جنس آدم

البارت الرابع

البارت الرابع
#جنس_آدم💔
#بقلمي_شمس

رامي .. ليش تگولين هيج مسامعه بالحب من اول نضره شاهيستا .. هههههه هاي بس بالافلام ..
رامي .. تدرين انتي شخصيتج غريبه ..
شاهيستا .. يعني شلون
رامي .. انتي ممزوجه بين الجمال والفكاهه .. ومااعتقد احد يعرفج ميحبج بسرعه ..
بس بيج شغله وحده .. مغروره😉

شاهيستا .. لا مستحيل
رامي .. هههههه اتمازح وياج مو تصدگين

بقينا نسولف اني ورامي ل 3 بالليل ..
اول مره احجي وي ولد اول مره يجذبني ولد بهذي الطريقه ..

گعدت الصبح گوه افتح عيوني بس عندي درس بالعهد ولازم اروح بدلت وبوست ماما وطلعت ..
كانت بسنت ماعندها درس رحت وحدي ..

وصلت للمعهد لگيت رامي واگف يم سيارته بباب المعهد ابتسمت هو ابتسم اتقربت يمه ..
گوتله صباح الخير ..
رامي .. صباح الانوار يالورد الابيض الناصع ..
شاهيستا .. ههههههه لازم سويت بحث عن اسمي ..
رامي .. طبعا .. بس تدرين صدوگ اسم ع مسمى
شاهيستا .. ☺️ ابتسمت بخجل .. رامي حتأخر ع الدرس يله باي ..
رامي .. باااي
( اووووف ادري بيج حتعبيني .. يله شأسوي اتحمل الي يريد الحلو يصبر على مره )

شاهيستا .. دخلت للدرس واني عقلي وكياني يم رامي كلامه اثر بيه وجذبني حيل ..
اول مره احس بهيج شعور ..

خلص الدرس وطلعنا اني مسويه جهازي صامت ..
اتباوعت دازلي رساله ع الماسنجر ..
اني اشترك ع الخط اذا خارج البيت ..

تذكرت هو لسا ميعرف رقمي ..
فتحتها كاتب شعر ..

يازهرتى البيضاء اليك خذيني
وبين اوراقك ضميني
خبيئنى عن انظار البشر واخفيني
امتصى شوقى وحنينى وبعطرك ارويني
يازهرتى البيضاء خذينى ودعيني
...بين اوراقك اغمض عيني
انام فى هدوء
اريحينى فقلبى متعب والاشواق تكويني
وانا منك واليك مهما طالت السنين
ياامراة ليست كالنساء
وحدك سحرتينى وحدك فهمتيني
بصدقك ورقتك بصفائك
بصوتك الهادى فى حدة الرنين
خذينى باحلامى بعيدا
بعيدا عن زمن الانين
وبين السحاب ارمينى ثم ارميني
يازهرتى البيضاء
خذى بيدى من عالم الوباء
خذينى فرغم احتراق المراكب
لازال فى قلبى مكان للصفاء
مكان ها هنا لزهرتى البيضاء

…………………………………

ممصدگه ثلاث مرات قرأتها .. عجبتني رغم ماجريئه .. ولانه مصارلنا كم يوم ع تعارفنا وهو هيج يدز ..

وصلت للبيت راويتها البسنت ..
گالت .. اللهم ارزقنا من هذا
شاهيستا .. هههههه آمين

استمرت علاقتي برامي طول هذي الفتره .. بدات الدوامات ..
واحنا بالليل اتصالات .. وكان دايما يقرألي شعر وخواطر اتعلقت حيل بي وبرومانسيته
وحبه الي ..
كان يجي يم المدرسه .. اكو حديقه مقابيل المدرسه نلتقي بيها مده عشر دقايق ..
لان مااگدر اطول اكثر ..
ماما مدرسه متوسطه ايضا وتعرف موعد طلعتنا ..
وابو الخط جيرانه وخفت ليگول البابا اذا تأخرت

وبسنت هم تبقى تزن براسي .. لتتأخرين

وهذا الشي خله رامي يتذمر ويضوج ..
يگول اني اشتاقلج واريد اشوفج .. ومن حقي واصدقائي كولهم يلتقون بحيباتهم بأماكن عامه وكذا ..

