قسيم ريدي

7

لحد ما جا يوم وانا بتكلم مع عمار ، و قال لي

ممكن اتصل عليكي ؟ استغربتا وانا خاته ان علاقتنا دي حدها ف الدردشه ، بس م بنكر حابه اسمع صوتو شديد ، وافقتا و اديتو رقمي ..
و اتفاجاتا ان الرقم دولي مفتاح غريب علي
.. رديت بأستغراب ، قلت ليهو انت م قلت لي انك برااا ، قالي ما جات فرصه بس انا جاي السودان ف الايام دي و كداا ، قلت ليهو لخير برضووو ، انا بطبعي ما بسال في خصوصيه ما لم الزول دا يحكي لي بنفسه ..
بقينا نتبادل الحديث ومنتظرة موضوعه القالو ، فجأه من غير مقدمات ، قالي رايك شنو في الحب ؟ قلت ليهو هههه حب شنو ؟
قالي الحب علاقه بين اي اتنين ،
قلت ليهو ما بعرفو ما حصل جربته بس بحب اخواتي و ابوي و امي الله يرحما و عمي عبد القادر لانو طيب ، قعد يضحك لمن اتشرق ،
صالي ما ممكن تكوني بالعفويه دي ي زهرة عايزة تقنعيني ان عمرك ما حبيتي ولا ازتبطي ، قلت ليهو فعلا انا ما بعرف الكلام القلتو داا ولا حصل جربتو اساساً ،
سكت مسافة و رجع قالي طيب انا حبيتك و الله حبيتك من كل قلبي و متمني اللحظة الاشوفك فيها عشقت تفاصيلك عشقت كل شي فيكي ، انا مخلووووعه الكلام دا عمري ما سمعتو ،انا اتحبااا !! زي الكأني ما صدقتا و كنت محتاجه لكدااا ، من جواي استسلمتا ، قلت ليهو انا ما بعرف يعني شنو حب يا عمار ، قالي بعلمك بنورك بعيشك بحسسك ، بس البعرفو ان مستحيل افوت منك، والدايرو منك توعديني زي ما وعدتك ،
قلت ليهو شنو يخليني افوتك بالعكس انا ما صدقت لقيتك ، قالي بس و تاني ما بهمني حتي لو ما بتحبيني ،
قلت ليهو كيف تحب انسانه ما شفتها !!
قالي لي الشكل ما كل حاجه و حيجي يوم واشوفك ، طبعا يمكن م تصدقو ان في واحد ما طلب صورة بنت في الفيس لكن دا كان شبه معجزة يممككككن ..
فاتت الايام ، يوم بعد يوم مشاعري ابتدت تضاخم و ما قادرة اتحكم فيها تجاه عمار ،
و حسام كان بتصل علي يوم بعد يوم ما برد او لو رديت بختصروو ،
و رماح دا تقريباً سكن في صالون بيتنا ،
بس ما حاسه بزول غير بي عمار ،
حتي اخواتي قالو لي بقيتي غريبه و ما بتقعدي معانا ، كنت بتحجج ، و اتكاسلت من موضوع افتش شغل و تلفوني 24 ساعه في يدي ، في يوم اتصلو بي رغد و سلاف انو نطلع و ككداا ، رفضتاا
بس بعداك وافقتا و كلمت اسماء و طلعت معاهم من البيت جو ساقوني طلعنا بي امجاد سلاف قالت لي ختي روج في خشمك دا ، قلت ليهاا بري قالت لي عولاق انتي ولا شنوو قلت ليها ياخ ماشين وين ؟ قالت لي مول عفراا هاكي ختي روج ،
عشان اخلص من زنهم ختيتووو ، وصلنا كدا ، رغد قالت ماشه الحمام ، سلاف قالت ليها ارح انا كمان ، قلت ليهو اكيد ما ناوين تخلوني براي ، المهم ساقوني ، واقفين بالساعات قدام المرايه و جدعو الطرح و مكياج و ارياح
و انا بس بعاين ، لمن مسكو فيني فكي الطرحه دي ماشه معانا زي الحجة ، قلت ليهو وحات الله ما افكها مجنونات انتو ولا سنو دا حجابي ، رغده قالت لي طلعي خصله مع تدويرة وشك بتطلع ظابطه ، قلت ليها هي لو دايرة اطلع خصله ، اذن لابساها ليه ؟
سلاف بقت تضحك قالت ليها خليها يا رغده دي مزعمطة شكلها ( بهزار) لكن استفزتني
قلت ليها منو المزعمطه ههه جريت خصله بيدي قلت ليهاا دي اقصر حصله عندي يلا روقي ، رغده قالت لي بس و ظبطتا لي من الطرحة و خلت الخصله براا ،
صراحه شكلها ظريف و قلت خصله ما حتفرق ، و بخت لي ريحه و بقينا طالعين ، طلعنا الكافتيريا ، وديل يتلفتوو زي مروحة التربيزة ، و انا برسل لعمار ما بيرد و هو اون لاين ، هنا مزاجي اتعكر قلت اكيد طلع و خلا الحساب فاتح ياخ ..
