Taas Noo
Hindi atubali ang nararamdaman
Katawan ma’y bugbog at nahihirapan
Dugo at pawis man ang kanyang puhunan
Kasipagan ang kanyang naging panlaban
Sa labanan, puso ang kanyang sandata
Inukit sa hangin ang bawat salita
Gagawin ang lahat para sa pamilya
Tuparin ang pangarap; maging dakila
Hinulma sa apoy ang determinasyon
Hindi hadlang ang mahirap na sitwasyon
Nakalimutan ang sariling emosyon
Ikaw sa iba’y nagiging inspirasyon
Maging nurse, pulis, o isang abogado
Kahit sino na handang magsakripisyo
Oras na ginugugol ay pawang ginto
Makamit ang mithiin at h’wag maglaho
Patawan man ng buwis ay kaya pa rin
Bawat sentimo ay di palalampasin
Sa pang-araw-araw ay may makakain
At mayr’ong tubig sa tuwing uuhawin
Karangalan ay hindi dapat ikahiya
Trabahong marangal, dapat ikatuwa
Makabagong bayani sa buong bansa
Taas noo, mabuhay ang manggagawa!
BINABASA MO ANG
PATIMPALAK sa Pagsulat ng TULA(Tagalog lang)
Poezjaito na ang hinihintay mong break! :))) sali a!
