قسيم ريدي

3

غلبني ارد
معقولة اسماء تضحي بي حياتا وسعادتا عشانا ، لا انا ما حأسكت
قمت استحميت و صليت ، و مشيت لابوي
لقيت معاهو عمي عبد القادر ، سلمت عليهم لقيت سموحه جايبه شاي و جايه داخله ، قعدت شويه ابوي بعاين لي عرف عندي موضوع ولا شي دايرة اقولو ، قال لي زهراء
قلت ليهو هلا ابوي ، قالي انتي كويسه ؟
والله في احسن حال يا ابوي الله يديك العافيه ، يعني ما دايرة تقولي حاجه ؟ في اللحظة دي جا واحد من اولاد عمي عبد القادر هو ماولدو بس اتبناهو من شافع لانو عمي كان بشتغل سواق اسعاف ، فاا اهلو اتوفو في طريق القضارف و ما لحقو يسعفوهم اتوفو وبعدها عمي شال رماح و رباهو زيو زي اولاد عمي واكتر واحد بار عمي وزوجة عمي ، المهم دخل و قال سلام عليكم ردينا السلام ، و قعد في كرسي جمب باب الصالون ، عاين لي ، قال لي زهرا كيفك ، قلت ليه في نعمه من الكريم حمدلله ، و استمر فترة بعاين فيني ، قام عمي قال لي يا بتي ابوك دا حاسي بيك عندك موضوع ما تكوني خجلانه مننا ، قلت ليهو هي عمي بسم الله انت اسي فرقك شنو من ابوي العفو يا عمي ما تقول كداا ، ابوي قال لي اتكلمي يا بتي ،
طبعا انا اساسا متوترة و في سري ما خليت آية ولا سورة صغيرة ما قريتا ..
ابوي انا عارفاك ما بتحب المقدمات و لا الكلام الكتير دا كلو ، اثناء كلامي جات اسماء داخله سلمت و قعدت وانا هنا لمن بلعت ريقي ،، ابوي قال لي واصلي
قلت ليهو باختصار ي ابوي انا لقيت شركة و قبلو اوراقي و شهاداتي كلها ، اسماء قامت وقفت وجات علي ، شزكة شنو دي يا زهرا ، اسماء ارجوكي انا بتكلم مع ابوي ، و يعني شنو بتتكلمي مع ابوي يعني عايزة تقولي لي يا اسماء اقفلي خشمك دا و ما تدخلي ، قلت ليها العفو يا اسماء بس انتي متعصبه و خصوصاً في الموضوع دا ، انا ما قريت واجتهدتا و اخدت السنتين في سنة عشان اعلق شهادتي في الحيطه بنات كتار دخلو المجال دا قدري واكبر مني ،، لالا يا زهراا ما تقولي لي قدرك انتي عارفه مافي وحدة في عمرك اتخرجت ولا معاها الشهادات المعاكي دي كلهااا شوفي هنا عايزة تشتغلي شغل عادي كان بها ما عايزة تقعدي في البيت لمن يجيكي عدلك ،
انا بحترم اسماء شديد و حبي للقراية واحلامي كانت اكبر مني انا من دخلتا المدرسه كنته متفوقه لدرجة المعلمين بخلوني افط سنه و لمن دخلت الجامعه مجموعي دا كان بدخل طب الخرطوم لكن اخترت الطيران لاني بحبو دا غير كورسات اللغات الكنت باخدا فترت الجامعه ..
سكت مساقه بعد كلام اسماء ودموعي نزلوو بس يا اسماء انا ما دايرة غير اني ابقي مضيفه جوية ، ابوي قال لي طالما دي رغبتك انا ما حعارضك زي ما خليت كل وحدة فيكم تعمل الدايراهو ، اسماء قالت ليهو بس يا ابوي ....... قاطعا ، اسماء لمن دخلتي تخصصك واشتغلتي انا ما عارضتك خلي اختك تعمل الدايراهو .. رماح دخل ف الكلام
الزمن دا زمن العلم والمعرفه كل زول يشق طريقو حسب رغبتو و مجالك دا حلو شديد بس تفهمي صح ، اها تبع ياتو خطوط ؟
حبدا في الخطوط السودانيه لحد ما اشوف حاسه انهم متخوفين من صغر سني بس ربنا يهونا ، قال لي ايوة شدي حيلك وقدر قدرتك وريهم ، ف اللحظة دي اسماء استأذنت و دخلت ، انا شلت الصينيه و طلعتتت وديتا المطبخ ، مشيت الحوش لقيت التومات قاعدات يتونسو قعدت جمبهم ، قلت لامنيه في موضوع عايزاكم فيهوو بس لازم نجمع الباقين من غير اسماء تحس ، اماني نطت في شمااار يا زهرا صحح ، طبعا دي تموت في الشمارات ، قلت ليها لو في زول حيودينا في دهيه حتكوني انتي ياخ ، امنيه قومي ياخ
بعد عشر دقايق كلنا اتجمعنا ..
وحدة فيهم عندها صبر مافي ، سماح قالت لي احكي ، قلت ليهم اول حاجه انا حنزل شغل ف الخطوط ابجويه السودانيه قبلوني ، الزعلت زعلت و النططت نططت ، بس عارفني طالما مقررة مافي حاجه بتغير راي غير راي ابوي ..
