جنس آدم

البارت الحادي عشر

البارت الحادي عشر
#جنس_آدم💔
#بقلمي_شمس

ريما .. ماما بقت تحجي واني دخلت للغرفه اخذت ملابس ودخلت للحمام ..
اسبح وابجي واغسل جسمي وافرك بالدم ..

گعدت بالگاع وابجي واشهك .. شسويت بروحي ياربي ليش استسلمت هيج بسرعه الرغباتي ..
بمجرد مالمسني حسيت نفسي تخدرت ..

خلصت سبح .. طلعت عيني وارمات من البجي ..
دخلت گبل نمت ..
گالت ماما متتغدين ..
گلتلها اخذنا الوقت واحنا ندرس تالي جابت غدا وتغدينا سوه ..
هسا تعباني اريد انام ..
احجي واني جوه البطانيه اخاف تشوف عيوني وتعرفني ابجي ..
ردت انام ماگدرت بس اتگلب ..

تالي گمت اتصلت ببدر وابجي ..
بدر .. اوووف ريما ليش مكبره الامور .. گوتلج وداعتج مااتركج نتزوج ..
ريما .. واذا حملت شلون ..
بدر .. هههههه شنو السالفه قابل هيج من اول مره .
گولي يالله الناس تتزوج تبقى اشهر وميصير عندها ..

گعد يهدي بيه ويواسي .. والصراحه هدأت لان كلامه ريحني ..

مرت ايام واني احاول انسى والهي نفسي بالدراسه لان مابقى شي للامتحانات ..

…………………………………………………

رامي .. من يوم الي صارت سالفتي وي شاهيستا مااعرف ليش انكسرت نفسيتي من البنات ..

كلما اشوف بنيه اتذكر شاهيستا ..
احس اكو فراغ بحياتي .. صفناتي كثرن وكل ساعه محصل رزاله من ابويه ..

بنات اشكال يجن للمحل .. بس مو مثل قبل لااتباوع ولااحجي وياهن حتى مجامله مااجامل ..
اني شاطر بشغلتي بالساني واسلوبي كنت اخلي المايشتري يشتري مني ..

هسا مالي خلگ .. ومن جهه امي تلح عليه . تريد تخطبلي واني مالي ثقه بالبنات ..
شلون اتزوجها واني جاي اشوف علاقات البنات ..
منو يگول الي آخذها مالاعبه لعب قبل مااخطبها .

لهذا كنت مااتزوج .. كنت مونس روحي بالعلاقات ..
وشاهيستا من آخر مره بعد ماشفتها .
ولافكرت اشوفها .. خلص صفحة وانطوت من حياتي..
…………………………………………………

شاهيستا .. الامتحانات بقى اهلها يومين ..
واحس نفسي مامستعده .. ( بقلمي شمس)
فكرت أاجل هذي السنه .. بس بسنت شجعتني وگلتلي
لتخلين شي يكسرج .. باعي المستقبلج

وفعلا .. امتحنت وكنت اطلع مجاوبه .. بس مو الاجابه الي اتمناها ..
احس نفسي گمت انسى من كثر التفكير ..

وبيوم من الايام . خلصنا امتحان ودا نرجع للبيت
وشفت سيارة رامي .. مرت من يمنا ..
اتهسترت .  مااعرف شنو عنده هنايه بس اتذكرت كلامه وحبه وكولشي عبالك شريط ومر من حياتي ..

گمت ابجي واشهگ .. وصلت للبيت .. شافتني ماما گالت شبيج .. محجيت دخلت للبيت ..
بسنت .. ماما ماكو شي .. بس مو زينه بالامتحان
ماما .. عبالك عين وصابتها .. مو شاهيستا الي نعرفها تغيرت كانت متميزه هسا حتى الدراسه مالها واهس

ماادري اذا شافني او  لا. بس من شفته تجمعت عندي مشاعر حقد ع شوق ع كره ..
مااگدر احدد ..
ولااعرف شنو احس ..