شويه مافي جو شابين زي الورد ، سلمو عليهم وانا رديت من بعيد ، اتفاجاتا بي حسام و معاهو واحد ، ابتسمت ومحرجه منه اتزكرت لمن ما كنت برد عليهو ، عاين لي استغرب فيني كداا ، المهم قصدو و سلاف دي تشيل وتعاين لحسام كان طالت كان قرمت منه حته ، و رغده مع فلااان التاني ، و انا م مركزة ولا شغاله بيهم بهبش في تلفوني و عقلي مع عمار ،
اسماء اتصلت علي قالت لي الزمن لازم ارجع ، طبعا اعترضو ان الوقت لسه بدري ، بس انا صممتا ، سلاف قالت لحسام ارح معاك عربيتك ؟ قاليها ايوة معاي ، جات معانا و خلينا رغده مع التاني ، ركبنا انا ورا وسلاف قدام ، بس الحصل هنا ان ( ..........) حتعرفو قدام !!!!!!!!!
وصلوني ونزلت منهم و دخلت البيت ،، بعدها بكم ساعه ، حسام اتصل علي ، اترددتا ارد عليهو ، بس لمن رجع تاني رديت ليهو ،
قالي كييفك زهرة
* بخير حسان انت كيفك
_حمدلله بس كنت حابي اقوليك ان ماف حاجه بيني و بين سلافه
* هههه و انا مالي يا حسام حتي لو بينكم انا حفرح ليكم و سلاف ماشاء الله عليهاا
_ انتي شايفه كدااا يعني ؟
* اي طبعاا و لو شفت غير كدا انت الخسراان
_ قالي تصبحي علي خير
* وانت من اهلو ف امان الله ..
بعدها اتصل علي عمارر .. التومات جمبي قمتا لفيت بالحوش الورا ( الزقاق ) رديت ليهو ، و بقينا نتونس بالساعات ، فجأه قال لي لنا لازم اشوفك يا زهرة ما بقدر انتظر لمن اجي مع انو فضل اسبوع ، قلت ليهو كيف يعني ما بتنتظر كلهم ٦ يوم اقل من اسبوع زاتوو ، قال لي ولا يوم ما بقدرر ، قلت ليهو والله دي عوجه كدي انا نعست نتم كلامنا بكرة ، زعل قالي صدقي ما عندك دم انا بقوليك داير اشوفك يا زهرة ، طيب ي عمار انا اسوي ليك شنووو اذا ربنا راد انت ف بلد وانا ف بلد ، قالي شغلي مخك ، قلت ليهو نعسانه مخي م شغال اسي ، قالي داير صورة ، قلت ليهووو شنوووو !! بصوت عالي لمن م حسيت بروحي ،
انت جنيت ولا شنووو صورة شنوو الارسلا ليك دي كان صورة بطاقتي ما برسلاا ، قالي لي تمام و قفل مني القفله الياها جا اليوم التاني ولا اشتغل بي لا سلام لا كلام ، اما انا زي المدمنة متنشنه و فاقداهو شديد ..
طالعه في سريري فوق ( سريري دورين) .. جاتني وجدان ، قالت لي انها ماشه بيت صحبتا ، طوالي قلت ليها سوقيني معاكي عشان انشغل ، لبست لي عبايه مفتوحه و من تحتها زي فنايلي لامي كدا لحد عضم الشيطان ، سماح شافتو قبل البس العبايه قالت لي ماشه بيهو وين دا ( بي نهرة ) ؟ قلت ليها ابردي من فوق ليهو في عبايه ، قالت لي ابردي !! دي شنو المصطلحات دي ي زهرة ، قلت ليها عادية ، قالت لي ايوااه كدي اللبسي العبايه خليني اشوفك ، لبستها و من قدام في ربطه حزام ربطتو ولفيت طرحتي قلت ليها كدا كيف ؟
قالت لي كدا اختي المحترمة ، جات وجدان و طلعناا اسماء وصلتنا ، غايتو من منظر البيت من برا بيدل علي انهم راقين شديد ، نزلنا و اسماء رجعت ، قلت لوجدان ماشاء الله بيتهم سمح ، قالت لي يتهنو بيهو والله يديكي راجل يسكنك في زي دا واحلا من دا ، سكت لاني اتزكرتا عمار البنيت عليهو آمال و حزنت شديد ، دخلنا البيت فتحت لينا صحبتا لوجدان و عندها اخت صغيرة ، قعدنا ف الصالون شكلهم علاقتهم سمحه هي و وجدان ، و انا طول الوقت فاتحه الماسينجر و بعاين في عمار انه اون لاين و لا فكر يرسل لي ،
قلت انا اجي علي نفسي م مشكله انا الاسلوبي كان حاد ( حملتا نفسي الغلط عشان بس فكرة فقدانو ما بقدر اتحملاااا ، و بررت ليهو عشان ارضي احساسي تجاهو )
و ......

يتبع .....