شاهيستا .. رامي اني مو مثل غيري . صحيح اهلي منطيني الحريه بكل شي بس مو معناها اطلع وادخل بكيفي ..

الصراحه اني اهلي ميگولون اذا اريد اطلع او اروح الصديقاتي وخاصه ماما ..
محارمتنا من شي .. بس اني اخاف اطلع وياه وحدنا رغم حبي اله ومااگدر ع زعله ..

ولو هو صاير يتزعل هوايه ع شغله طلعتنا ..
بس يرضى بسرعه ..

بدت امتحاناتنا الشهريه وصارلي واهس ادرس ورامي يشجعني ..
صار كولشي بحياتي ..
وبسنت تغار تگول هيج اني محلوه محد يتباوعلي ..

شاهيستا .. بلعكس انتي جمالج يخبل بس لاحگه حتجيج الجامعه وتشوفين ولد اشكال ..
ودور اني الي اغار منج لان اشوفهم يركضون وراج 😂
بسنت .. دروحي اقري بدل متصحكين عليه ..

شاهيستا .. لا والله احجي صدوگ تخبلين شعايزج عيون كبار وعسليه وحنطاويه وطول ورشاقه ..
بسنت ..اي اصبغي اصبغي
شاهيستا😂😂

واخيرا خلصت الامتحانات ودرجاتي كولش زينه فرحت حيل ..
ورامي هم فرح وكالعاده يگضيها غزل وكلام حلو ..
حتى استحي منه لان اني مو هالگد اعرف اتغزل واحجي
حبيبي بالگوه تطلع ..
وهو جرئ حتى بجسمي وشعري يتغزل

بيوم طلعت من المدرسه شفت رامي واگف مقابيلي ويبتسم  همزين كنت لابسه الصدريه الي يحبها رامي

واني لبسي كوله مخصر وشعري ارفعه لفوگ حتى رامي يگول حلوات عليج ملابس المدرسه ويگولي احسج طفلتي من اشوفج بيهن ..
اني ابتسم وهو هم عيونه ماتفارقن بالنظرات ..
گالت بسنت شاهي مو تتأخرين ترى الخط حيجي ..

سمعت بنات ورايه يسولفن .
لج رؤى مو هذا الي يبيع كماليات بالكراده
اي صحيح الي مخلي دسته اوراق يمه مال ارقام وكل الي تشتري ينطيها رقمه ..

اي گبر ابو البنات ..

اني بساعتها صارت ظلمه الدنيا بعيني .. اتباوعله يبتسم
عبرت الشارع ورحت يمه ..
گال .. حبيبي شطالع يخبل
شاهيستا .. هذا الكلام كم وحده گايللها قبلي .. وصدوگ الارقام الي مخليهن بالمحل .. بعدك توزع بيهن للبنات

رامي .. هاي شبيج شاهي شسمعانه اليوم
شاهيستا .. مو اني البنات كولهن يعرفنك .. طلعت مرقمهن كولهن ..
وسمعت بأذني يحجن عليك .. احس الدنيا سودت بعيني
اني اول مفتحت عيني ع الحب حبيتك تالي تطلع هيج

رامي .. شنو هيج اي صحيح ماانكر كنت قبلج .. ارقم بنات واسوي علاقات .. بس من حبيتج نسيت الكل
اترك شغلي ومحلاتي حتى اشوفج وانتي هيج تگولين

شاهيستا .. خلص رامي مااگدر احجي وياك اسفه باي
#بقلمي_شمس
يتبع…

……………………………………

حبايبي العبره من القصه انه مو اي احد يحجي كلام معسول وحب نصدگه ونثق بي ..

لأن اكو شباب بهذا الوقت ضيعوا معنى الحب ..
صار مجرد تسلايه وضحك ع البنات
شاهيستا وحده منهم .. وغيرهم بنات حيجي دورهم بعدين بالقصه .

آرائكم حبايب #شمس❤