كان باقي امتحانين واخلص . 
للعصر اجت مرت عمو ام ياسر .. جايبه فلوس وگالت خلي تجهز ملابس واحتياجاتها ..
لأن احنه الخميس الي ورى الامتحانات مباشرة ناخذها لان حيجي رمضان ونتوازه ..

ضجت حيل وبيومها ماقريت كولش كان عدنا امتحان فيزياء ..
ردت بس اخلص امتحانات وارتاح ..
شرطت ع اهلي اي كليه اطلع اكمل .. مو ياسر يبطلني وهذا الاتفاق ايضا مع ياسر واهله وهم وافقوا ..

خلصت الامتحانات واخيرا بعد ماخلصت روحي ..
واخذوني بالاجبار اشتري ملابس ..

اشتريت فساتين .. وتنانير طوال وقمصان قصيره وستر وشالات .. وقمصان طوال وبناطير ..
وميك اب وعطور وكذا كملت كل احتياجاتي ..
ماما متعجبه ..
معقوله شاهيستا هذا مو ستايلج ..
شاهيستا .. ليش محلو
بسنت .. لا بالعكس حلوات واني للجامعه اشتري نفسج فكرت اتحجب هم ..

ماما .. هاي شنو منين اجت هذي الديانه .. شنو هذا التغيير .. اشو من ابوكم گال تتحجبون بالجامعه اعترضتوا ..
شاهيستا .. معناها كبرنا وافتهمنا ماما ..
ماما .. الله يهديكم ان شاء الله

رحنا اختارينا البدلات .. او بالاحرى ماما وبسنت يختارون ورحنا المركز تجميل حجزنا ..
وبعدين اخذنا غدا ورجعنا لان بقينا للضهر ومطابخين ..

تغديت ونمت .. للعصر اجو بنات عمو و وبنات خوالي وزوجاتهم من اربيل ..
البيت صار هوسه .. ولمة بنات ودگ ورگص ..

ثلاث ايام هم يدگون ويرگصون واني ماكو فرحه بداخلي
معقوله راح انجمع بغرفه وحده وي هذا المتخلف ..

صارت الحنه وسويتها بالقاعه لان صديقاتي وصديقات ماما واقربائنا هوايه ..
طلعت اخبل .. لبس بدله ماروني واني بيضه .  وبعدين سمائي ووردي وحليبي وذهبي ..
صحيح كنت ضايجه بس تونسنا بيومها ..
وبسنت اجتها هوايه عروض زواج .. بس ماوافقت .
تگول .. لاعيني بعدني شنو شفت بحياتي حتى اتزوج

فعلا .. شنو شفت اني بحياتي وراح اتزوج انسان مااحبه واكرها شلون حعيش وياه ..

ثاني يوم صارت الزفه .. وعبالك حياخذوني للاعدام .
بيان الاخر لحظه يتصل يگول اتركيه ولتتزوجيه ..

بس اني اعتبره اخويه ومو ببالي .. ومستحيل ادنس سمعته بابا وخاصه احنه بيوم الزواج يعني فات الاوان
وبعد ماكو رجعه ..

اجت الزفه وياسر دخل .. فرحان ويبتسم وولد عمو يرگصون وراه ..
اتباوعلي وهمس .  هذا الجمال كوله الي مااصدگ ..

اخذني ورحنا ودموعي تنزل عشره عشره ع خدي ..
ابجي ع اهلي وحياتي الحلوه الي راح اتركها .. لو ابجي ع حظي .. مااعرف ..

رحنا للفندق .. دخلنا جابو العشا .. گلي تعالي اكلي
گتله مااشتهي  .. گعد ياكل ولا اهتم حتى رومانسيه ماعنده ..
مثلا يگول مااكل الا تاكلين وياي وكذا ..
لا هو گعد ياكل مثل واحد مشايف .
واني الصراحه ميته جوع بس انسدت نفسي من شفته شلون ياكل ..
#بقلمي_شمس
يتبع…