والموضوع التاني اسماء .. اول نا قلت اسماء انتبهو لي ، كلهم قالو لي اسماء مالها ؟
صراحه الليله بالصدفه اسماء عندها علاقه بزول بتحبو من ايام الجامعه ، قاطعوني مستحيل انتي بتهزري و ما جدة و مستحيل اسماء دي ما زوله حب ، قلت ليهم خلوني اتم كلامي ، لا عندها و اسمو هشام بس المشكله م هنا ،المشكله انها معلقه الزول دا ليهو سنين منتظراا و هي رافضه عشانا ، اشواق قالت لي عشانا كيف يعني ؟
عديل والله قالت م بتتزوج قبل تطمن علينا
و تشوف كل واحدة فينا بي راجلاا ..
وجدان قالت لي انحنا شفع يعني ؟ والله ما عارفه ي وجدان اسي اخر حاجه قالت للزول دا شوف حياتك ، و انحنا لازم نعمل خطة نرجعهم لبعض ، و اتفقنا علي كدا بس كييييف ؟؟؟
وزعنا المهام علي بعض .. و نمنا
مرت الايام وجا السبت اللي هو اول يوم دوام لي ، صحيت بدري شربت الشاي مع ابوي و قمت جهزت نفسي و شلت شنطتي قبل اطلع اسماء وقفتني ، عاينت ليها قلت ليها صباح الخير و مشيت بوستها لانو عارفاها متنشنة ، قالت لي ان شاءالله ماشه بالمواصلات؟ والله يا اسماء ما حبيت اصحيكي ، قالت لي انا ظابطه المنبهه حجيب المفاتيح واجي ، و دعنا ابوي و طلعنا ، خوف اسماء علينا بالجد فايت حدوو انا م متزكرة متين ركبت لي مواصلات مرات بحس نفسي اطلع براي اتعود حاسه اني مقيده بس مقدرة الامانه الامي ختتا ليها في رقبتا ، شالت مسؤليتنا و هي محتاجه اليكون مسؤل عنها ،
وصلناا و نزلت معاي ، قلت حخليها علي راحتا لمن تطمن بنفسها و ترجع ، دخلنا لقيت نفس الزول السخيف داك ، قلت ليهو صباح الخير ، قال لي صباح النور زهراء صح ؟
قلت ليهو ايوة ، قالي اتفضلي عند استاذه وفاق اخر الممر المكتب القبل الاخير علي اليسار ، مشيت و برضو اسماء معاي لمن دخلنا ليها ، ورحبت بينا ، قالت لي زهرة الزمن ضاق قومي اجهزي لانو في رحله بعد نص ساعه حتكوني مرافقه مع تلاته مضيفات و انتي الرابعه ، ارجعي للسكرتيرة الفي الربسشن أ عشان تعرفي مكان تجهزي وين ، اسماء اتوترت و وقفت قالت ليها يعني لازم تبدا الليله ، وانا فرحانه ، قلت ليها روووقي ياخ ما تشيلي هم بوستها و قلت ليها اطمني ويلا قومي علي البيت و واصليني بالتلفون قعدتك ما ظريفه ، قالت لي تمام
طلعنا سوااا و شابكاني م تنسي الازكار قلت ليها لا م تقلقي تربيتك ، في اللحظة دي لاحظت ل راجل كدا بعاين لاسماء شديد لدرجه انه كان ماشي و وقف ، لحد م طلعت و فضل يعاين ليها بالقزاز ، انا مشيت واتجهت لغرفه الغيار دخلتا لقيت فيها بنات مضيفات و مساعدات ، سلمتاا اتنين ردو علي السلام ، و الباقيات يعاينو فيني من فوق لتحت ، استغربتا بس م اهتميت ، دخلتا غيرتا
و طلعتا ، وحدة من الردو علي قالت لي دا شنو العولاق دااا ، قلت ليها عفواً
مسكتني وحدة من الردو علي قالت لي قصدها الطرحه انتي ما قريتي الشروط ، قلت ليها لا ما لحقت اقراهم افتكرتها كلها اجراءت امن و سلامة ..
قالت لي مافي غير الشال الشيفون دا تبع الينوفورم لكن الحجاب ممنوع ، قلت ليها و انا ما بقلعو ، و ديك يتوسوسو و يضحكو فيني ، الاتنين الجمبي قالت لي انا رغدة و التانيه قالت لي انا سلافه ، حبيتهم و الله قلت ليهم و انا زهراء .. قعدنا اتونسنا و اتعرفنا بي بعض و زي ما عارفين المواعيد السودانية كملنا الونسه في الاخر طلعت الرحلة اتاجلت ، قلت ليهم دا الحال ولا انا حظي كداا ، ردت لي وحدة من المايعات ديلاك قالت لي لا والله دا قدم السعد ، سلافه قالت لي ما تهتمي بيها اصلا بيحصل كداا علي الاغلب يعني ما دايمااً ،
رغده قالت لي صراحه يا زهرة عندي سواال ياخ من ما شفتك ، قلت ليها اسالي طوالي ، قالت لي حاسه بيكي صغيرة ولا عمرك في بطنك زي ما بقولو ، قلت ليها لا ما صغيرة عمري 20 سنه ، طبعا اتخلعو و خصوصاا ديك ، قالت لي اصلو ما بصدق ، قلت ليهم ليه يعني ، و دخلنا في تساؤلات
وحدة من البنات الحقارات ديل قالت لي زهرة دا اسم الخدامة حقتنا ، بالذمة دا اسم امك تسميكي ليهووو الصراحه امكك مفتقدة للذووق ، و فكت الضحكة ....