جنس آدم

البارت الثاني عشر

البارت الثاني عشر
#جنس_آدم💔
#بقلمي_شمس

هو  دا ياكل .. گوتله حدخل اسبح واغير ملابسي ..
گلي لا خلي انخلص شغلتنا وادخلي اسبحي ..

شاهيستا .. ههههههه انت تحلم تلمسني .. دنست شرفي واخذتني بالاجبار بس مستحيل اخليك
تلمس شعره مني ..
خلص اكل .. وبدون ميغسل اتقرب الي وحاول وياي واني ادفع ..
اتذكرت رامي من اعتدى عليه  وگمت اعيط ..

حاول وياي وتالي انسحب وركض للحمام .. كسر ماادري شنو ..
استغربت هذا شبي .  معقوله كسرت گلبه وتركني
او حس بمشاعري اتجاهه ..
بس معقوله عنده احساس .. #شمس

شويه وطلع لاف ايده وتنزف  .. گمت بسرعه گوتله هاي وين انجرحت بيك شي ..
نتر عليه مابيه شي ولي من وجهي ..

گبر الصوج بيه خفت عليك ( احجي بداخلي )
صاح باعي هاج .. اخذ كلينكس وخله بي دم وگال الي يسألج عن بياضج گولي هذا .. مو تگولين متقربلي

تركته ودخلت للحمام لگيته كوله گزاز لميته وخليته بالسله وسبحت وطلعت ..

لگيت ياسر نايم .. اتباوعت .. للصينيه .. جايب كباب ولفات گص .. هو ماكل الكباب كوله ..
اخذت لفه لان ميته جوع ومماكله .. فتحت الثلاجه بيها عصير ومي اخذت بطل مي وعصير .. #شمس
وگعدت اكل .. وافكر .  ليش سوى هيج
كان يگدر ياخذني غصب وينطي البياض الاهله ..
شخصيته غريبه ومااعرف افسر تصرفاته شنو .

خلصت نمت ع التخم .. گعدني الصبح گال يله خلي نروح بدلت ولميت اغراضنا وطلعنا ..
رحنا البيت عمو .. ذابحين خرفان ومسوين غدا وعازمين الدنيا كولها ..
البيت عباره عن نسوان واطفال .. شفت ماما وبسنت ارتاحيت حظنتهم ..
بقيت گاعده بالصاله شويه وبعدين صعدنا للغرفه .
حلوه ومرتبه .. هستونا دخلنا ..
دخلت مرت عمو .. گالت وينه بياضج ..
گلتلها بالجنطه .. فتحتها اتباوعت .. #شمس
لعد ليش بكلينكس  معقوله ام شاهيستا متعرفين هاي السوالف ..
ماما .. لا عيني اعرف بس هاي الشغلات صارت قديمه ماادري لسا تفكرون هيج
ام ياسر .. اي صحيح قديمه بس بحالة بنتج لازم نتأكد بنيه لو لا ..

اني وماما وبسنت هيج 😲😲 #شمس
شگد حقير ياسر .. مسوي روحه ابن عمي وسترني وهو گايل الامه ..

شاهيستا .. اني شريفه والي يگول غير هيج .. اموته فاهمه لو لا ..
ام ياسر .. شوف اللسان مو اني گتله الياسر هاي ماتفيدنا وترباتها غير ترباتنا ..
ماما .. وشبيها ترباتنا 😡
صارت مشادات بالكلام بينها وبين ماما .. وبالگوه سكتناهم .. ومن يومها شدت وياي مرت عمو وكرهتني ولو هي اصلا من البدايه مرايدتني ..

بيومها تعاركت وي ياسر .. وحلف مگايل الامه .. وگال خاف سمعتنا من نحجي اني وابويه ..
لأن بس الابوي گتله ..
بالبدايه ماصدگت بس بعدين من شفتها تتنصت ع بابنا كم مره .. صدگت .

خلصت هوست الزواج  ومرت الايام ..
وياسر يحاول يتقربلي .. واني مااقبل ويجبرني وحتى يضربني وينسحب بعدين ..
كم مره يحاول ..
بداخلي مااريده .. وتلعب نفسي بس شأسوي مجبوره
بس گام يگضيها يبوس ويحظن ويشم رگبتي وبس ومن مااخليه ..
يبقى يعايرني . الي خطفج شبع بيج وانتي مكيفه واني ترفضيني هاي جزاتي لان سترتج ..

اجه رمضان وارتاحيت .. لان نگضيها صيام وهو يسهر وي اصدقائه بالليل فما يلحگ يتقرب يتسحر وينام ..

طلعت النتائج .. ناجحه بس مجبت معدل عالي .. جبت 84 .. ضجت حيل ولو اني ذيج الفتره
مااهتميت للدراسه . 
ردت اسوي تحسين معدل بس ياسر ماقبل ..
وگال لو تبطلين لو تقبلين بأي شي يطلعلج ..
………………………………………………

ريما .. استمرت علاقتي اني وبدر .. ونسيت ذيج السالفه لأن اكد .. الي انه حنتزوج ..
اجه رمضان .. وصيام وتعب تخربطت . 
وعبالي عندي هبوط لان اني كل بدايه رمضان اتخربط
بس استمرت هذي الحاله ..
وكل الي يشوفني يگلي وجهج اصفر ..
الاكل كرهته .. #شمس
والي قهرني استلمت النتيجه اكمال .. ضجت حيل
واتخربطت بالزايد ..

اهلي خافوا عليه گلولي بعد متصومين ..
راح تموتين ..
بالصدفه اجو بيت عمو ابو وليد .
واجت لين بنت عمو هي اصغر مني بسنه يمي شافتني ..
گالت لج هاي شصاير بيج .. اخاف من تجيج هيج يصير
اني هيج اتخربط واموت منا لمن تخلص ..

گلتلها .. لا مااجتني بس اني كل رمضان اتخربط وتعب الامتحانات والنتيجه كولهم اثروا عليه ..

هي تحجي واني صافنه .. #شمس
اتذكرت صارلها شهر ونص يمكن مجايتني ..

طلعوا بيت عمو رحت ابحث بالگوگل ..
الاعراض اعراض حمل واني غايبه عني ..

گمت اخرمش بخدي .. عزا العزاج ريما ..
تذكرت الوقت الي اخذني بي بدر للبيت .
صارلي اكثر من شهر ..
گمت املخ بنفسي وابجي بسكته وخانگه صوتي ..
معقوله حملت بسرعه ..
شوف حظي نسوان سنين ميصير عندهن واني من اول مره ..
اتمنيت بذيج الساعه اني عقيم وميصير عندي 😭

سويت نفسي نايمه .. ناموا اهلي اتصلت ببدر..

بدر .. الو بروحي شلون صرتي ..
ريما .. عزا العزانا بدر .. احجي وابجي
بدر .. شبيج شكو بس لا اهلج عرفوا
ريما .. لا بس اكيد راح يعرفون
بدر .. اهدي وفهميني
ريما .. بدر يمكن اني حامل
بدر..  😲😲 معقوله انتي شدتحجين
ريما .. انت السبب .. گتلك گتلي مايصير من اول مره
بدر .. لج اهدي منو يگول وحدج تقررين
اسمعي باجر اشتريلج تحليل بيتي من الصيديليه ..
واتصل عليج تطلعيلي وحللي واتأكدي
وبعدين نلگه حل ..
#بقلمي_شمس
يتبع…