قلت ليهو انا ؟
قال لي ايوة انتي ، او بالاصح اديني بياناتك الفي الملف كامله قريتي وين ووين ..
قلت ليهو : اسمي زهراء احمد محمد خلف الله الرشيد ، عمري 20 سنة او 21 سنة
انا درستا ضيافه وهندسه طيران ...قاطعني قالي كيف تخصصين في آن واحد ، قلت ليهو انا من صغيرة بقولو عني نابغه من الابتدائي كانو بفطوني سنه لانو عقليتي اكبر مني و لمن دخلتا الجامعه ، دخلتها في عمر اصغر من عمري و كنته جامعه بين حاجات كتيرة لدرجة اخدت كورس التدريب اثناء الجامعه عشان انزل شغل بشهادتي طوالي و التوثيف اخرني تلاته شهور و ...
قالي اسسسس بطلي كذب انحنا اتفرجنا علي افلام كتيرة انتي مفروض تقري فنون مسرحيه اخراج تمثيل ، لكن دا يا بت انحنا اكبر منك ، انتي عارفه تصرفك دا حيوديكي في ستين دهيه ، اولاً الشهاده دي مزورة و التوثيق العليها داا مزور و م طلعت من الخارجية ، طبعاً مسكتني ضحكة ، قلت ليهو اكذب ليه يعني انا فعلا اي زول ما بكون مصدف بس قدامك دا ملفي فيهو اكتر من شهاده الباقين صور بس شهادة الجامعه اللصلية و موثقه و انا مستعده امش معاك الجامعه القريت فيها و ....
قالي لسه مصرة تكذبي ، الشهاده دي شهاده وحدة اسمهاا ريم احمد محمد احمد الزعيم و انتي عملتي منها نسخه باسمك ، بس حتتعاقبي علي الشي داا ، طبعا سكت واحترمت وناقشت واتفاهمت بما فيهو الكفايه وهنا جنيتي مرقت ، بس خبطتا يدي في التربيزة قلت ليهو انا بت ناس و البتقولو دا امور ناس تانين لكن لا اموري لا اتربيت عليها و بدل تهاجمني بالعنف اللغوي دا اتفضل معاي انا بقدر اثبت ليك ان دي شهادتي و معتمده و قبل اقدم عندكم انا شهادتي دي نزلت بيها شغل في الخطوط السوداني ، واظن لو فيها الغلط دا ما كان سكتو لي ، و لو في غلط حيكون من عندكم ،
قالي اتكلمي بأدب ، قلت ليهو لمن اتكلمت بأدب حصل شنوو يعني ، اساسا معروف انتو الفي مناصبكم دي الاداب ما بينفع معاهم و بتستفزو الواحد وبطلعو الغضب الجواهو وفي الاخر نبقي انحنا ما محترمين و ما متربين ، وانا ما حقبل ان سنين من عمري صيعتها قراية و سهر و تجي انت بكل بساذه تنسب مجهودي دا لانسان تاني و تتهمني اتهام باطل زي دا .. بس خمشتا ملفي من يدو و طلعتا و رزعت باب المكتب ، و ماشه الغضب داير يفججر وشي ، طلعت العربيه و قعدت ابكي و المساكين المعاي ديل ما فاهمين حاجه ...
( في جانب اخر )
سلاف : رغده بطلي عواره تعالي اقعدي جمبنا ياخ
رغده : ياخ انا عايزة اقعد هنا مافي داعي ابقي ليكم شوكة حوت
حسام : شوكة شنو في شنو لكداا تعالي اقعدي معانا
سلاف : خليها خلاص
حسام : طيب انا طلعتيني من الشغل خير في شنو ؟
سلاف : حسام الكلام الحقولو دا ما تفتكر انو ساهل علي ، بس والله انا مجبورة
حسام : احكي ي سلافه من غير مقدمات خيرر حصل شنوو ؟
سلاف : حسام انا كل م اقول ما افكر فيك والله ما بقدر غصب عني ما قادرة انسي ايام كنا مع بعض و ... حسام تلفونك بيرن شكلك ناسيهو صامت بينور و يطفي ..
حسام : خلي ديل ناس الشغل ، واصلي
سلاف : و بالجد بتمني لو تديني فرصه في حياتك و ... حسااام دي منو ؟ دي شنوو ، دددد د ددي دي دي صصورة منو الفي شاشتك دي و .. كدي كدي وريني دي منووو؟
حسام شال التلفون من التربيزة بسرعه قبل سلاف تشيلوو ،
حسام : دي صورة تخصني بعتذر ما من حقك تشوفيهاا ، واصلي كلامك
، و سلاف قامت زي المجنونة وكوركت في حسام لالا الا توريني ليها والا ما حيحصل كوويس دي منو يا حساام ، قاليها هو شنو الما حيحصل كويس معرسك انا و انا نا عارف ولا شنو ، و اقوليكي حاجه ،،
عايني ليهاا كوويس م عندي شي ادسو ، دي صورة زهره و انا بحبهاا و حأحبها لحد ما اموووت ..... و قام مشاااا
و هنا سلاف قعدت من مكانها م قادرة تتحرك و رغده جاتا جاريه ،
رغدة : حصل شنو في شنو مالكم ؟ سلاف اتكلمي في شنو حصل
سلاف : ابداً مافي حاجه ، بس بدت #رحلة_انتقامي_من_زهرة .........
استككانة🏃
توقعاتكم ...
يتبع .....
أنت تقرأ
قسيم ريدي
Romanceقصة حقيقيه ، قصة انسانه شافت الويل و الله اعلم ظالمة ولا مظلومة بقلم سحر سمير يوميا الساعة ٢ مساء
