه بس ربنا سبحانه و تعالي بيجمع تحت مسمى الصدف .. عرفتو عمار دا طلع منو ؟؟

طلع معمر اااي توقعاتكم صح ، بس كيف هو اسمو معمر و باكلم معاي علي اساس انه عمار !! ، طبعا اتلفت علي و لا ارادياً لذ الكرسي لمن وقع و و بنعاين لبعض بكل ذهول ، انا فاتحه خشمي عديل احساس غريب ياخ الانسان دا ؟ كيف طيب ،، قالي : انتي !!!!

قلت ليهو ايوة انااا !!

قالي جابك هنا شنو ؟ قلت ليهو نفس السبب الجايبك و للاسف اسوأ يوم في حياتي و اااخ بتمني بتمني لو تعرف انا قرفانه منك لياتو درجة يا استاذ معمر ولا تحب اقوليك عمار ، ياخ الدنيل ضيقه للدرجة دي ما القا غيرك بشوفك زي العمل الاسود ،

قالي .. انتي مجنونة ؟ اليوم داك يوم وانتهي و يوم حبيت اصلخ غلطتي اناي رفضتي اسي جايبك هنا شنو و بتسمعيني كلامك دا ؟

طبعا مسكتني ضحكة اقسم بالله ح اجن ، قلت ليهوو امسك تلفونك كدااا ، رنيت علي الرقم الكلمني منه ،

تلفونه رن ، قام قالي بس دا ما تلفوني ، عاينت ليهو قلت ليهو طبيعي يا جبان انك تنكر ، قال لي بس انا ما بكذب دا م تلفوني ، دا تلفون معمر اخوي الكبير ، و انا جيت هنا اوصله بس و هو في الكافتيريا بجيب مويه ، مسكت راسي و عيوني ديل لمن سخنو حاسه شويه و حنفجر ....

( تعالو شويه عند رغده وسلاف )

رغدة : يا سلاف اسي دا لزومو شنو البت دي والله بت ناس و مسكينه و ما اذتك بحاجه البتعملي فيهو دا غلط كبير ، حسام وعندك والبت حتتخطب خلاص شوفي حالك و خليها تشوف حالها

سلاف : لا هي الخربت علاقتي بحسام و خلتو يتغير علي ، انا وحسام كنا كويسين لحد ما هي ظهرت في حياتو و لخبطت كل حاجه ..

رغده : خلاص اسي الموضوع م مستاهل دا كلو احذفي الصور دي وخلينا نرجع البيت انا لازم اجهز شنطتي يا سلاف البت دي والله طيبه انسيكي منها ..

سلاف : رغده بتعرفي البيت ولا اوصفو ليكي عايزة تمشي ديك السكه

رغده : ي سلاف انحنا مهما كنا بنسوي غلط و بنزني رغم ان اهلنا ما محوجننا حاجه وعايشين حياتنا دي كلها غلط في غلط لكن بتعرف ربنا كويس و الدنيا دي بتدور ، الليله لو شفنا حاجة كعبه من زهرة انا كان ساعدتك لكن حرام دي برضو بت ناس

سلاف : رغده الله كم ؟

رغده : الله واحد و عشان خاطر ربنا خلينا نرجع

سلاف ( بي حدة ) : ارجع ديك السكه و لزت رغده ،، رغده مشت و ما نطقت بحرف ..

( في جانب بيتنا )

رماح : والله ي عم احمد انا بريد زهره

و عرفت انها موافقه بي و ما عندي مانع لو نعقد طوالي و بكلم ابوي عبد القادر وامي التاية و نجيكم عديل

ابوي : هي يا ولد انحنا غربه كمان للرسميات دي ، و " تلفون ابري رن و كان مهاب "

اتكلمو وفهمو علي كل حاجهو لقدام حنعرف التفاصيل ..

اما اناا مخي شبه انه اتشل قعدت في الكرسي و بقيت شايفه معمر دا عشرة عشرة والشي الحاصل دا لا يمكن يكون حقيقه ، انا لسه مقتنعه ان معمر دا ياهو عمار و 100% الزول دا بيكذب ، لحد ما لقيت شاب جاي علينا و فيهو شبه كبير من معمر ،

والشي الزادني حيرة يوم سالت رفأ اخت نعمة ومعمر عن عدد اخواتا قالت عندهم اخت واحدة و متزوجة و اخ ولا ..... ما مستحضرة كويس موشوشه شديد .. جا علينا و بقا واقف في حيرة وانا خلاص اصلا مافيني حيل للكلام او النقاش خلاص بس م عارفه انا عايزة شنوو ،

مصدومة لدرجه اني مستعده اتقبل اكعب خبر ممكن اسمعو في حياتي دي ، معمر قاليهو ، اظن الزوله المنتظرا ، وصلت دي هي ؟ قاليهو انا ما بعرف شكلها ولا هي بتعرفني وكل البينا كان فيس بوك ..

قلت ليهو بصوت واطي شديد ، منو فيكم كان بكلمني و متواصل معاي ؟

منو فيكم الكسرني ؟ منو فيكم البكاني ؟ هااا جابوني ههههههههههه ياخ سؤالي سخيف

الحقيقه انتو الاتنين المتوني و كسرتوني و حطمتوني ، سواء انت عمار و لا هووو فاا انتو الاتنين عملتو فيني نفس الشي ، معمر قالي ، قلت ليك انا ما كان عندي تواصل بيكي زياده عن العارفاهو ، قلت ليهو العارفاهو شنو ابقي راجل و قولو ،،

و انت مالك ساكت اتكلم ، عمار قال لمعمر و انت بتعرفا من وين ؟؟

سكت مسافه و بقيت بضحك و بعاين بس منتظرة نهاية الفلم الهندي داا ، قاليهو انا ما بعرفا فجاه ف يوم لقيتا في بيتنا و بعدها عرفت انها اخت صحبة نعمة اختي و اعجبت بيها و اتقدمت ليها و رفضتني.. قاليهو لا في غلط كيف يعني ، يعني اسي ف بنات الخرطوم ديل ما لقيت غير زهرة ؟ ؟ والنقاش بيناتهم شدة ، و اتدخلت ،،

قلت لعمار خليك من معمر ، انا اساساً قبل اعرف الصدفه الما بتشرف دي ، انا جيت هنا ما حباً فيك هااا انا جيت عشان يوم سبتني عشان بنت تانيه والله اعلم حصل شنو ورفضتك ، ورجعت لي تاني ، انا جيت الليله بس عشان ارد ليك الكف كفين ..

انا زهرة بت زهرة هاااا الكسرة عمرها ما بتبقي لي كسرة بالعكس بتبقي لي قوة يعني يا استاذ عمار بقدر ما حبيتك انا كرهتك والليله كرهتك اكتر لانو بأختقار كونك تكون اخو معمر فما اظن في ازبل من كداا و اناا هاا اناااا " لمن اتف تفة ما برجع والحسا تاني " عارف يعني شنو ؟ يعني يوم غسلت يدي منك ما برجع واوسخ يدي بيك تاني ، و يوم ارمي حاجه في القمامة ما بشيلا تاني ، ويوم ارمي حاجه ورا ضهري ما بتلفت ليها تاني ،، عرفتا يا تفه !!

شلت شنطتي و لبست نضارتي الشمسيه و كان بتنطبق علي مقولة : واثق الخطوة يمشي ملكاااً و انا بتك يا زهرة محمد احمد القرشي .....

استككانة ~🍹

يتبع ......